光榮冰室煲仔飯出外賣 加$12連煲拎走！指定7間分店供應 最平$70 必食足料臘味＋窩蛋牛肉飯｜外賣食乜好
廣告
光榮冰室的煲仔飯，是除了三眼仔豬扒飯之外，最受歡迎的食物之一。近日天氣漸涼，又有不少網民開始熱推，其煲仔飯大件夾抵食，份量巨型超足料，今年更推出外賣煲仔飯，加$12可連煲拎走，十分方便！
撰文：飛｜攝影：Scott、光榮冰室
光榮冰室煲仔飯$70起！貴價臘味入饌超足料
光榮冰室總店在深井，每逢冬天會出煲仔飯，天冷時門口都大排長龍，大受食客歡迎！後來餐廳在尖沙咀、旺角、銅鑼灣及荃灣等開分店，也相繼供應招牌煲仔飯，由於即叫即做，需要等約20分鐘才有得食，每一煲都會耐心燒出飯焦，絕對誠意之作！光榮煲仔飯沿用掌舵人Dayo、阿樂兩兄弟老父炮製煲仔飯的心得，每煲都是生米煲飯，選用逾 $400／斤臘味配料，最畫龍點睛是老父自家調配的煲仔飯豉油。
飯熟才落新鮮牛肉和雞蛋，火候要拿捏準繩，令牛肉保持鮮嫩滑溜。（圖片來源：新假期編輯部）
選用400幾蚊斤的臘味配料，生米煲煲仔飯，淋上自家調配的煲仔飯豉油，想食就要預約20分鐘呀！（圖片來源：新假期編輯部）
今年新推外賣煲仔飯 連煲取走只需加$12
光榮冰室的煲仔飯，只於指定7間分店供應。今年餐廳更新增外賣，只要額外加$12，就可以將煲仔飯連砂煲帶走，砂煲保溫度更強，帶回家吃也特別有風味。現時煲仔飯有十款選擇，除了臘味煲仔飯是必食外，推介薑葱鮮鯇魚煲仔飯，配搭坊間少見，鯇魚的鮮味滲入米飯中，再拌入薑葱絲，吃來充滿香氣，由較臘味配料少了油膩感。如果想邪惡一點，紅棗滑雞煲仔飯也好吃，雞油包裹著粒粒飯粒，雞肉滑漏不會過嚡，十分惹味！
招牌三眼仔豬扒飯起家！
光榮冰室以抵食夾大件作招徠。餐廳詢問度最高的菜式，必數三眼豬扒飯，記者採訪期間已有連續四位食客查詢，其實三眼豬扒飯是三隻太陽蛋伴豬扒飯，份量驚人，非常抵食！
菜名十分可愛，想不到原來是三隻太陽蛋，伴煎得香嫩的豬扒飯，大大碟，最適合怕餓的男生。（圖片來源：新假期編輯部）
說到大件夾抵食，一定要試一下招牌巨型奄列，每份奄列均用上6至8隻雞蛋，再配4至5塊金妹火腿絲，用扒爐煎成香噴噴的巨型火腿奄列。旁邊還有塗上 Anchor牛油的多士，午餐或下午茶都夠飽。
伴吃的多士塗上Anchor牛油而非一般的植物牛油，當堂高級晒又好味。（圖片來源：新假期編輯部）
問：光榮冰室煲仔飯外賣有幾多款？
答：有10款，款款即叫即做！
問：外賣加幾錢可以拎個煲？
答：加$12就可以連煲拎走
光榮冰室煲仔飯外賣有幾多款？
有10款，款款即叫即做！
外賣加幾錢可以拎個煲？
加$12就可以連煲拎走。
