|18區掃食|深水埗8大惹味店 芝士雞髀保齡球
|18區掃食|深水埗8大惹味店 芝士雞髀保齡球

|18區掃食|深水埗8大惹味店 芝士雞髀保齡球

深水埗超多好嘢食,今次發現超邪惡嘅芝士x生炸雞髀x炒飯農夫包,芝士fans mark低去啦,仲有韓式年糕炸雞杯、極平車仔麵、食唔停口嘅黑椒牛肉漢堡,唔講咁多,即刻帶你食盡深水埗!

西九Food Court 年糕炸雞x小丸子

Food Court內的食肆,大部份都係連鎖店,西九龍呢個就有啲唔同,好多特色小店,今次小編精選咗兩間抵食小店,如果你想食韓式正宗炸雞,嚟呢間!小店雖由韓國人主理,但店主都識聽同講少少廣東話!炸雞即叫即做,將雞髀肉去骨後先炸一次,然後再加入韓辣味、醬油味或甜辣味醬汁再作二次翻炸,件件外脆肉嫩,可選擇大、中、小三個分量,價錢由$33-$75,幾抵食!炸雞杯更會多送兩件韓式年糕,煙煙韌韌,滿足!不過想食就要早少少去,賣晒就無,通常6-7點就會收舖嫁啦!

E1
醬油味炸雞(小)$33 小份量都炸雞都有8-10件,女仔嚟講夠埋飽肚嫁啦!重送多兩件年糕添!
E2
每件炸雞都大大件,仲要無骨,醬料平均包圍住成件炸雞,睇見都流口水!

E3

皇帝雞

地址:深水埗欽州街37號西九龍中心8樓美食廣場8F-17號舖(顯示地圖)
電話:從缺
營業時間:12nn-6pm

 

章魚小丸子曾經hit到喺超市都有得買,不過呢幾年買少見少,仲越賣越貴,估唔到呢度又有!$20/9粒,新西蘭章魚粒夠爽口,外皮脆卜卜,一啲都唔油膩,配埋燒汁、沙津醬同紫菜,簡直超抵食!另外,小店亦瀰漫著陣陣牛油香氣,原來亦兼賣比利時窩夫,用上足料麵粉、澳紐牛油同奶品製作,口感厚實,不會滿口空氣感,有多款醬料作topping,一定要趁熱食啊!

F1
鱆魚燒丸子 $20/9粒 超抵食!每粒入面都有章魚小粒,脆卜卜好滋味。
F2
比利時窩夫$10 窩夫用上澳紐牛油及德國酵母粉製作,非常香脆,一定要趁熱吃!配埋足料黃梅果醬,酸酸甜甜幾滋味。

F3

French Corner

地址:深水埗欽州街37號西九龍中心8樓美食廣場8F13號舖(顯示地圖)
電話:2430 9892
營業時間:12nn-8pm

F4
Food Court內有大量座位,最啱坐低慢慢食埋先走。

堅好食!港式黑椒牛肉漢堡

十個行經呢間港式小食店嘅,十一個都會俾佢陣肉香味吸引,然後順手入去買個包食。所有包款都是即叫即製,牛肉、雞扒都係即煎,俾啲耐性等陣啦,成日有人龍嫁!招牌必食黑椒牛肉漢堡,手打牛肉牛肉味超香濃,食落黑椒味慢慢慘出,更惹味!另外雞扒飽亦係一定要食之選,塊雞扒厚度十足,肉質好滑,配埋千島醬,無得輸!!!真係咁好味!如果夜少少7:30後去,仲有燉湯賣添!每日都唔同嫁!

D1
黑椒牛肉漢堡 $15 黑椒牛肉焦香滿溢,未食濟聞經已超滿足!一咬落去肉味香濃,停唔到口!
D2
包裡面只有一塊牛扒同茄汁,簡簡單單已經夠,因為嚿牛實在太好食。
D3
雞扒飽(千島醬) $15 唔講咁多,雞扒飽一啲都唔輸蝕,你睇嚿雞扒幾厚就知,千島醬仲要多到瀉出嚟,好想encore食多個!!!

D4

添福小食

地址:深水埗長沙灣道80-82號文海樓地下A1舖(顯示地圖)
電話:91969823(whatsapp)
營業時間:星期一至六: 12nn-12mn,星期日休息

$40有找 6餸車仔麵連豆漿

呢間專賣車仔麵同港式小食的店子,開咗4個月已經成為街坊同學生食堂。老闆娘Gigi每朝八點就返舖頭準備,店內車仔麵四款醬汁沙嗲、辣汁、大辣咖喱同特辣麻辣都喺自己整,大部份車仔麵餸都自己買同炆煮,無味精,食落就更滋味啦。Gigi每次自己去吃車仔麵時都非常貪心,每樣餸都想試下,而佢覺得食麵一定要飲嘢,所以招牌車仔麵套餐包6款餸咁多,仲送杯細豆漿,都只不過是$38,難怪咁多街坊都成日去食!

A2
6餸自選車仔麵(送細豆漿) $38 滷水雞翼、長洲大魚旦、豬腸、蠔油冬菇、秘製牛腩同咖喱翼尖配油麵,大碗夾抵食,記住加埋Gigi自製的辣菜甫,少少辣,好味!
A1
自選6餸蝦子撈麵(送細豆漿) $41 麵底加上蝦子,配以糖心籮蔔、豬紅、豬皮、咖喱螺肉、麻辣豬耳同酸甜齋,籮蔔夠大件,而且夠香甜,必食!
A3
白雲豬手 $9/2件 雖然食車仔麵都可以點白雲豬手,但唔少人都會叫多2件食,非常爽口,陣陣醋味好開胃!
A4
醬汁魷魚 $9/碟 魷魚好彈牙,
A5
瑪卡蜜$20 瑪卡磨粉後加蜂蜜沖製,凍飲最好飲,非常滋補。

A6

小排檔懷舊車仔麵

地址:深水埗福榮街172號地舖 (顯示地圖)
電話:56641990
營業時間:星期一至六: 10:30am-8pm,星期日及公眾假期休息

芝士迷注意 芝士雞髀保齡球

未入餐廳門口就已經感受到呢間冰室的懷舊氣息,入到去牆上面有好多懷舊海報,好有Feel!不過嘢食並唔係頹頹哋嘅碟頭飯,店主Mike將傳統菜式加少少新意,更配合香港人嘅口味,例如將舊舊哋嘅農夫包,塞入炒飯,再加入芝士芝士芝士,配多隻生炸大雞髀,呢個芝味保齡球未食都已經夠吸引!就連飲品都寧舍唔同,招牌波波冰鎮奶茶棄用普通冰塊,用自家奶茶製成冰波,唔會淡味之餘更有影相位,啱晒後生仔相機食先!

B1
芝士焗生炸雞髀保齡球 $68 超巨大!農夫包上放咗隻巨形炸雞髀,賣相一流,即叫即整,都要等15分鐘嫁,不過超值得!
B3
芝士醬混合了五種芝士製作,芝味好豐富!不過雖然芝士醬係俾我地蘸農夫包食,但唔少客人都會將芝士醬蘸雞髀食囉(好邪惡!!!)。
B2
農夫包內有個炒飯,用咗Parmesan芝士汁,確保你每啖都食到芝士!包蓋都唔馬虎,搽咗芝士同鹹蛋王,一定要食埋啊!
B4
芝士豬頸肉撈一丁 $48 另一受歡迎之作,同樣用5款芝士汁炮製,芝味好濃郁,配埋芝士牛油厚多士,飽晒。
B5
原味波波冰鎮奶茶 $24 飲品都超得恴,唔喺用普通冰塊,用自家奶茶整成嘅波波冰塊,就算冰融都唔會溝淡茶味,好醒目!
B7
店內好多懷舊擺設,連menu都設計成信箱咁,好多打卡位。

B9B8

老鳳冰室(良記餐廳)

地址:深水埗基隆街216號地舖(顯示地圖)
電話:2660 8136
營業時間:7am-10pm

台灣feel甜品店 漫畫任睇

甜品舖通常都拿拿臨食完就俾人趕走,不過呢間翻新咗嘅甜品舖就唔同啦,入到去好似去咗台灣cafe咁,燈光頗喑,播著台灣流行歌曲,仲有好多漫畫俾你任睇,最啱悠閒地喺到hea過一日。甜品賣相好精緻,而且都幾平,心太軟$40都唔使,仲有少見嘅香蕉味,另仲有雪花冰、窩夫同拿破侖等都喺三四十蚊,甜品嚟講好抵食喎!

G1
香蕉兵團心太軟伴朱古力雪糕 $38 Bello!少見香蕉味心太軟!仲配埋焦糖香蕉同朱古力雪糕。
G2
一切開啲漿就即刻爆出嚟,蕉味好濃郁!
G3
日本紫薯甜蜜砂冰 $32 紫薯甜品就食得多,不如試下呢款紫薯砂冰,一抹紫色勁靚,由日本紫薯蓉加冰打成,唔太甜幾好飲。
G4
都幾多位,近牆位置更有漫畫可任睇,最啱hea成個晏就。
G5
牆上有作家名句/電影對白,好偽文青~
G6
仲有個corner位有勁多漫畫,重有枝斷左弦嘅結他haha。

G7

瑰花甜戀愛甜品屋

地址:深水埗福華街120號地舖(顯示地圖)
電話:2398 9499
營業時間:星期日至四: 3pm-12mn,星期五、六:3pm-1am

正宗越式風味 蟹膏湯檬

小店是越南家庭移居來港開店,店子小小,只有十多個座位,大部分食材自家製,例如越南菜醬汁淥冧和甜花生醬自家調校。坊間少見的蟹膏湯檬,人手起膏,用蟹熬湯底,清甜到可把湯喝光。另外好受歡迎的蝦米紙卷,米紙包住大件蝦肉、檬粉和香葉,材料多到湧出嚟!|18區掃食|深水埗8大惹味店 芝士雞髀保齡球

蟹膏番茄檬粉 $38 蟹膏加雞蛋煎成餅狀,鮮甜又吸湯。有豬紅、豆卜等大量配料,抵食!

蝦米紙卷 /3件 煙韌米紙包住蝦肉、檬粉和香葉,用蕉葉包好,超飽肚!再蘸上特製的甜花生醬吃。
蝦米紙卷 $30/3件 煙韌米紙包住蝦肉、檬粉和香葉,用蕉葉包好,超飽肚!再蘸上特製的甜花生醬吃。
牛油果汁  越南流行用牛油果打奶昔,挑選南非牛油果,果香味重!
牛油果汁 $12 越南流行用牛油果打奶昔,挑選南非牛油果,果香味重!

|18區掃食|深水埗8大惹味店 芝士雞髀保齡球

第一郡

地址:深水埗荔枝角道 315 號(顯示地圖)
電話:2416 6868
營業時間:10am-11pm

香濃咖喱角 大大份薄餅

香港人一向都愛好重口味嘅嘢食,呢間主打印度咖喱的店子,除咗印籍同巴籍嘅朋友,亦都有好多香港人幫襯!廚師會不時喺店內拉薄餅,好多人都食嘅薄餅十幾蚊份,可以揀肉類/芝士/煉奶餡等等,即叫即煎,唔使另外點咖喱汁都夠好食!另外小食有咖喱薯仔角,味睇佢細細件,但入面包滿咖喱薯仔,非常飽肚。

C1
羊肉薄餅 $15 上枱已醬一整塊圓形薄餅切為4份,酥軟薄餅內包著羊肉碎,微微辣好惹味!
C2
薯仔咖喱角$12/2件 小小一件咖喱角,食晒都有少少飽,因為入面勁足料。
C3
嚟個close up,薯仔大大粒,啖啖都有濃郁咖喱味,越食越辣,正!

C4 C5

喀什米爾咖喱屋 Kashmir Curry House

地址:深水埗長沙環道264號地下E舖(顯示地圖)
電話:2360 0686
營業時間:11:30am-10:30pm

 

延伸閱讀:
|18區掃食| 甜品控召集!西環最強甜品地圖
|18區掃食|西灣河發現 4吋厚巨型豬扒包

最新吃喝玩樂資訊