大坑美食
大坑美食

大坑美食10大推介|鐵皮檔馳名豬扒麵+人氣Cafe+高質可麗露

飲食

廣告

大坑位於銅鑼灣與天后之間,大坑「麻雀雖小但五臟俱全」,食店選擇多又廣,由平民小食到高級西餐都有,近年不同類型小店都陸續進駐呢個社區,餵飽完個肚之後仲可以喺周圍行街,今次就等記者帶你地發掘呢個小區有咩隱世美食啦!

大坑美食10間合集推介!鐵皮檔馳名豬扒麵+秘製薯粉溝米線+煙韌爆餡流心曲奇

1)炳記茶檔|碩果僅存路邊鐵皮檔 馳名豬扒麵凍奶茶

昔日充滿道地風味嘅鐵皮檔買少見少,炳記茶檔創立於五十年代,就喺其中一家碩果僅存嘅鐵皮茶檔。最出名有奶醬多、豬扒麵仲有熱奶茶。熱奶茶係唔少食客慕名而來嘅原因,口感綿滑之餘亦芳香濃郁,味道唔會太甜,曾經更榮獲CNN選為香港4大奶茶之一,連Eason陳奕迅都係常客!記者強烈推介佢地自家醃製嘅豬扒麵,黑椒汁醃得入味之餘食落肉質爽口,坐喺路邊食仲寧舍有feel!

大坑美食 eason喺炳記寫上「冇食過炳記茶檔就等於冇嚟過大坑!」
連Eason都曾喺炳記寫上「冇食過炳記茶檔就等於冇嚟過大坑!」(圖片來源:IG@icecatchyou)
大坑美食 招牌豬扒麵加埋鋪頭嘅辣醬更加惹味!
招牌豬扒麵加埋鋪頭嘅辣醬更加惹味!(圖片來源:@IG@icecatchyou)

2)Cookie Vission|煙韌流心爆餡曲奇店 日賣500塊

由網店發圍嘅Cookie Vission,主打煙韌QQ流心曲奇,一掰開即爆餡,超好打卡!店舖門面裝潢以白色及綠色作設計,搶眼舒適。曲奇口味都好非常有創意,唔同一般出面食到嘅曲奇,有朱古力花生醬、抹茶、Nutella榛子、葡撻、烤朱古力棉花糖、朱古力碎碧根果、烏龍茶、和三重朱古力等。每日會隨機供應9-10款口味,日日都唔同。負責人透露每日會烤焗約500塊曲奇,日日沽清,認真巴閉!

大坑美食 Cookie Vission
Cookie Vission於大坑開設實體店舖,吸引粉絲及街坊幫襯。(圖片來源:新假期編輯部)
  • 餐廳:Cookie Vission
  • 地址:大坑浣紗街6號(顯示地圖
  • 電話:從缺
  • 營業時間:星期一 13:30 – 21:00;星期二至日08:30 – 21:00
  • Facebook專頁:Cookie Vission
  • Instagram專頁:@cookievission

3)HeyDay Cafe|簡約純白裝潢 轉角咖啡店

HeyDay Cafe早已成為大坑咖啡店新貴!店主選址於街角轉角位,記者一到埗便被它的純白外牆及玻璃大窗戶所吸引。咖啡店走簡約路線,大窗戶呈開放式設計,打開後便成半開放式位置,為店鋪透入自然光,打卡影相一流!鋪頭主要賣輕食、甜品及飲品,下午嚟坐返陣,感受一下附近小區氣息,都係相當不錯嘅選擇。

大坑美食 新開業不久的 HeyDay Cafe 可謂大坑咖啡店的新貴
純白色裝潢再配合靠門口的玻璃大窗戶,驟眼看已十分吸睛!(圖片來源:[email protected]
大坑美食 玻璃窗打開後就會成為半開放式位置,坐底嘆杯啡都好寫意!
玻璃窗打開後就會成為半開放式位置,坐底嘆杯啡都好寫意!(圖片來源:IG@icecatchyou)
大坑美食 HeyDay Cafe是寵物友善咖啡店
HeyDay Cafe喺寵物友善咖啡店。(圖片來源:IG@mochi_shibaa)

4)Plumcot|兩夫婦法國學師 高質烘焙人氣可麗露

小店由兩夫婦經營,佢地對法式烘焙都非常感興趣,去完法國當地學師後,2017年就喺香港開設烘焙店。Plumcot主要賣法式包點,例如可麗露、牛角包、肉桂卷及提子包等,另外亦有售自家製雪糕,原材料更堅持全天然。長期都會有人慕名而來幫襯,更深受大坑街坊愛戴!

大坑美食 Canele ,外層表皮焦脆,內部濕潤軟綿彈牙,更加食到焦糖香及微微冧酒味,本身可麗露要整得好食都唔簡單,所以記者覺得絕對值得一試!
Canele $35,外層表皮焦脆,內部濕潤軟綿彈牙,更加食到焦糖香及微微冧酒味,本身可麗露要整得好食都唔簡單,所以記者覺得絕對值得一試!(圖片來源:IG@skeatravelife)
大坑美食 週末店外經常大排長龍,一到去到中午就好快會賣晒,記得要早啲去!
週末店外經常大排長龍,一到去到中午就好快會賣晒,記得要早啲去!(圖片來源:IG@skeatravelife)

5)前座飯堂|懷舊麵檔秘製酸辣薯粉溝米線

前座飯堂最出名喺秘製酸辣薯粉溝米線,平時食酸薯粉同米線就食得多,兩樣溝埋一齊食呢個組合又有無試過呢?可以一次過滿足晒你兩個願望!一踏入餐廳,就見到牆上掛有不同電影海報、霓虹燈及大字標語,再加埋閃吓閃吓嘅disco波波燈裝修,似足舊時嘅懷舊麵檔,好有氣氛!

大坑美食 門面裝修睇落相當型格,驟眼睇完全估唔到喺一間米線食店。
門面裝修睇落相當型格,驟眼睇完全估唔到喺一間米線食店。(圖片來源:IG@leedeefood)
大坑美食 店內不同位置都有掛上霓虹燈。
店內不同位置都有掛上霓虹燈。(圖片來源:IG@leedeefood)
大坑美食 阿金紅燒牛肉薯粉溝米線 5,牛肉腍身,面條軟韌程度適中,湯底濃郁,好有台灣風味。
阿金紅燒牛肉薯粉溝米線 $105,牛肉腍身,面條軟韌程度適中,湯底濃郁,好有台灣風味。(圖片來源:IG@leedeefood)
大坑美食 泰式涼拌手撕雞米線 $78,青瓜絲同雞絲份量啱啱好,雞絲滑溜,麻辣超香口!
泰式涼拌手撕雞米線 $78,青瓜絲同雞絲份量啱啱好,雞絲滑溜,麻辣超香口!(圖片來源:IG@leedeefood)

6)大坑順興車仔麵 日賣200碟招牌滑蛋系列

歷史悠久的大坑順興車仔麵,早於60年代便已開店,搬到大坑後更成為人氣長龍店。除了車仔麵外,滑蛋系列深受街坊歡迎,日賣200碟的招牌滑蛋系列,沒有加入牛奶也滑溜,豉油也經過特別調味,加入了葱花,更加香口。

大坑美食 滑蛋叉燒飯 茶餐廳 邊間最好食 順興車仔麵大牌檔
招牌滑蛋叉燒飯(圖片來源:新假期編輯部)
大坑美食 滑蛋叉燒飯 茶餐廳 邊間最好食 順興車仔麵大牌檔
車仔麵(牛腩、豬腸、勁辣魚蛋配米粉加辣汁)(圖片來源:新假期編輯部)
大坑美食 滑蛋叉燒飯 茶餐廳 邊間最好食 順興車仔麵大牌檔
奶醬多(圖片來源:新假期編輯部)
  • 餐廳:順興茶餐廳
  • 地址:大坑安庶庇街5號地舖

7)Maka Hiki 人氣熱帶島國餐廳

大坑Maka Hiki 供應充滿異國風情夢幻寧靜藍早餐!懂門路的貪吃鬼都會到大坑搵食,無得去旅行又想在香港來趟熱帶島國偽旅行,糅合加勒比海與太平洋島國避世小鎮氛圍的燒烤酒吧Maka Hiki是個不錯的選擇,在翳熱天氣下未食已覺透心涼!

大坑美食
(圖片來源:Facebook@makahikihk)
  • 餐廳:Maka Hiki
  • 地址:大坑銅鑼灣道98號Little Tai Hang2樓

8)The Shophouse戰前唐樓改建 懷舊文藝咖啡店

有別於一般cafe,The Shophouse 主打懷舊文藝路線。店內座位亦與普遍cafe不同,座位比較少,而且擺放位置分散,可能不夠座位供客人坐,需要站著品嚐咖啡。店內裝潢設計主打懷舊簡約路線,有如通過時光隧道,回到舊香港年代。客人可以遊走於The Shophouse,一邊欣賞文藝作品,一邊細味著手中的精品咖啡。

大坑美食 戰前唐樓改建 懷舊文藝咖啡店!
戰前唐樓改建 懷舊文藝咖啡店! (圖片來源:IG@himmy_food)
大坑美食 The Shophouse 主打懷舊文藝路線。
The Shophouse 主打懷舊文藝路線。 (圖片來源:IG@himmy_food)
  • 餐廳:THE SHOPHOUSE
  • 地址:大坑第二巷4號地舖

9)Fineprint型格輕工業風咖啡店

Fineprint不走簡約文藝路線,選擇走型格輕工業風。店舖外牆沿用工業風設計,型格的店鋪外觀經已非常引人注目。鋪面以黑白灰為主題,環境舒適,有半開放式及室外座位供應,必定是港島cafe界的hidden gem!

  • 餐廳:Fineprint
  • 地址:大坑蓮花街1號地舖

10)Unar Coffee Company隱世咖啡店

Unar Coffee Company店舖設計非常獨特,由走文青路線改為走輕工業風路線。由以往沿用落地大玻璃開揚設計的鋪面,變為只有一個通風口設計的鋪面。而且一改以往做法,客人已不能進入店鋪,唯一能與職員接觸的渠道便是「通風口」。這個通風口的設計在香港非常獨一無二,必定是文青打卡勝地!

大坑美食
(圖片來源:Instagram@unarcoffeehk_est.2011)
大坑美食
(圖片來源:Instagram@unarcoffeehk_est.2011)
  • 餐廳:Unar Coffee Company
  • 地址:大坑新村街15號地舖

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
區區搵食
圖片來源:新假期資料室、官方圖片、IG