大坑美食7大推介!鐵皮檔馳名豬扒麵+秘製薯粉溝米線+煙韌爆餡流心曲奇|搵食地圖(新假期APP限定)
大坑美食7大推介!鐵皮檔馳名豬扒麵+秘製薯粉溝米線+煙韌爆餡流心曲奇|搵食地圖(新假期APP限定)

大坑美食7大推介!鐵皮檔馳名豬扒麵+秘製薯粉溝米線+煙韌爆餡流心曲奇|搵食地圖(新假期APP限定)

大坑位於銅鑼灣與天后之間,大坑「麻雀雖小但五臟俱全」,食店選擇多又廣,由平民小食到高級西餐都有,近年不同類型小店都陸續進駐呢個社區,餵飽完個肚之後仲可以喺周圍行街,今次就等記者帶你地發掘呢個小區有咩隱世美食啦!

撰文:Icy|圖片來源:新假期資料室、官方圖片、IG

大坑美食7間合集推介!鐵皮檔馳名豬扒麵+秘製薯粉溝米線+煙韌爆餡流心曲奇

1)炳記茶檔|碩果僅存路邊鐵皮檔 馳名豬扒麵凍奶茶

昔日充滿道地風味嘅鐵皮檔買少見少,炳記茶檔創立於五十年代,就喺其中一家碩果僅存嘅鐵皮茶檔。最出名有奶醬多、豬扒麵仲有熱奶茶。熱奶茶係唔少食客慕名而來嘅原因,口感綿滑之餘亦芳香濃郁,味道唔會太甜,曾經更榮獲CNN選為香港4大奶茶之一,連Eason陳奕迅都係常客!記者強烈推介佢地自家醃製嘅豬扒麵,黑椒汁醃得入味之餘食落肉質爽口,坐喺路邊食仲寧舍有feel!

eason喺炳記寫上「冇食過炳記茶檔就等於冇嚟過大坑!」(圖片來源:IG@icecatchyou)
連Eason都曾喺炳記寫上「冇食過炳記茶檔就等於冇嚟過大坑!」(圖片來源:IG@icecatchyou)
招牌豬扒麵加埋鋪頭嘅辣醬更加惹味!(圖片來源:@IG@icecatchyou)
招牌豬扒麵加埋鋪頭嘅辣醬更加惹味!(圖片來源:@IG@icecatchyou)

2)兩草|平民馬拉美食店 自家製豬油肉餅飯 手工咖央多

兩草主打自家製豬油肉餅飯、懷舊蛋炒腸粉、咖央多士等Comfort Food而深受大眾喜愛。港式代表「豬油肉餅飯」,以新鮮豬肉打成,再加豬油煎脆,最後蓋上燶邊太陽蛋,口感豐腴,油香四濺,又平又飽肚!蛋炒腸粉即叫即炒,加豬油增鮮提香,唔洗加甜醬麻醬已風味十足。馬拉代表「自家製咖央」,多士烘得又脆又薄,滲出濃濃椰子甜香,甜香深邃。

【出街搵食】大坑手工咖央多+肉骨茶!懷舊豬油蛋炒腸粉+煎肉餅飯|大坑星馬菜|
雖然餐廳位置唔多,但勝在夠人情味,平時街坊都好捧場!(圖片來源:新假期編輯部)
新鮮半肥瘦豬肉煎到外層脆,裡面嫩滑化口,肉汁十足,配埋濃稠蛋漿,脆邊蛋白,甜醬油,一啖滿足。(圖片來源:新假期編輯部)
新鮮半肥瘦豬肉煎到外層脆,裡面嫩滑化口,肉汁十足,配埋濃稠蛋漿,脆邊蛋白,甜醬油,一啖滿足。(圖片來源:新假期編輯部)
班蘭咖央多士
班蘭咖央多士 $20。(圖片來源:新假期編輯部)
【出街搵食】大坑手工咖央多+肉骨茶!懷舊豬油蛋炒腸粉+煎肉餅飯|大坑星馬菜|
自家製咖央依家連馬拉鄉下都買少見少!(圖片來源:新假期編輯部)
"蛋炒豬腸粉
蛋炒豬腸粉 $20。豬腸粉用甜豉油加以豬油同炒,再以蛋漿裹之,香口惹味,若豉油重手一點,調味則更完美。(圖片來源:新假期編輯部)

3)Cookie Vission|煙韌流心爆餡曲奇店 日賣500塊

由網店發圍嘅Cookie Vission,主打煙韌QQ流心曲奇,一掰開即爆餡,超好打卡!店舖門面裝潢以白色及綠色作設計,搶眼舒適。曲奇口味都好非常有創意,唔同一般出面食到嘅曲奇,有朱古力花生醬、抹茶、Nutella榛子、葡撻、烤朱古力棉花糖、朱古力碎碧根果、烏龍茶、和三重朱古力等。每日會隨機供應9-10款口味,日日都唔同。負責人透露每日會烤焗約500塊曲奇,日日沽清,認真巴閉!

Cookie Vission
Cookie Vission於大坑開設實體店舖,吸引粉絲及街坊幫襯。(圖片來源:新假期編輯部)
Epic Chocolate 味道跟Brownie相似,表皮脆卜卜,香濃滋味。(圖片來源:)
Epic Chocolate $50。味道跟Brownie相似,表皮脆卜卜,香濃滋味。(圖片來源:新假期編輯部)
Portuguese Egg Tart Cookie朱古力醬跟葡撻香甜互相配合,濕潤度剛好。(圖片來源:)
Portuguese Egg Tart Cookie$50
朱古力醬跟葡撻餡的香甜互相配合,濕潤度剛好。(圖片來源:新假期編輯部)
Apple Pie Cookie蘋果果肉份量足,果肉清甜很滋味。(圖片來源:)
Apple Pie Cookie $50。蘋果果肉份量足,果肉清甜很滋味。(圖片來源:新假期編輯部)
NutellaNutella份量多,香甜細滑。(圖片來源:)
Nutella $40。Nutella份量多,香甜細滑。(圖片來源:新假期編輯部)
Matcha抹茶流心甘香濃郁,足料滿瀉。(圖片來源:)
Matcha $50。抹茶流心甘香濃郁,足料滿瀉。(圖片來源:新假期編輯部)
Chocolate Peanut Butter花生醬濃厚不膩,鹹香滋味。(圖片來源:)
Chocolate Peanut Butter $40。花生醬濃厚不膩,鹹香滋味。(圖片來源:新假期編輯部)
Salted Caramel Peanut Butter Pookie表層加上一層焦糖酥皮,外酥內軟,帶點點焦香香氣。(圖片來源:)
Salted Caramel Peanut Butter Pookie $55。表層加上一層焦糖酥皮,外酥內軟,帶點點焦香香氣。(圖片來源:新假期編輯部)
Strawberry Vanilla Cream士多啤梨的酸甜中和了雲呢嗱的甜膩,開胃夠Fresh。(圖片來源:)
Strawberry Vanilla Cream $55。士多啤梨的酸甜中和了雲呢嗱的甜膩,開胃夠Fresh。(圖片來源:新假期編輯部)
Lemonade、Mango Iced Tea除了曲奇外,店內還供應消暑飲料。冰涼超Fresh。(圖片來源:)
Lemonade $35、Mango Iced Tea $38。除了曲奇外,店內還供應消暑飲料。冰涼超Fresh。(圖片來源:新假期編輯部)
  • 餐廳:Cookie Vission
  • 地址:大坑浣紗街6號(顯示地圖
  • 電話:從缺
  • 營業時間:星期一 13:30 – 21:00;星期二至日08:30 – 21:00
  • Facebook專頁:Cookie Vission
  • Instagram專頁:@cookievission

4)HeyDay Cafe|簡約純白裝潢 轉角咖啡店

HeyDay Cafe 今年一月先開始營業,但已經成為大坑咖啡店嘅新貴。店主選址於街角轉角位,記者一到埗便被它的純白外牆及玻璃大窗戶所吸引。咖啡店走簡約路線,大窗戶呈開放式設計,打開後便成半開放式位置,為店鋪透入自然光,打卡影相一流!鋪頭主要賣輕食、甜品及飲品,下午嚟坐返陣,感受一下附近小區氣息,都係相當不錯嘅選擇。

新開業不久的 HeyDay Cafe 可謂大坑咖啡店的新貴
純白色裝潢再配合靠門口的玻璃大窗戶,驟眼看已十分吸睛!(圖片來源:[email protected]
玻璃窗打開後就會成為半開放式位置,坐底嘆杯啡都好寫意!(圖片來源:IG@icecatchyou)
玻璃窗打開後就會成為半開放式位置,坐底嘆杯啡都好寫意!(圖片來源:IG@icecatchyou)
HeyDay Cafe是寵物友善咖啡店
HeyDay Cafe喺寵物友善咖啡店。(圖片來源:[email protected]_shibaa)

5)Plumcot|兩夫婦法國學師 高質烘焙人氣可麗露

小店由兩夫婦經營,佢地對法式烘焙都非常感興趣,去完法國當地學師後,2017年就喺香港開設烘焙店。Plumcot主要賣法式包點,例如可麗露、牛角包、肉桂卷及提子包等,另外亦有售自家製雪糕,原材料更堅持全天然。長期都會有人慕名而來幫襯,更深受大坑街坊愛戴!

Canele ,外層表皮焦脆,內部濕潤軟綿彈牙,更加食到焦糖香及微微冧酒味,本身可麗露要整得好食都唔簡單,所以記者覺得絕對值得一試!(圖片來源:IG@skeatravelife)
Canele $35,外層表皮焦脆,內部濕潤軟綿彈牙,更加食到焦糖香及微微冧酒味,本身可麗露要整得好食都唔簡單,所以記者覺得絕對值得一試!(圖片來源:[email protected]
週末店外經常大排長龍,一到去到中午就好快會賣晒,記得要早啲去!(圖片來源:IG@skeatravelife)
週末店外經常大排長龍,一到去到中午就好快會賣晒,記得要早啲去!(圖片來源:[email protected]

6)Warren|五星級酒店廚師主理法國西餐

呢間位於大嘅Fine Dining法國餐廳,雖然位置隱蔽,但食物質素卻異常出色。Warren由五星級酒店廚師主理,食物質素有保證之餘,價錢都唔算貴,由頭盤、餐湯至主菜晚餐都只喺500蚊起,性價比高!加上餐廳環境清幽,燈光幽暗,散發出浪漫氣氛,情侶拍拖餐廳或者閨蜜談心都好適合!

(圖片來源:IG@lanki.jpg、@steptzzzzz)
室內位置唔算多,食客可以選擇坐室外位置,感受一吓涼風吹拂嘅夜晚,特別有feel!(圖片來源:[email protected]、@steptzzzzz)
澳洲龍蝦套餐 8/2位。主菜原隻芝士焗龍蝦連埋豐富三文魚和牛一齊上,變咗海陸空三部曲,陣容勁豐富!入口鮮甜爽彈,配搭埋芝士更多咗份鹹香味。(圖片來源:IG@lanki.jpg、@steptzzzzz)
澳洲龍蝦套餐 $698/2位。主菜原隻芝士焗龍蝦連埋豐富三文魚和牛一齊上,變咗海陸空三部曲,陣容勁豐富!入口鮮甜爽彈,配搭埋芝士更多咗份鹹香味。(圖片來源:[email protected]、@steptzzzzz)
跟餐海膽龍蝦湯。龍蝦湯味道濃郁,再配搭埋碗底裡面嘅海膽,兩者鮮味混合埋一齊,簡直係人間極品!(圖片來源:IG@lanki.jpg、@steptzzzzz)
跟餐海膽龍蝦湯。龍蝦湯味道濃郁,再配搭埋碗底裡面嘅海膽,兩者鮮味混合埋一齊,簡直係人間極品!(圖片來源:[email protected]、@steptzzzzz)
(圖片來源:IG@lanki.jpg、@steptzzzzz)
香鵝肝拼鵪鶉 $218。單單一個龍蝦set又點會滿足到一眾咩都想試嘅foodie,點多個前菜就啱晒!燒鵝肝帶微微焦香,連埋多士一齊食,口感細膩;旁邊嘅鵪鶉金黃香脆,肉香十足,記者我都流晒口水啦!(圖片來源:[email protected]、@steptzzzzz)
餐廳內燈光幽暗,環境寧靜,氛圍非常浪漫,絕對可以影出有格調嘅相。(圖片來源:IG@lanki.jpg、@steptzzzzz)
餐廳內氛圍非常浪漫,絕對可以影出有格調嘅相。(圖片來源:[email protected]、@steptzzzzz)

7)前座飯堂|懷舊麵檔秘製酸辣薯粉溝米線

前座飯堂最出名喺秘製酸辣薯粉溝米線,平時食酸薯粉同米線就食得多,兩樣溝埋一齊食呢個組合又有無試過呢?可以一次過滿足晒你兩個願望!一踏入餐廳,就見到牆上掛有不同電影海報、霓虹燈及大字標語,再加埋閃吓閃吓嘅disco波波燈裝修,似足舊時嘅懷舊麵檔,好有氣氛!

門面裝修睇落相當型格,驟眼睇完全估唔到喺一間米線食店。(圖片來源:IG@leedeefood)
門面裝修睇落相當型格,驟眼睇完全估唔到喺一間米線食店。(圖片來源:[email protected]
店內不同位置都有掛上霓虹燈。(圖片來源:IG@leedeefood)
店內不同位置都有掛上霓虹燈。(圖片來源:[email protected]
阿金紅燒牛肉薯粉溝米線 5,牛肉腍身,面條軟韌程度適中,湯底濃郁,好有台灣風味。(圖片來源:IG@leedeefood)
阿金紅燒牛肉薯粉溝米線 $105,牛肉腍身,面條軟韌程度適中,湯底濃郁,好有台灣風味。(圖片來源:[email protected]
泰式涼拌手撕雞米線 $78,青瓜絲同雞絲份量啱啱好,雞絲滑溜,麻辣超香口!(圖片來源:IG@leedeefood)
泰式涼拌手撕雞米線 $78,青瓜絲同雞絲份量啱啱好,雞絲滑溜,麻辣超香口!(圖片來源:[email protected]

最新吃喝玩樂資訊