筲箕灣祥囍煲仔小廚 一晚煲出300個炭燒煲仔飯!四季供應:臘味蝦乾/黃白鱔
筲箕灣巷仔炭爐煲仔飯 女漢子獨力煲出300個!
天氣轉涼,即代表又到了煲仔飯的季節啦。不過筲箕灣這間位於巷仔的餐廳,卻是一年四季都供應炭爐煲仔飯。花姐是掌管祥囍名物的師傅,10多年前已經在鄉下廣東江門煮煲仔飯,其後到港亦曾在西環米芝蓮推介的嚐囍做過煲仔飯師傅,輾轉之下,於8年前來到這間筲箕灣的食店,從此成為煲仔飯的掌舵人。在入冬的高峰期,更獨力於高溫下煲出300個煲仔飯添!
隨性的花姐,臉上總是淡定自若,問到煲仔飯的種種問題,亦只是一句起兩句止。但是再仔細追問煮好食煲仔飯的技巧時,花姐隨即言簡意賅地道出。今次邀請到祥囍煲仔小廚的煲仔飯師傅,親身教路煲仔飯的知識,如煲仔飯點解叫煲仔飯、用什麼米較好、煮煲仔飯的技巧等。即睇煲仔飯師傅調教你啦!
![祥囍煲仔小廚 筲箕灣的巷仔有間炭爐煲仔飯,不論港九新界的食客都會專程來食煲仔飯。臘味蝦乾煲仔飯$108/煲](https://imgs.weekendhk.com/wp-content/uploads/2023/11/batch_-2023-11-14-4.34.15_7175249916553321d27d43-1024x575.jpg)
煲仔飯知識1. 煲仔飯點解叫煲仔飯?
究竟煲仔飯點解會叫煲仔飯呢?煲仔飯因為要保持耐熱,所以一般會以砂鍋或瓦煲盛裝,而廣東人會稱砂鍋或瓦煲為「煲仔」,故有煲仔飯的名字出現。花姐解釋,以瓦煲煲成的飯,焗起來會比較香,而且更為貼近原味。
![祥囍煲仔小廚 煲仔飯大多以瓦煲盛裝,而瓦煲在廣東又稱為煲仔,所以就有煲仔飯這個名稱了。](https://imgs.weekendhk.com/wp-content/uploads/2023/11/batch_-2023-11-14-4.30.16_19086385346553324895daf-1024x575.jpg)
煲仔飯知識2. 煲仔飯用什麼米?
煲仔飯除了器皿,飯和配料都是重點。不過當問到花姐煲仔飯用什麼米會好食點時,花姐卻指:「不需要的,我們不需要特定的米㗎!」花姐表示米只要洗乾淨、瓊乾水就可以直接煮滾。
![祥囍煲仔小廚 祥囍亦用了茉莉花米,不過師傅指米的種類不太重要,最重要都是火候!](https://imgs.weekendhk.com/wp-content/uploads/2023/11/batch_-2023-11-14-4.28.23_158798214865533252d417a-1024x575.jpg)
煲仔飯知識3. 煮煲仔飯有什麼技巧?
煲仔飯可能食得多,但是好食的煲仔飯卻是可遇不可求,當中烹煮的過程是關鍵。花姐話最重要是看火看煙,如果煮米時出白煙,即是米飯還未熟成,全屬多年經驗所得。如果見到飯開始收水和呈乾身,就可以落餸菜,並放上炭爐上燒,燒近5-10分鐘左右,就可以起爐食得。
![祥囍煲仔小廚 煮煲仔飯最緊要是煮到飯收水,之後再落配料於炭爐上烤焗即成,沒有太多技巧。不過花姐一直都是以炭爐煲出一煲又一煲的煲仔飯,看來爐頭可能都是技巧之一呢。](https://imgs.weekendhk.com/wp-content/uploads/2023/11/batch_-2023-11-14-4.30.49_10734779576553325d60720-1024x576.jpg)
煲仔飯知識4.煲仔飯如何有飯焦?
不少人食煲仔飯,只為其飯焦。師傅強調只要米夠火喉,燒至米的外邊和內層出現分層,即代表有飯焦,完美煮出煲仔飯的精髓:上層乾、中層熟、下層有飯焦。飯焦的作用一方面食起來更香口,另一方面亦代表米飯夠乾身,會呈現粒粒分明的效果。一啖靚的飯焦,味道要夠甘甜,口感要夠脆,最好呈金黃色,即是一塊好的飯焦。
![祥囍煲仔小廚 想起出完整的黃金飯焦,最重要是煮米時要夠火力!](https://imgs.weekendhk.com/wp-content/uploads/2023/11/batch_-2023-11-14-4.36.19_114815797365533269a6326-1024x576.jpg)
煲仔飯知識5. 煲仔飯的食法?
原個瓦煲盛裝住煲仔飯,風味十足,淋上煲仔飯豉油更顯惹味。師傅表示煲仔飯的食法都是按個人喜好而已,一般客人可以按個人喜好淋上豉油,可以立刻撈勻食,或者再蓋上鍋蓋,多焗1-2分鐘,逼出油香。
![祥囍煲仔小廚 鴛鴦鱔飯$118/煲,加上白鱔、黃鱔和豆豉。](https://imgs.weekendhk.com/wp-content/uploads/2023/11/batch_-2023-11-14-4.32.36_170623818655332786c0a4-1024x576.jpg)
其他款式
煲仔飯女師傅炭爐前企足四季 出晒汗都照做
炭爐燒煲仔飯算是傳統小店製作煲仔飯的堅持,炭爐更能帶出飯香和更好地均勻傳送熱力,但是因為溫度高而且是一門苦差事,令願意入行的人少之又少。「辛苦肯定辛苦,天冷又熱,天熱更加熱,這個不用說了。出晒汗㗎,標晒汗㗎,真的好熱。」
站在炭爐面前的花姐即使濕透半身,但依然面不改容地一邊加炭,一邊做好眼前每一份煲仔飯。最後問到師傅,究竟做煲仔飯有什麼竅門時,她只表示:「你自己有心機去做、去學就學到,若果你無心機去做那件事,你就學唔到。」
![祥囍煲仔小廚 製作煲仔飯絕對是份辛苦工,要長期面對着百度高溫,眼力、耐力、心力缺一不可,花姐定力之高,令人敬佩!](https://imgs.weekendhk.com/wp-content/uploads/2023/11/batch_-2023-11-14-4.28.39_104390008065533747652fd-1024x660.jpg)
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。