一舞傾城︱鄺潔楹被虐畫面逐格睇 唔錫身大爆痛苦 為求逼真做1件事

《一舞傾城》第8集劇情劇透

鄺潔楹被變態練馬師蹂躪一整晚，更被擘開對腳五花大綁，畫面大概用10秒交代，練馬師用水槍射向她，還被不斷鞭打。全程見鄺潔楹不斷掙扎，表現得好痛苦，更忍不住流淚。

文凱玲鄺潔楹相擁痛哭

文凱玲從李嘉口中終於知道真相，見到好友鄺潔楹為自己賣身毒打，相當心痛。兩人終於冰釋前嫌，在碼頭相擁痛哭。

鄺潔楹為文凱玲還債

《一舞傾城》第8集劇情講到，文凱玲為了還賭債，希望姚子羚介紹多幾枱老細畀佢，但可惜「無人問津」，文凱玲見到鄺潔楹，即出言怪責，在眾人面前埋怨她，又說累街坊嘅難聽說話。鄺潔楹聽之，即向文凱玲表示：「你嘅債我還」，更同沙律姐保證一人做事一人當。

練馬師要求鄺潔楹肉償還債

之後，鄺潔楹去找練馬師，練馬師先向她敬酒賠罪，再向她提出願意幫她償清債務，不過要她肉償作交換條件，陪他一晚。練馬師再拿出支票，鄺潔楹只好無奈答應。

《一舞傾城》第7集劇情劇透（05/23）

《一舞傾城》第7集劇情講鄺潔楹與文凱玲先後向練馬師、騎師父子賣弄風情以獲取投注貼士，怎料二人的貼士不同。鄺潔楹與文凱玲孤注一擲其中一匹，卻賭輸欠債，兩人互相埋怨。

鄺潔楹大解放 一改形象大拍SM戲

鄺潔楹透露為了這一場戲，還觀看了外國電影《格雷的五十道色戒》，她透露當日被蹂躪一整晚，加上戲中有很多不同刑具，因此會留意電影女主角如何演繹受虐場口。穿上紅色套裝的鄺潔楹在拍攝當日更要被人擘開對腳五花大綁，拍攝足足花了6小時，坦言拍攝SM戲一啲都唔好受，一直處於緊張和不安狀態下進行。鄺潔楹補充一點，其實當日的對手是由導演親自上陣，因為原本對手太緊張未能順利拍攝，鄺潔楹還大讚導演令她入戲，更稱當刻好痛苦，SM聲亦非常刺耳，忍不住流淚，最終用真實感受去演出，達到理想效果。

被批戲屎 報演技班「唔想俾人睇死」

有網民指鄺潔楹在2021年劇集《十月初五的月光》每次發惡時都一味碌大眼，表情非常誇張，形容她為爆笑式演技！而2020年拍攝《七公主》時，監製陳維冠找她飾演「方楚瑜」一角，鄺潔楹說：「監製搵我做時知我係新人，都唔會畀個同我差太遠嘅角色畀我做，個角色偏向開心、樂觀，我最初以為自己應付到，點知出到嚟有人話唔係好自然，我都覺得有啲位係好造作，有啲位以為自己交足戲，但係我睇番，『嘩，咁猙獰嘅』！我都交足功課啦，點解啲人覺得唔夠呢？」鄺潔楹在拍完《七公主》後，決定報讀演技班「因為唔想俾人睇死！」而努力亦沒有給白費，鄺潔楹近日po IG story表示有份客串劇集《新聞女王》，更成功與佘詩曼同框對戲！

美國回流入TVB 入行7年終被重用

鄺潔楹高中開始已經到美國讀書，於14年畢業於西雅圖大學，其後回流香港，在入行前曾擔任職業務分析師。不過，鄺潔楹認為朝九晚五的工作不適合自己，所以選擇轉行，在2016年正式成為TVB合約藝員。

鄺潔楹唔再派福利？

浮沉多年後，鄺潔楹因為拍旅遊節目《3日2夜》多次以比堅尼上陣，而開始吸引到網民眼球。不過，鄺潔楹曾接受訪問指，現在唔敢再穿水著派福利，因為社交平台上見到好多火辣美女，心態上有少少唔同，坦言不敢穿得太暴露示人。之後，鄺潔楹又將《愛回家》Venus拜金女一角演得入型入格，獲網民激讚，於入行7年後終於成功入屋。

曾因為身高想過放棄星途

鄺潔楹嬌小玲瓏，身高只得155cm，被網民稱為「哈比人」。不過原來鄺潔楹曾經因為身高，而想過放棄星途，身邊亦有唔少人會因為身高而攻擊自己：「一開始我聽到人哋講嘅嘢會好易氣餒，會全日諗住。啲人好直接，會話：『你咁嘅高度，我覺得你頂多玩多一年』、『唔好諗住做好長』，我唔識駁咀，會認同佢。咁多人咁講，會覺得自己會咪唔啱做呢行。」不過鄺潔楹最後都沒有放棄，並決定用努力去證明自己實力：「後來我會想畀佢哋睇，你覺得我做唔到，我就要再做多幾年。」

鄺潔楹家底雄厚 2,000呎豪宅曝光

鄺潔楹出道後已有媒體爆她是富家千金，早前於節目《我要做業主2》中首度公開跟家人居於大埔淺月灣2,000呎獨立屋。鄺潔楹超豪華家具以米色為主調，除了有超大型餐檯之外，連客廳都非常寬敞，加上落地玻璃的設計令室內看起來更加闊落。鄺潔楹豪宅中更有私人花園，認真夠豪華！

大學畢業即做業主 目標不靠父幹再置業

鄺潔楹父母從事傢俬生意，她更跟家人開設投資公司，絕對是隱形富家千金。鄺潔楹在節目中透露自小就被父母灌輸投資買樓的概念，家人對她說錢放在自己那裡是不會升值的，所以大學畢業就叫她與哥哥一起購入跑馬地一個舊樓單位，兄妹共同持有至今市值過千萬。

不過鄺潔楹強調自己一向腳踏實地工作，更有計劃在31歲靠自己再次入市，拒絕靠父幹置業。近年鄺潔楹除了備受無綫力捧，更發展自己的事業，建立自己的曲奇品牌，近日更孖住另一男藝人伍富橋投資健身中心。