煲仔飯推介2023｜全港23間煲仔飯推介：西環永合成炭火燒/坤記米芝蓮推介
九龍
煲仔飯推介2023｜1.深水埗老字號 德豐時令煲仔飯
位於深水埗的德豐打冷，開業已經有四十年，除了有打冷，潮州菜之外，每逢秋冬季都會供應時令煲仔飯。德豐煲仔飯一共有二十多款選擇，除左有經典豉椒排骨，咸魚肉餅，北菇雞等等，仲有日日新鮮即劏黃鱔，白鱔，田雞，鮑魚，海蝦等海鮮類，用料保證新鮮上乘。配搭鴨蛋蠔仔餅，滷水拼盤簡直係一絕！師傅主理煲仔飯已有近四十多年經驗，煲煲保證金黃飯焦。仲有好多熟客專程揸車到德豐叫外賣煲仔飯連煲拎走添！煲仔飯供應時間由下晝5點半到凌晨，建議大家揀平日（星期一至四）去食，咁就唔使等咁耐喇。
- 餐廳：德豐打冷粉麵餐廳
- 地址：深水埗桂林街145-147號地下
- 電話：2748 0755
- 營業時間：24小時營業
- 招牌菜：至尊海鮮煲仔飯，荔芋臘腸排骨煲仔飯，窩蛋芝士粒粒臘味煲仔飯
- 備註：
1）煲仔飯供應時間為5pm-11:30pm
2）需加$12才能以砂煲呈上
3）餐廳同時有打冷，潮州菜，小炒，咖啡奶茶等供應
煲仔飯推介2023｜2.尖沙咀新竹園軒 臘鴨煲仔飯
位於尖沙咀的新竹園軒為高級中菜館，除了以多款時令海鮮炮製特色粵菜外，亦推出港式煲仔飯。煲仔以新鮮的臘肉和膶腸製成，特別之處是另加上臘鴨。臘鴨有別坊間厚實硬淨的口感，新竹園軒的臘鴨口感軟腍而且入味，試過絕對會對臘鴨有新一番的體驗！煲仔飯由生米煲成，煲成後香噴噴，最後的飯焦更會由餐廳燒成鍋巴，另亦可加湯做成上湯鍋巴，一份煲仔飯可以食出2種滋味！
- 餐廳：新竹園軒
- 地址：尖沙咀漆咸道南79號中國五礦大廈3樓
- 電話：3707 1136 / 6366 3699 (WhatsApp)
- 營業時間：星期一至日 11am – 11pm
- Facebook：newbamboogarden
煲仔飯推介2023｜3.慈雲山文記營業至凌晨兩時
慈雲山又一平民茶記，開業廿多年，因為營業至凌晨兩時，是不少街坊的宵夜選擇。除了牛腩麵夠入味有口碑，天氣一涼，煲仔飯就出個不停。
識食當然會點少見的啫啫煲仔飯，滾燙的菜汁加上熱辣飯粒，吃兩口已經無懼風寒。老闆李生笑言煮飯沒甚秘訣，米靚、材料新鮮、控制好火候便可。只見他一人邊顧著十多個砂鍋，邊炮製超香的啫啫雞，依然不慌不忙，功架十足。縱使汗流浹背，說話還是斯文有禮，難得。賣相雖然麻麻，不過雞肉小脆彈嫩，豬膶盡吸醬汁味道，不會過鹹，而且粒粒燙口，夠鑊氣。
- 餐廳：文記粉麵茶餐廳
- 地址：慈雲山毓華里31號D地下
- 電話：2242 2446
煲仔飯推介2023｜4. 興記菜館 廟街必食平價炭爐煲仔飯：最平$55食到！
興記菜館位於油麻地廟街旺區，每逢秋冬時節便會以炭爐煲出熱騰騰的煲仔飯。餐廳憑藉炭爐製作的煲仔飯以及親民價錢吸引不少客人到訪一試，小店供應的煲仔飯款式與其他老字號的大同小異，例如臘味排骨、牛肉滑雞、鹹魚肉片、鵝肝潤腸等，其中最平$55就有交易，好抵食！
- 餐廳：興記菜館
- 地址：九龍油麻地區廟街12, 14, 15, 17, 19號地舖
- 電話：2384 3647
煲仔飯推介2023｜5. 慈雲山榮記 獨創邪惡拉絲芝士煲仔飯
位於慈雲山的榮記，開業二十多年，近幾年憑著創新推出芝士煲仔飯再次打響名堂。這構思原來是店主的兒子Ray想出來，加入芝士焗成，跟飯焦很配，然而中間的飯粒較為濕潤。配料還可選牛、雞肉、午餐肉。另外最近更新推沙嗲牛肉煲仔麵，憑著濃郁花生味道，吸引不少回頭客。要留意，芝士煲仔飯不能外賣，只能堂食。其他傳統口味，如肉餅、排骨、臘味則能外賣，可惜是並非原煲上。
榮記茶餐室更多詳情
- 餐廳：榮記茶餐室
- 地址：九龍慈雲山區毓華里12號地下
- 電話：2328 9232
- Facebook：twswingkee
煲仔飯推介2023｜6. 旺角光榮冰室 煲仔飯加$15連煲拎走！
光榮冰室總店在深井，以往都是每逢冬天才推出煲仔飯，見九龍區一帶少有一年四季都吃到的煲仔飯地方，索性將煲仔飯全年供應，天冷時門口都大排長龍，大受食客歡迎！煲仔飯於所有分店（觀塘店除外）6pm後供應，每煲堅持以生米煲熟，需要等約20分鐘才有得食。每一煲都會耐心燒出飯焦，外賣加$15更可以連煲拎走，絕對誠意之作！
光榮冰室更多詳情
- 餐廳：光榮冰室
- 地址：九龍尖沙咀區厚福街5-6號地下6號舖（尖沙咀店）
- 電話：2422 6555
- Facebook：KWCatering
- 備註：可提早打電話預訂（需提前30-45分鐘）
煲仔飯推介2023｜7. 尖沙咀深仔記 原條日式鰻魚煲仔飯！
深仔記雲吞麵賣得街知巷聞，更踩過界開茶餐廳，選址尖沙咀。找來2大高手，一是前澳牛大廚，二是跑馬地名人飯堂、米芝蓮級的雅谷餐廳（Amigo）前廚師做顧問。滑蛋芝士汁撈麵、瑞士汁雞髀均是招牌菜，秋冬首推原條鰻魚煲仔飯，打開煲蓋，飯香湧出，香氣滿溢，且配上滑嫩炒蛋及焦香鰻魚，香濃惹味。煲仔飯除了鰻魚外，還有鳳爪排骨、臘腸滑雞等，每晚5pm後供應！
深仔記更多詳情
- 餐廳：深仔記茶餐廳
- 地址：九龍尖沙咀亞士厘道 29-39 號九龍中心地下A舖
- 電話：9377 0072
- Facebook：Sumjarkeetst
煲仔飯推介2023｜8. 佐敦逸東軒 推介油鴨脾鴛鴦腸煲仔飯＋原個砂鍋呈上！
米芝蓮一星食府逸東軒今年繼續推出堂食及外賣煲仔飯，有超過20款菜式可選，前菜、小吃、主菜、燉湯都有 ， 最特別是凡是砂鍋系列的菜式，包括三葱爆高湯焗波士頓龍蝦伊麵、乾葱蔥鮑魚雞煲、油鴨脾鴛鴦腸煲仔飯等，都會以精緻黑色砂鍋原個呈上， 燉湯則以湯壼盛載， 保溫一流，且可循環再用，不怕浪費。砂鍋小菜炒得夠鑊氣，用料矜貴， 推介陳皮煎雞煲仔飯，炒得米粒乾身分明，可要記得留肚訂埋燉湯，有濃郁順喉的花膠鮮杏汁燉白肺， 滋補養顏。
- 餐廳：逸東軒
- 地址：九龍佐敦區彌敦道380號香港逸東酒店B2樓層
- 電話：2710 1093
- Facebook：yattungheen
煲仔飯推介2023｜9. 佐敦憶食尚臘味煲仔飯
憶食尚臘味煲仔飯主打廣式臘味煲仔飯、甜蜜咕嚕肉、瑤柱蝦米雜菜煲等。店家為臘味製造商，擁自家工場製作。所有臘味均不加防腐劑及化學物，並選用河源自家農場的走地新鮮土豬及重慶黑毛豬。招牌菜為廣式臘味煲仔飯、一見鍾情海鯧魚手工黃金麵。
港島
煲仔飯推介2023｜10. 西環永合成馳名煲仔飯 午市限定4點收爐！
舊舖在上環時已經打出名堂，只做午市，做到4點便收爐。以麵包爐焗煲仔飯，貪其火力夠平均。午市經常排長龍，所以煲仔飯會焗至六、七成熟等客，繁忙時間，10分鐘左右就有得食；唔想同人迫，可以在早餐或下午茶時分幫襯，人較少，但就要等20分鐘才有得食，但好處是全日都有外賣煲仔飯供應。
- 餐廳：永合成馳名煲仔飯
- 地址：香港西環區德輔道西360號地舖
- 電話：2850 5723
- 備註：外賣加$30按金原煲上，即日還煲不用洗，隔日還必需洗，退煲可以取回$30按金
煲仔飯推介2023｜11. 西營盤坤記煲仔小菜 米芝蓮推介一煲難求！
西營盤名店，得多年米芝蓮推介，是煲仔飯界老大哥。想食就必須要有排隊的心理準備，每晚不到6時店已坐滿，門外更圍住等位的人，非常誇張。老闆嫌瓦煲易裂，找來成本更貴的瓷煲，又以火山石代替炭火，老店在傳統中一直求變。現時5pm後才有煲仔飯外賣供應，不過是放在微波爐盒，未能原汁原味食到煲仔飯風味，最好就當然是堂食以原煲上，食到金黃飯焦，同時又新鮮出爐啦！
- 餐廳：坤記煲仔小菜
- 地址：香港西環區西營盤皇后大道西263號和益大廈地下1號舖
- 電話：2803 7209
煲仔飯推介2023｜12. 筲箕灣祥囍煲仔小廚 後巷長期人龍店 完美炭香飯焦！
祥囍煲仔小廚位於筲箕灣後街暗巷，位置甚隱蔽，但每次經過餐廳已半滿，人氣甚旺。大廚花姐曾在西環煲仔飯名店做過，有20年煮煲仔飯經驗，而且至今堅持即叫即煲。一入門口就聞到炭香，感覺對辦。煲仔飯款式較大路，大廚推介的臘味蝦乾飯，蝦乾是同筲箕灣漁民直接入貨，鹹香惹味，值得一試。
祥囍煲仔小廚詳情
煲仔飯推介2023｜13. 嚐囍煲仔小菜米芝蓮煲仔飯
嚐囍煲仔小菜是非常出名米芝蓮煲仔飯，除了煲仔飯，還有其他小菜點心。店鋪其他主打椒鹽九肚魚、白鱔臘腸飯、蒜蓉粉絲蒸娃娃菜等，1800-2200 外賣自取9折。
煲仔飯推介2023｜14.筲箕灣紹華小廚 帆立貝象拔蚌煲仔飯
前身是銅鑼灣川龍街新翠華，老闆在筲箕灣另起爐灶。店子除了20款傳統煲仔飯，亦有10款全新自創煲仔飯，如野菌鵝肝、疆土羊肉、帆立貝象拔蚌、蒜香牛頸脊等，配搭新穎，吸引很多年輕人幫襯。同時6pm後可外賣煲仔飯，加$20連煲拎走。
煲仔飯推介2023｜15. 北角嚐喜大不同 炭火煲仔飯
日間是茶餐廳，晚市變身小菜館，吸引很多街坊專誠訂座來吃晚飯。四季炭火煲仔飯固然是每枱必食，亦有不少可預訂的私房小菜，價錢亦相宜。老闆對煲仔飯很有堅持，先用石油氣將飯煮至收水，放配料後，再移至炭火上以文火收水，一煲飯等足40分鐘才有得食。想食外賣都有得揀，6pm後可外賣煲仔飯。
煲仔飯推介2023｜16. 北角CHOP CHOP食神叉燒 白鱔/田雞煲仔飯
由「食神」名廚戴龍師傅主理的CHOP CHOP 食神叉燒，今個冬天再次推出時令煲仔飯，除了招牌叉燒「黯然銷魂」煲仔飯外，還有供應其他招牌煲仔飯包括淮山北菇雞臘腸、豉汁排骨臘腸、鹹魚馬蹄肉餅、油鴨脾、窩蛋碎牛煲仔飯等，共有6款口味，除堂食之外，還可外賣或於官網訂購外送，可以考慮一下同朋友開煲仔飯派對！
CHOP CHOP 食神叉燒更多詳情
煲仔飯推介2023｜17. 黃竹坑南海小館 本地臘腸＋自調甜豉油
南海小館今年亦有推出不同煲仔菜，例如荔芋扣肉煲、醬燒蘿蔔鱈魚煲，同時也有臘味煲仔飯，盛惠$468，價錢不算親民，但勝在用料、製作講究，用的臘味都是本地出品，臘肉肥瘦相間、三花臘腸油潤十足、潤腸甘香味厚，米飯也粒粒乾爽甘香，皆因煲飯時，特別加入了豬油，生煲到熟。吃前淋上加入臘味油煮製的甜豉油，拌入一小匙薑米同吃，增添米香。
- 餐廳：南海小館
- 地址：香港黃竹坑道 180 號海洋公園萬豪酒店海殿地下
- 電話：3555 1910
- Facebook：cantonbistrohk
新界
煲仔飯推介2023｜18. 屯門蛇王輝 30年蛇羮老牌 煲仔飯帶焦香飯焦！
位於屯門的「蛇王輝」，以蛇羹聞名。不過除了蛇羮及糯米飯外，煲仔飯也是人氣之選。款式都是傳統口味，如排骨、滑雞、臘味等，全部即叫即做，而且價錢相宜，很受街坊歡迎，在冬天大受屯門街坊歡迎。買碗蛇羹，再原份煲仔飯買回家吃，暖笠笠夠晒寫意。
蛇王輝更多詳情
- 餐廳：蛇王輝
- 地址：新界屯門區青河坊2號麗寶大廈59號地下B舖
- 電話：2458 5519
煲仔飯推介2023｜19. 沙田 四季芬芳（蛇王芬）
四季芬芳是中環老字號蛇王芬的副線，以蛇羹為概念創作新派中菜，另亦供應廣東小菜。店鋪主打豉椒排骨白鱔煲仔飯、蛇王芬潤腸鹹水角、花膠太史蛇羹等。
煲仔飯推介2023｜20. 元朗煲仔榮記 必食煲仔沙嗲牛肉麵
煲仔榮記是慈雲山榮記茶餐室的副線，早前曾在旺角開店，惟已結業，現今亦可在元朗食到，店主希望能帶出香港情懷及保留香港原味道，讓大家可以回憶舊時香港。除了招牌沙嗲湯麵外，必吃的當然是蘭王窩蛋牛小排煲仔飯，特意用上蘭王蛋及美國Prime Grade的牛小排，牛小排燒至半熟後再放到煲仔飯上，入口帶微微焦香。
煲仔榮記更多詳情
- 餐廳：煲仔榮記
- 地址：元朗元朗東成里路1號地舖
- 電話：9790 6118
- Facebook：bojaiwingkeee
煲仔飯推介2023｜21. 江湖小棧香濃豬油任加
店主練生任中廚廿多年，近幾年嘗試創業，開過豆品店、小食店，不過在大熱天時，見到食客還要待在外面大汗淋漓，就覺得不好意思，所以最後回歸老本行，於上年開了這間餐廳。店內以武俠漫畫裡的「江湖」作主題，牆上掛著兵器，每張枱都有所屬門派，而Menu 就是不同的武林秘笈，認真搞鬼。
雖然老闆明言不是特別喜歡武俠小說，但就學得一身好功夫，煲仔飯原是自學，然而整個飯焦底都可以輕易起出，不簡單。知道客人喜歡油香，就買大油（肥膏）一大磚回來，加炸蒜、洋葱、乾葱下鑊炸，自製一瓶瓶豬油，任加唔嬲。剩下的豬油渣，就用來做豉油，雙倍的香濃，什麼膽固醇，就暫時忘記吧。煲仔飯除了一般的蒜蓉、豉汁口味，還有馬拉盞、蝦醬、麵醬、欖角可選，重口味人士有福了。
馬拉盞以蝦醬、蝦膏、豆瓣醬、蒜頭等煮成，濃香撲鼻，味道滲透每片牛肉，加上豬油和豉油，滋味無窮。
煲仔飯推介2023｜22. 元朗堅料豬手車仔麵店 普洱飯焦煲仔飯
堅料豬手車仔麵店主打的是車仔麵，同時賣燉湯、 家常小菜。堅哥的臘味煲仔飯，像店中很多菜式 一樣，沒有寫入餐牌，不能walk-in吃，須提早預訂。打開煲蓋，臘味香與飯香湧出，原來臘味購上環一間老字號臘味店，城中多間名店如鏞記也幫襯！最特別是吃完臘味煲仔飯，還有精彩下半場，店員端來普洱茶，倒進瓦煲，混合飯焦，再拿進廚房，下葱花煮兩煮，再端出來的是一煲金黄帶脆，點點翠綠的飯焦，每啖都帶茶香及焦香，好吃得停不了口，想不到飯焦也有新玩法！
堅料豬手車仔麵店更多詳情
煲仔飯推介2023｜23. 屯門點煲 備長炭烤焗煲出金黃薄脆飯焦
煲仔飯專門店「點煲」，是首間用上備長炭烤焗煲仔飯的店舖，重點在於上枱後，無需蓋上煲蓋或等候數分鐘，即可烤焗出金黃薄脆的飯焦。口味也相當創新，特別推介每天生劏鮮活白鱔製成的豉汁白鱔煲仔飯；以肉厚油香豐富的沙巴龍躉，炮製金銀蒜龍躉煲仔飯；加入本地流浮山鮮曬金蠔炮製的，芝士櫻花蝦金蠔銀魚煲仔飯；口感豐腴且鮮美海膽安格斯牛肉煲仔飯，以及帶香濃蒜味的金銀蒜開邊蝦煲仔飯，款款吸引。記得要淋上自家製豬油，提鮮引香！
煲仔飯款式有哪幾間推介？
煲仔飯推介廟街興記、西環永合成等，一共19間推介，…….詳情按此。
煲仔飯推介款式有哪些？
煲仔飯款式多，不同小店均推出不同，傳統臘味飯和新派芝士煲仔飯都有，…….詳情按此。
