煲仔飯外賣Top16推介!大快活連煲送+逸東軒85折+坤記/西環永合老字號|外賣食乜好
煲仔飯外賣Top16推介!大快活連煲送+逸東軒85折+坤記/西環永合老字號|外賣食乜好

煲仔飯外賣Top16推介!大快活連煲送+逸東軒85折+坤記/西環永合老字號|外賣食乜好

【煲仔飯外賣】煲仔飯是暖胃恩物,今次介紹你城中16間有煲仔飯外賣的話題店,有米芝蓮推介的煲仔飯老字號,也有後起之秀的人龍旺店,就連配料方面,也隨著時代變遷而煥然一新,煲仔飯內有鰻魚、海南雞、就連普洱都可是煲仔飯的其一元素。現時還有煲仔飯外賣供應,原煲上超有風味!城中咁多間選擇,到底哪一間才最啱你心水!

撰文:新假期編輯部|圖片來源:新假期資料室

16間煲仔飯外賣合集推介!

按連結跳至


人氣話題煲仔飯店

煲仔飯現時絕不是老字號獨霸的天下,城中有不少後起之秀正後浪推前浪,以獨創菜式打響名堂,立即看看有哪些巴閉煲仔飯推介!

1)光榮冰室煲仔飯 –5pm後供應外賣

光榮冰室總店在深井,以往都是每逢冬天才推出煲仔飯,後來餐廳在尖沙咀開店,見九龍區一帶少有一年四季都吃到的煲仔飯地方,索性將煲仔飯全年供應,天冷時門口都大排長龍,大受食客歡迎!不過於夏天時煲仔飯是不定期供應,想吃的朋友可要碰碰運氣。四季煲仔飯只在4間分店包括旺角、尖沙咀、銅鑼灣荃灣的晚市(6:30pm-10pm)供應,也需要等約20分鐘才有得食,每一煲都會耐心燒出飯焦,絕對誠意之作。現時5pm後供應煲仔飯外賣,需加$8按金原煲上,所有口味都能買回家慢慢歎。

詳細報道:光榮冰室四季煲仔飯$68起!網民熱推超足料臘味

煲仔飯
今次的煲仔飯合集,一共推介你城中13間小店,有米芝蓮推介,也有話題題店,間間都落足心機,啖啖飯香加飯焦,簡直是暖胃恩物。
窩蛋牛肉飯 煲仔飯 光榮冰室
窩蛋牛肉煲仔飯 $72
飯熟才落新鮮牛肉和雞蛋,火候要拿捏準繩,令牛肉保持鮮嫩滑溜。
  • 餐廳:光榮冰室
  • 尖沙咀店地址:尖沙咀厚福街5-6號地下6號舖(顯示地圖
  • 電話:2422 6555
  • 營業時間:8am-10:30pm
  • 備註:
    1)煲仔飯僅限旺角、尖沙咀、荃灣及銅鑼灣店供應
    2)只在晚市(6:30pm-10pm)供應
    3)煲仔飯外賣5pm後開始供應
    3)需加$8按金原煲上

2)尖沙咀深仔記 原條鰻魚煲仔飯

深仔記雲吞麵賣得街知巷聞,上年更踩過界開茶餐廳,選址尖沙咀。找來2大高手,一是前澳牛大廚,二是跑馬地名人飯堂、米芝蓮級的雅谷餐廳(Amigo)前廚師做顧問。滑蛋芝士汁撈麵、瑞士汁雞髀均是招牌菜,秋冬首推原條鰻魚煲仔飯,打開煲蓋,飯香湧出,香氣滿溢,且配上滑嫩炒蛋及焦香鰻魚,香濃惹味。煲仔飯除了鰻魚外,還有豉汁排骨、北菇滑雞、鹹魚肉餅、窩蛋牛肉、油鴨髀等,合共12款!也有供應煲仔飯外賣服務,需加$10按金便可原煲上。

詳細報道:深仔記茶餐廳推日式鰻魚煲仔飯+澳牛廚炮製炒滑蛋+Creamy芝士撈麵

分店經常大排長龍
深仔記茶餐廳分店經常大排長龍
日式鰻魚煲仔飯鰻魚原條上,厚肉燒得帶焦香,一打開熱氣騰騰,很吸引。
日式鰻魚煲仔飯$78
鰻魚原條上,厚肉燒得帶焦香,一打開熱氣騰騰,很吸引。
  • 餐廳:深仔記茶餐廳
  • 地址:尖沙咀亞士厘道 29-39 號九龍中心地下A舖(顯示地圖
  • 電話:9377 0072
  • 營業時間:星期一至日 7am-11:30pm
  • 招牌菜:鰻魚煲仔飯、炒滑蛋芝士汁撈公仔麵
  • 備註:
    1)煲仔飯供應時間為5pm-11:30pm
    2)需加$10才能以砂煲呈上。

3)慈雲山榮記芝士煲仔飯 邪惡拉絲

位於慈雲山的榮記,開業二十多年,近幾年憑著創新推出芝士煲仔飯再次打響名堂。這構思原來是店主的兒子Ray想出來,加入芝士焗成,跟飯焦很配,然而中間的飯粒較為濕潤。配料還可選牛、雞肉、午餐肉。另外最近更新推沙嗲牛肉煲仔麵,憑著濃郁花生味道,吸引不少回頭客。要留意,芝士煲仔飯不能外賣,只能堂食。其他傳統口味,如肉餅、排骨、臘味則能外賣,可惜是並非原煲上。

詳細報道:慈雲山榮記茶餐室獨創拉絲芝士+金蠔煲仔飯

cheese05
位於慈雲山的榮記茶餐室,開業已有20多年。
芝士煲仔飯-慈雲山-榮記茶餐室-茶餐廳
芝士煲仔飯(午餐肉)$83
  • 餐廳:榮記茶餐室
  • 地址:慈雲山毓華里12號地下 (顯示地圖
  • 電話:2328 9232
  • 營業時間:星期一至六6:30am-9:30pm;星期日6:30am-5pm
  • 備註:
    1)不設加一,只收現金
    2)煲仔飯於4:30pm後供應
    3)芝士煲仔飯不能外賣

4)元朗堅料豬手車仔麵店普洱飯焦

堅料豬手車仔麵店主打的是車仔麵,同時賣燉湯、 家常小菜。堅哥的臘味煲仔飯,像店中很多菜式 一樣,沒有寫入餐牌,不能walk-in吃,須提早預訂。打開煲蓋,臘味香與飯香湧出,原來臘味購上環一間老字號臘味店,城中多間名店如鏞記也幫襯!最特別是吃完臘味煲仔飯,還有精彩下半場,店員端來普洱茶,倒進瓦煲,混合飯焦,再拿進廚房,下葱花煮兩煮,再端出來的是一煲金黄帶脆,點點翠綠的飯焦,每啖都帶茶香及焦香,好吃得停不了口,想不到飯焦也有新玩法!現時也有煲仔飯外賣供應,但需早一日提前致電預訂,需加$100按金原煲上。

詳細報道:元朗堅料限量煲仔飯、普洱飯焦原塊起底

元朗這間堅料豬手車仔麵店,想不到原來也有煲仔飯食!
元朗這間堅料豬手車仔麵店,想不到原來也有煲仔飯食!
臘味煲仔飯 元朗 車仔麵
臘鴨煲仔飯$158(2人份量)
  • 餐廳:堅料豬手車仔麵店
  • 地址:元朗安興街安良里5號寶益樓地舖(顯示地圖
  • 電話:5618 7351
  • 營業時間:星期一至日11:30am-10:30pm
  • 備註:
    1)需早一日預訂
    2)需加$100按金原煲上

5)佐敦逸東軒外賣滿$600有85折 原個砂鍋+湯壼呈上

米芝蓮一星食府逸東軒去年推出外賣服務,有超過20款菜式可選,前菜、小吃、主菜、燉湯都有 , 最特別是凡是砂鍋系列的菜式, 都會以精緻黑色砂鍋原個呈上, 燉湯則以湯壼盛載, 保溫一流,且可循環再用,不怕浪費。現時由即日起至1月31日,所有外賣自取滿$600可享85折優惠!砂鍋小菜炒得夠鑊氣,用料矜貴, 推介陳皮煎雞煲仔飯,炒得米粒乾身分明,可要記得留肚訂埋燉湯,有濃郁順喉的花膠鮮杏汁燉白肺, 滋補養顏。

詳細報道:佐敦逸東軒再推85折外賣!原個砂鍋上生煎雞煲仔飯

逸東軒
佐敦逸東軒是米芝蓮一星食府,最近再重推外賣服務。
陳皮生煎雞煲仔8
陳皮生煎雞煲仔$298

6)將軍澳砂煲兄弟 日賣200煲海南雞煲仔飯

將軍澳這間砂煲兄弟,單是煲仔小菜就有近30款,煲仔飯就11款。當中人氣最旺的,一 定是海南風味雞煲飯,三黃雞只取髀位,用上湯浸15分鐘令雞肉熟透,然後以傳統煲仔飯的煮法將混了斑蘭、香茅、雞油的米飯煲熟,最後還要以細火烘出飯焦。雞和飯分開上枱,避免煲仔的熱力將雞肉弄得過熟。臨吃時,人客自行將甜豉油及雞件加到飯中,吃一啖,果然很有南洋風味,雞嫩飯香,最不能錯過香脆飯焦,比平日吃慣的海南雞飯,多添脆口。現時也有煲仔飯外賣供應,不過是用上微波爐盒盛裝,若想食得原汁原味,可要堂食才能滿足!

詳細報導:將軍澳砂煲兄弟日賣200煲仔飯+火焰牛仔骨

煲仔飯Top13推介2020!米芝蓮推介+備長炭烤焗+人龍旺店+特色配菜:原條鰻魚+海南雞+普洱飯焦|區區搵食(新假期APP限定)
將軍澳砂煲兄弟,單看店名便知賣煲仔食物。
海南風味雞煲飯海南雞飯用雞髀肉,再配加入斑蘭葉煮成油飯。
海南風味雞煲飯$80
海南雞飯用雞髀肉,再配加入斑蘭葉煮成油飯。

7)北角嚐喜大不同特色餐廳小廚炭火收水

日間是茶餐廳,晚市變身小菜館,吸引很多街坊專誠訂座來吃晚飯。四季炭火煲仔飯固然是每枱必食,亦有不少可預訂的私房小菜,價錢亦相宜。老闆對煲仔飯很有堅持,先用石油氣將飯煮至收水,放配料後,再移至炭火上以文火收水,一煲飯等足40分鐘才有得食。現時6pm後可外賣煲仔飯,需加$20以砂煲呈上。

北角嚐喜大不同特色餐廳小廚,不少街坊專訪前來吃晚飯。
北角嚐喜大不同特色餐廳小廚,不少街坊專訪前來吃晚飯。
窩蛋牛肉飯加臘腸
窩蛋牛肉飯加臘腸 $87
  • 餐廳:嚐喜大不同特色餐廳小廚
  • 地址:北角七姊妹道25-31號嘉蘭大廈地下C舖(顯示地圖
  • 電話:2833 6968
  • 營業時間:星期一至日 7am-11pm(煲仔飯於6pm後供應)
  • 備註:
    1)不設加一,只收現金
    2)需加$20按金原煲上

8)筲箕灣紹華小廚創新口味

前身是銅鑼灣川龍街新翠華,老闆在筲箕灣另起爐灶。店子除了20款傳統煲仔飯,亦有10款全新自創煲仔飯,好似:野菌鵝肝、疆土羊肉、帆立貝象拔蚌、蒜香牛頸脊等,配搭新穎,吸引很多年輕人幫襯。現時6pm後可外賣煲仔飯,需加$20以砂煲呈上。

紹華小廚
紹華小廚除了傳統口味外,更有創新口味煲仔飯,選擇多元化。
豉汁帆立貝象拔蚌飯 豉油香甜濃稠,帶子大隻入味。
豉汁帆立貝象拔蚌飯 $85
豉油香甜濃稠,帶子大隻入味。
  • 餐廳:紹華小廚
  • 地址:筲箕灣愛秩序灣道15號愛秩序灣街市熟食中心CF3店(顯示地圖
  • 電話:8199 8188
  • 營業時間:7am-10:30pm(煲仔飯6pm後供應)
  • 備註:
    1)只收現金、不設加一
    2)加$20按金原煲上

9)馬鞍山點煲備長炭烤焗

馬鞍山新開煲仔飯專門店「點煲」,是首間用上備長炭烤焗煲仔飯的店舖,重點在於上枱後,無需蓋上煲蓋或等候數分鐘,即可烤焗出金黃薄脆的飯焦。口味也相當創新,特別推介每天生劏鮮活白鱔製成的豉汁白鱔煲仔飯;以肉厚油香豐富的沙巴龍躉,炮製金銀蒜龍躉煲仔飯;加入本地流浮山鮮曬金蠔炮製的,芝士櫻花蝦金蠔銀魚煲仔飯;口感豐腴且鮮美海膽安格斯牛肉煲仔飯,以及帶香濃蒜味的金銀蒜開邊蝦煲仔飯,款款吸引。記得要淋上自家製豬油,提鮮引香!現時有外賣供應,需加$40按金原煲上。不過因非海膽當造期,故一心想吃海膽安格斯牛肉煲仔飯的朋友可要等一等!

點煲用上搶眼色調作裝潢,吸睛搶眼!
點煲用上搶眼色調作裝潢,吸睛搶眼!
海膽安格斯牛肉煲仔飯8用上美國加州海膽及安格斯牛肉,入口鮮嫩。
海膽安格斯牛肉煲仔飯$128
用上美國加州海膽及安格斯牛肉,入口鮮嫩。
  • 餐廳:點煲
  • 地址:馬鞍山新港城中心2樓2203號舖(顯示地圖
  • 電話:2363 3166
  • 營業時間:星期一至日上午11時至晚上10時
  • 備註:
    1)設加一、收現金、八達通或支付寶
    2)加$40按金原煲上

10)筲箕灣祥囍煲仔小廚完美飯焦

位於後街暗巷,甚隱蔽,但每次經過已半滿,人氣甚旺。聞說老闆兼大廚曾在西環嚐囍及坤記做過,有20年煮煲仔飯經驗。一入門口就聞到炭香,感覺對辦。煲仔飯款式較大路,大廚推介的臘味蝦乾飯,蝦乾是同筲箕灣漁民直接入貨,鹹香惹味,值得一試。現時全日都有煲仔飯外賣供應,需要$20按金原煲上。

祥囍煲仔小廚位於後街暗巷,不過卻無阻人們熱情。
祥囍煲仔小廚位於後街暗巷,不過卻無阻人們熱情。
臘味蝦乾飯臘味蝦乾飯內加了冬菇粒,更好咬口,食落亦更香。
臘味蝦乾飯$92
臘味蝦乾飯內加了冬菇粒,更好咬口,食落亦更香。
  • 餐廳:祥囍煲仔小廚
  • 地址:筲箕灣愛民街6-28號新利大廈4A至5A地舖(顯示地圖
  • 電話:2343 8811
  • 營業時間:10:30am-10pm
    備註:
    1)不設加一,只收現金
    2)煲仔飯全日供應
    3)加$20按金原煲上
  • Fb專頁:祥囍煲仔小廚

11) 沙田CHOP CHOP食神 叉燒煲仔飯

由即日起至2021年2月尾,CHOP CHOP食神叉燒推出煲仔飯外賣,共有10款可選,如日本肥牛窩蛋、鵝肝羊肚菌、雞雜拼臘腸、北菇雞臘腸、淮山杞子北菇雞、臘鴨髀等,更有總廚戴龍師傅的招牌黯然銷魂煲仔飯!煲仔飯於炮台山及沙田分店供應。可以堂食和外賣自取。

更多詳情:CHOP CHOP食神叉燒煲仔飯外賣!10款口味連煲送上

CHOP CHOP食神叉燒由戴龍師傅擔任餐廳顧問,他有「香港食神」之稱並有四十多年入廚經驗、更堪稱香港四大名廚之一的。
CHOP CHOP食神叉燒由戴龍師傅擔任餐廳顧問,他有「香港食神」之稱並有四十多年入廚經驗、更堪稱香港四大名廚之一的。
招牌黯然銷魂煲仔飯 叉燒特意選用梅頭肉製作,以香醇玫瑰露酒醃製,不加色素,以醬料和焦糖上色,烤至焦香、多汁和鬆化。
招牌黯然銷魂煲仔飯 $80
叉燒特意選用梅頭肉製作,以香醇玫瑰露酒醃製,不加色素,以醬料和焦糖上色,烤至焦香、多汁和鬆化。


回到目錄

傳統老字號

薑還是愈老愈辣。即使面對一班勢如破竹的後輩,一班煲仔飯老字號仍然憑著紥實基礎,用心做好每一煲煲仔飯,飯焦、油潤臘味、香甜豉油,通通缺一不可,看看有哪些推介!

12)西營盤坤記煲仔小菜米芝蓮推介

西營盤名店,得多年米芝蓮推介,是煲仔飯界老大哥。想食,必須有排隊的心理準備,每晚不到6時店已坐滿,門外更圍住等位的人,非常誇張。老闆嫌瓦煲易裂,找來成本更貴的瓷煲,又以火山石代替炭火,老店在傳統中一直求變。現時5pm後才有煲仔飯外賣供應,不過是放在微波爐盒,未能原汁原味食到煲仔飯風味。

坤記煲仔小菜一向是煲仔飯界的老前輩。
坤記煲仔小菜一向是煲仔飯界的老前輩。
臘味滑雞煲仔飯 雞很新鮮,亦夠滑。飯甘香,軟硬有致,就算不加豉油都夠味。
臘味滑雞煲仔飯 $95
雞很新鮮,亦夠滑。飯甘香,軟硬有致,就算不加豉油都夠味。
  • 餐廳:坤記煲仔小菜
  • 地址:西環西營盤皇后大道西263號和益大廈地下1號舖(顯示地圖
  • 電話:2803 7209
  • 營業時間:11am-2:30pm、6pm-11:30pm(煲仔飯6pm起供應)
  • 備註:
    1)只收現金,不設加一
    2)外賣5pm後供應

13)西環永合成馳名煲仔飯午市限定

舊舖在上環時已經打出名堂,只做午市,做到4點便收爐。以麵包爐焗煲仔飯,貪其火力夠平均。午市經常排長龍,所以煲仔飯會焗至六、七成熟等客,繁忙時間,10分鐘左右就有得食;唔想同人迫,可以在早餐或下午茶時分幫襯,人較少,但就要等20分鐘才有得食。但好處是全日都有外賣煲仔飯供應,加$30按金便可原煲上。

永合成馳名煲仔飯只做午市,想吃的朋友可要早點到,別碰門釘!
永合成馳名煲仔飯只做午市,想吃的朋友可要早點到,別碰門釘!
北菇雞煲仔飯 雞肉夠滑,北菇亦厚肉彈牙。
北菇雞煲仔飯 $70
雞肉夠滑,北菇亦厚肉彈牙。
  • 餐廳:永合成馳名煲仔飯
  • 地址:西環德輔道西360號地舖(顯示地圖)
  • 電話:2850 5723
  • 營業時間:星期一至六7am-4pm
  • 備註:
    1)只收現金,不設加一
    2)加$30按金原煲上

14)大埔陳漢記粥麵專家配料出色

大埔老字號,90年代,門面較小,只賣粥麵,是中大學生宵夜熱點;後來鄰舖結業,索性租下擴充,千八呎、雙舖位、黑地金漆大招牌,很有霸氣。店中以腸粉和煲仔飯最聞名。煲仔飯6pm開賣,但食客五點多就坐定等食,冬天晚上,門外永遠有條人龍,是區內名店。現時5pm供應外賣,最大好處是加$23即可原煲拎走,不用還煲!

大埔陳漢記粥麵專家是區內名店。
大埔陳漢記粥麵專家是區內名店。
白鱔臘腸煲仔飯 時價 加臘腸白鱔有5件,厚切,都是腩位,夠肥美,啖啖肉,好食。
白鱔臘腸煲仔飯 時價 加臘腸$9
白鱔有5件,厚切,都是腩位,夠肥美,啖啖肉,好食。
  • 餐廳:陳漢記粥麵專家
  • 地址:大埔運頭街91B地下(顯示地圖
  • 電話:2658 2277
  • 營業時間:11am-4am(煲仔飯於6pm後供應)
  • 備註:
    1)只收現金,不設加一
    2)外賣煲仔飯 5pm後供應
    3)加$23即可原煲拎走

15)屯門蛇王輝 焦香飯焦

位於屯門的「蛇王輝」,以蛇羹聞名。不過除了蛇羮及糯米飯外,煲仔飯也是人氣之選。款式都是傳統口味,如排骨、滑雞、臘味等,全部即叫即做,最平$48就有交易,價錢相宜,在冬天大受屯門街坊歡迎。現時外賣也是加多$1,買碗蛇羹,買碗煲仔飯回家吃,暖笠笠夠晒寫意。

更多詳情:屯門蛇王輝 蛇羹/飯仔飯賣足30年!車仔檔賣到入舖 真材實料

屯門蛇王輝可是不少屯門友的「蛇竇」。
屯門蛇王輝可是不少屯門友的「蛇竇」。
鳳爪排骨煲仔飯即叫即煮,鳳爪燜得軟腍,排骨有豉味,飯粒帶米香,吃至最後還刮起飯焦。
鳳爪排骨煲仔飯$48(加盒$1)
即叫即煮,鳳爪燜得軟腍,排骨有豉味,飯粒帶米香,吃至最後還刮起飯焦。
  • 餐廳:蛇王輝
  • 地址: 屯門置樂花園麗寶商場59號地下B舖(顯示地圖
  • 電話:2458 5519
  • 營業時間:星期一至日 10:30am-12:30am


回到目錄

連鎖店

16)外賣連煲送!大快活焦香煲仔飯

大快活今年推出煲仔飯外賣,柯打後即叫即整,等5-8分鐘便可。外賣用紙箱裝著,設抽手手柄,小巧的骰。最正是可以連煲一併拎走,回到家還冒著白煙,熱氣騰騰!煲仔飯一共有3款口味,窩蛋土魷雞粒蝦乾肉餅、臘腸豉汁排骨及臘腸冬菇滑雞。堂食價錢為$47-49不等,加$6便可轉外賣自取。食完還煲還有$6回贈!不過現時只會於飯市(11am-2pm)及晚市(5pm-9pm)2個時段供應。

詳細報導:大快活推$53連煲送、熱辣辣仲有飯焦!

煲仔飯體積的骰
大快活煲仔飯用紙盒盛載,十分企理,也有保溫作用。
窩蛋土魷雞粒蝦乾肉餅煲仔飯外賣 賣相足料,可看到原條蝦乾同土魷,食落口感豐富,肉餅也做得入味。值得一讚是煲底有不少飯焦,可原塊剷起,焦香誘人。
窩蛋土魷雞粒蝦乾肉餅煲仔飯外賣$55
賣相足料,可看到原條蝦乾同土魷,食落口感豐富,肉餅也做得入味。值得一讚是煲底有不少飯焦,可原塊剷起,焦香誘人。
  • 餐廳:大快活
  • 供應地址:全線分店(按此
  • 供應時段:11am-2pm、5pm-9pm
  • 招牌菜:煲仔飯

    夜晚冇堂食,但係一樣有外賣!WhatsApp《新假期》外賣小幫手(按此),幫你比較3大外賣App價錢,仲包埋最新優惠碼!

最新吃喝玩樂資訊