免費必玩！荃灣D‧PARK「滙豐欖球體驗專區」 3月16至19日約定你！（內附限時活動送香港七欖門票60張）
活動節目咁豐富，仲有限時活動拎「國泰/滙豐香港國際七人欖球賽」單日門票2張^，即睇以下詳情喇！
焦點「滙豐欖球體驗訓練班」！
焦點節目就一定係由香港欖球總會開辦嘅「滙豐欖球體驗訓練班」，4-12歲小朋友穿著舒適運動服裝、運動鞋，當日登記就可以參加！專業運動員會喺45分鐘嘅訓練班教授欖球基本技巧同知識，放電之餘又可以做運動！活動名額有限，先到先得。超搶手，記得唔好錯過喇！
可登記時段：
- 3月18日（星期六）：下午3至4時／下午4至5時／下午5至6時
- 3月19日（星期日）：上午11點45分至下午12時30分／下午1時15分至2時／下午5至6時
仲有多個體驗專區 一齊感受欖球魅力！
活動期間仲有多個欖球體驗專區測試唔同能力！喺商場都可以做運動、 玩遊戲，無論係大人小朋友、同行家人朋友都啱玩，一齊一較高下喇！
「全力衝刺」測試速度、爆炸力
參加者要全速跑到指定位置後，途中需繞過障礙物再折返起點，由工作人員為參加者計時。
「飛身掠影」測試靈活度
參加者喺遊戲限時60秒內爭取最多分數，參加者將被綁上橡筋繩，將欖球放在目標區域內即可得分。
「傳球挑戰」測試傳球技巧
遊戲限時60秒，參加者將欖球穿過球洞即可得分。
完成體驗專區即可獲得印花乙個，集齊所有印花後，即可以去「面部彩繪」體驗專區兌換面部彩繪乙次！當中嘅圖案都係同欖球有關嘅創意設計，夠晒特別！
首度舉辦「滙豐室內非撞式欖球小學四人賽」為賽事預熱！
活動仲有重頭戲 – 「滙豐室內非撞式欖球小學四人賽」為欖球年度盛事預熱！
今次欖總同滙豐首次將商場中庭其中一部分打造成小型欖球場，由嚟自12間學校、16隊參賽隊伍上演精彩比賽！男子組、女子組嘅MVP仲將會為「國泰/滙豐香港國際七人欖球賽」兩場決賽中擔任開球禮球童！
必玩限時活動！免費送香港七欖門票60張
今次仲有限時活動送俾各位讀者們！完成2個簡單步驟，即有機會贏到「國泰/滙豐香港國際七人欖球賽」單日門票2張^，即睇點玩先：
「國泰/滙豐香港國際七人欖球賽」一票難求，今次有機會免費拎到，咁筍記得千祈唔好錯過！
「滙豐欖球體驗專區」
日期: 3月16 日 （星期四）至3月19日 （星期日）
時間: 下午12時至下午7時（周六及周日開放時間為上午11時）
地點: 荃灣D ‧ PARK L1中庭
*每位參加者每日最多只能登記一堂，參加者須於訓練班開始前15分鐘到達登記處登記，並簽署免責聲明。
^限時活動名額有限。
(Presented by HSBC)
