佐敦美食
佐敦美食

佐敦美食|17間餐廳推介!平價牛扒薯條+隱世文青Cafe+點心放題|區區搵食

飲食

廣告

佐敦美食|佐敦位於旺角與尖沙咀之間,平時覓食通常都只會諗起另外兩個鄰近地區。佐敦其實臥虎藏龍、美食雲集。今次為大家送上17間佐敦美食推介,當中有米芝蓮中式糕品舖、隱世文青Cafe、平價西冷牛扒薯條餐、藝人大讚餐廳、餃子任食及點心放題等,鹹甜酸辣樣樣齊!

佐敦美食|17大必食推介:平價西冷牛扒薯條餐+養生牛乳玫塊鍋+40分鐘任食餃子

  1. 中式美食
  2. 西方風味
  3. 日系料理
  4. 玩味打卡
  5. 任食放題


中式美食

佐敦美食餐廳推介|中式美食|1. 方太糕品舖|佐敦日賣4,000件 米芝蓮小吃店

方太糕品舖紮根在佐敦一帶10多年,一直是糕點界的名店,開業至今吸引不少街坊熟客捧場,今年年初更成為《香港澳門米芝蓮指南2022》的小吃店推薦之一!小店現時由一家六口合力打拼,主力供應16款傳統糕點,椰汁千層糕除了傳統口味外,亦有多款新派口味,如椰汁綠茶千層、椰汁紅豆千層、芋頭南瓜千層糕。
方太糕品舖 更多詳情

佐敦美食餐廳推介|中式美食|2. 憶食尚臘味煲仔飯|歐陸雅緻歎煲仔 臘味足料樣樣齊

佐敦這間煲仔飯店與街邊檔截然不同,店子裝修雅緻,充滿歐陸風情,空間寬敞。不止樣靚,連菜式都好有內涵!煲仔飯香口之餘,食落更粒粒分明, 配料夠多,幾乎樣樣臘味都有齊。食煲仔飯最重要當時是脆卜卜的飯焦啦!店員更會幫手刮飯焦,夠細心!

  • 餐廳:憶食尚臘味煲仔飯
  • 地址:佐敦文匯街22-24號地下2-4號舖
  • 電話:3590 9933
  • Facebook專頁:EVVOKE.HK

佐敦美食餐廳推介|中式美食|3. 西關老祖|人手自家製小食外賣店 招牌瀨粉配惹味辣菜脯

店鋪門面以簡潔藍白色作主調,睇落咁「IG-able」唔通又喺新開嘅cafe?咁諗就錯喇,其實佢真身喺一間高質外賣店。小食都喺全人手自家製出品,最出名有西關古法瀨粉、黑毛豬肉炸粽、XO醬蘿蔔糕等,份份都似足fushion菜,配搭有特色又夠晒創新。招牌瀨粉加埋老祖調製惹味辣菜脯,將碗粉瀨嘅香味再昇華,嗜辣朋友仔必試!

  • 餐廳:西關老祖
  • 地址:佐敦文苑街18號文苑樓地下18B號舖
  • 電話:6382 4270
  • Facebook專頁:saikwanlojo

佐敦美食餐廳推介|中式美食|4. 澳門咖喱王新鮮腩|藝人梁祖堯大讚 Juicy軟腍牛腩

澳門咖喱王新鮮腩位於佐敦,大大招牌寫著「港澳第一腩」,實力梗喺不容忽視。咖喱唔會只有一股辣味,反而帶有濃濃香料味道,帶辣帶甜,食完一身大汗,好似祖堯講嘅「像極了愛情」。咖喱配料選擇唔少,有牛腩、雞扒、牛脷、豬扒等,可配飯或伊麵。個個朝聖都必定食牛腩,又腍又軟,勁入味,啖啖咖喱及牛腩香氣,連藝人梁祖堯都喺社交平台大推呢間餐廳!

  • 餐廳:澳門咖喱王新鮮腩
  • 地址:佐敦白加士街63號地舖
  • 電話:2756 0303

佐敦美食餐廳推介|中式美食|5. 糖水雄|傳統糖水鋪改革6款新派燒賣配搭:椰汁芫荽皮蛋燒賣+Shake Shake熱浪燒賣

糖水雄曾在燒賣關注組紅起,皆因店子近年改革,由傳統糖水鋪進化為推出多款新穎大膽小食的小店,例如腐竹白果沙冰、多款奇怪組合燒賣、混醬腸粉等。創意小食中最有話題的一定是各款特色燒賣,當中的亂咁嚟燒賣靈感來自XO醬炒腸粉,加入火腿、椰菜、菠蘿及XO醬,再以亂炒的架勢手法及精妙的火喉而成,不論賣相及顏色,與XO醬腸粉的仿真度甚高,又有燒賣的煙韌口感。 Shake Shake熱浪風味燒賣,則效法麥當勞Shake Shake薯條概念,將甜酸辣合為一,三重味覺的享受,讓不少街坊建議列為長期發售的燒賣款式!
糖水雄 更多詳情

  • 餐廳:糖水雄
  • 地址:佐敦渡船角文滙街30號文景樓地下
  • 電話:2771 4628
  • Facebook專頁:糖水雄

回到目錄


西方風味

佐敦美食餐廳推介|西方風味|6. 添記法式三文治|屹立近半世紀 馳名越南爆餡法包

添記位於佐敦渡船角,主打即叫即焗的越南法式三文治和蒜蓉包。老闆會將扎肉丶豬腿肉、五香腩肉、鹹豬手肉等夾入法包,再配以豬肝醬。除了扎肉之外,全部材料都是自家製,放入焗爐烤熱前再噴上水分,最後再於面頭灑上紅蘿蔔等蔬菜和胡椒粉調味,就可以製成一個脆卜卜及帶有鹹香而酸甜的法式三文治。不少街坊熟客都經常幫襯!

  • 餐廳:添記法式三文治
  • 地址:佐敦渡船角文苑街30號文耀樓地下A號舖
  • 電話:2385 7939

佐敦美食餐廳推介|西方風味|7. The Meat Co.|牛扒薯條專門店 親民價食美國安格斯西冷牛扒+藍芝士醬

The Meat Co. 位於逸東酒店Eaton Food Hall美食廣場內,由全女班廚師團隊主理,獨孤一味只賣牛扒薯條餐,可見餐廳對牛扒的忠誠及信心。每份套餐除了牛扒,還包括薯條、配菜及4款醬汁供選擇。以貼地價的牛扒套餐為主,用上美國安格斯西冷牛扒,平價得來絕不吝嗇!
The Meat Co. 更多詳情

  • 餐廳:The Meat Co.
  • 地址:佐敦彌敦道380號香港逸東酒店Eaton Food Hall LG樓6號舖
  • 電話:2782 1818
  • Facebook專頁:themeatco.hk

回到目錄


日系料理

佐敦美食餐廳推介|日系料理|8. Good Day Coffee|隱世文青咖啡店 彷如置身日本街頭小巷

平時去Cafe一般會諗起上環、深水埗、旺角等熱門地方,但原來佐敦都有間隱世文青咖啡店。小店位置不算多,門口掛住日系雜貨店布簾,配合木色及水泥灰色牆身及店內細緻裝潢,有如置身日本街頭小巷的咖啡店!Good Day Coffee主打三文治、甜點與咖啡,包括曲奇、芝士蛋糕、及可麗露等,其中抹茶撻最受歡迎!平時在油麻地一帶行完街,都可以行多幾步去佐敦這間隱世小店買件蛋糕。

佐敦美食餐廳推介|日系料理|9. Hare 晴舍|2層高落地玻璃設計 激似日本六本木居酒屋

位於一樓的全新的居酒Hare晴舍,落地玻璃設計非常搶眼,簡約無印木系風的外觀,為佐敦這個繁華城市帶來了一遍綠洲。居酒屋午市主要供應和洋定食、咖啡及茶等,而晚市則為居酒屋型式售賣串燒及清酒,早晚去食都有唔同感覺。

佐敦美食餐廳推介|日系料理|10. 僕之拉麵|由正宗日本人主理 6塊大叉燒鋪滿碗面

僕之拉麵由正宗日本人主理,主打日本地道拉麵,點餐形式上仲加入埋香港車仔麵元素,可以喺點菜紙上逐樣剔。湯底有清湯及濃湯兩款選擇,每款拉麵都附送味筍、叉燒、木耳及海帶;另外也都可以按個人喜好加配迷你蘆筍、粟米、泡菜、溫泉蛋、叉燒、炙叉燒等。食材方面,雞蛋、醬油都是日本貨,拉麵由在港的日本製麵商造麵,份外彈牙又不易變腍。

佐敦美食餐廳推介|日系料理|11. 鰹烏冬|每日鮮製手工彈牙烏冬+手掌大燒雞髀配料

鰹烏冬是一間烏冬專門店,店主更曾於日本香川拜師學藝,滿師後才於香港創立鰹烏冬,先後於觀塘及長沙灣開舖,後期再於佐敦插旗,成第三間分店。能夠打正旗號賣烏冬,質素當然不會馬虎!店內所用的烏冬,全在觀塘工場製造,以日本小麥粉,混合鹽水鮮製。粗身麵條彈牙又煙韌,麥香特別重。配料也同樣受歡迎,當中便而骨付雞最為招牌。骨付雞即是燒雞髀,雞肉份量如手掌般大,雞肉滑嫩Juicy,啖啖肉很滋味。另外還有關東煮、天婦羅、洋葱牛肉等配料,大胃王記得加配配料,一口餸,一口烏冬,超滿足!
鰹烏冬 更多詳情

  • 餐廳:鰹烏冬(佐敦店)
  • 地址:佐敦彌敦道380號香港逸東酒店LG樓8號舖
  • 電話:3675 2979
  • Facebook專頁:udon.hk

回到目錄


玩味打卡

佐敦美食餐廳推介|玩味打卡|12. Mamaday 嘛嘛地|潮玩唐樓活化 超抵死港式打卡位Chill歎手沖咖啡+限定蛋糕

來自台北的MAMADAY(嘛嘛地)玩味Café自在香港開業後,一直超受歡迎。店裡裝潢抵死、街頭風塗鴉、各式抵死語錄等,成為不少文青們的打卡熱點,店內經常Full House。佐敦分店選址一幢有75年歷史的戰前唐樓進行活化,新潮的玩味風格意外地完美融入舊區環境當中。餐廳主打手沖咖啡及蛋糕甜品,Menu隨時Freestyle不定時更新,去之前記得留意餐廳最新消息!
Mamaday 嘛嘛地 更多詳情

  • 餐廳:Mamaday 嘛嘛地(佐敦店)
  • 地址:佐敦白加士街105號地舖
  • 電話:5922 1882
  • Facebook專頁:mmd.mamaday

佐敦美食餐廳推介|玩味打卡|13. 香江花月|東京Team Lab+50年代老香港做主題 必食清酒海鮮鍋+牛乳玫塊鍋

火鍋店走懷舊老香港路線,落足本花費超過1,200萬裝修,以東京Team Lab及50年代華人洋行作靈感,一進場就有置身時光隧道的感覺!店內裝修別致,食物同樣講究,其中湯底就主打養生款式。招牌牛乳玫瑰鍋,奶白色的湯底,是以北海道牛奶製作,熬煮時還加入了日本玫瑰花,令奶白湯底帶著怡人的玫瑰花香,好吸睛!

香江花月 更多詳情
  • 餐廳:香江花月(佐敦店)
  • 地址:佐敦佐敦道35號百誠大廈2樓
  • 電話:2736 8368 /6565 7888(WhatsApp)
  • Facebook專頁:victorianera.hk

回到目錄


任食放題

佐敦美食餐廳推介|任食放題|14. 鮮味道|40分鐘任食餃子 6款鍋貼無限供應 香菇豬肉+韭菜水餃

位於佐敦的鮮味道推出任食多款水餃和鍋貼,40分鐘內可以無限添,食盡韭菜餃、香菇豬肉餃、粟米豬肉餃等,每隻餃子都大大隻而且價錢親民,啱晒一班大胃王去挑戰!餐廳會先每位客人送上一客餛飩,一碗約有13粒,雖然每隻餛飩只有手指公般大,但是份量頗多。之後食客便可以任點水餃、蒸餃和鍋貼,分別供應韭菜豬肉餃、香菇豬肉餃和粟米豬肉餃共3味。水餃製作過程約10分鐘左右即上枱,速度滿意,40分鐘內約可柯打2-3輪,整體性價比合理,是糧尾恩物呢!
鮮味道 更多詳情

  • 餐廳:鮮味道
  • 地址:佐敦上海街107號統一大廈B座地舖
  • 電話:9212 2220

佐敦美食餐廳推介|任食放題|15. 神燈海鮮酒家|2小時任食56款特色點心:迷你珍珠雞+口水雞翼+南乳豬手粒

佐敦的神燈海鮮酒家推出2小時點心放題,可以任食多達56款特色點心、小食、前菜和粉麵類!酒家分別供應6大任食類,分別有前菜、點心、粉麵類、蔬菜類、甜品、「回本之選」以及「非食不可」類,由前菜到甜品都照顧到客人的胃口!除了有一般的蝦餃、蝦仁燒賣、陳皮牛肉球、珍珠雞外,更有一些幾乎失傳的懷舊酒家點心,如糯米包、綠茶芝麻餅,更有南乳豬手粒、上湯水餃、瑤柱伊麵、麻辣豬肚絲和蒜泥白肉等等等,款款足料,大胃王準備去挑機啦!
神燈海鮮酒家 更多詳情

  • 餐廳:神燈海鮮酒家
  • 地址:佐敦長樂街14-20號18廣場地下及1樓
  • 電話:2866 6292
  • Facebook專頁:Lantern.Restaurant

佐敦美食餐廳推介|任食放題|16. 輝哥私房菜|90分鐘點心放題 任食過50款點心+港式小食

佐敦輝哥私房菜推出90分鐘港式小食及點心放題,任食超過50款的點心及小食!除了可吃到大路點心如燒賣皇、蝦餃皇、韭黃鮮蝦腸粉等,點心放題有多款人氣港式小食任食,如咖央西多、香脆菠蘿油、惹味沙嗲安格斯牛肉通粉,連絲襪奶茶都有!更可任飲汽水啤酒,包保食到捧著肚子走,勝價比算高!
輝哥私房菜 更多詳情

  • 餐廳:輝哥私房菜
  • 地址:佐敦長樂街18號18廣場2樓
  • 電話:2606 7278/5984 7878(WhatsApp)
  • Facebook專頁:faigorfeastkitchen

佐敦美食餐廳推介|任食放題|17. 泰·夯蝦|3小時燒烤放題任夾任食流水蝦+30款燒烤食物

午市有空檔,又想食得豐富點,不如試試泰·夯蝦3小時燒烤放題!不但可從20米長蝦缸中任夾任食流水蝦,還有多款即開海鮮,包括帶子、大元貝、沙白、膏蟹、聖子等(視乎貨源而定),以及有超過30款燒烤食物,以及多款冷熱盤:蜜汁雞翼、廚師腸、炸鮮奶、吉列炸蝦、豬頸肉、多春魚、豬扒、芝士丸、蒜蓉包等,加上自助甜點、冷熱盤、生果及飲料,保證食到飽!1米以下小朋友更免費入場,邊食邊玩,簡直是一家大小好節目。

泰·夯蝦 更多詳情

佐敦美食中,哪間餐廳曾在燒賣關注組紅起?

糖水雄曾在燒賣關注組紅起,皆因店子近年改革,由傳統糖水鋪進化為推出多款新穎大膽小食的小店,當中最有話題的便是各款特色燒賣…….詳情按此。

佐敦美食中,有哪些類別的任食放題推介?

佐敦美食推介了餃子、點心,以及燒烤放題…….詳情按此。

關鍵詞
區區搵食
圖片來源:新假期資料室、官方圖片、IG