自助餐
自助餐

自助餐推介|全港12大:3.5小時任食午餐/晚餐+生蠔+刺身|自助餐我要

飲食

廣告

自助餐推介|揀餐廳時總是心大心細?去吃自助餐就最適合不過了!西餐、鋸扒、生蠔、刺身,通通都有放題任食。今次為大家整合全港12間自助餐推介,午餐同晚餐都有好多選擇。即睇介紹!

自助餐推介|全港12大必食:Live Band酒吧任食牛扒+平民素食自助餐

  1. 港島區
  2. 九龍區
  3. 新界區


自助餐推介|港島區|中環|1. I-O-N|3.5小時任食17款美食+自選主菜+甜品

「I-O-N」位於中環街市內,以開放式設計和簡約風為主,採用透光大玻璃更可以引入日光,空間感大而且環境寬敞,氣氛好Chill!主打西餐、精緻蛋糕和精品咖啡,近期推出週末半自助餐。除了可以任食多達17款冷、熱盤外,同時可以自選主菜和甜品,還可以加配生蠔和甜品拼盤。每位客人可從7款主菜中自選1款,分別供應烤澳洲西冷牛扒、香辣蝦醬海鮮意粉、叉燒醬鱈魚、香烤龍蝦班尼迪蛋、All Day Breakfast等,每款都好足料,定必食到好滿足。

I-O-N 更多詳情
  • 餐廳:I-O-N
  • 地址:中環皇后大道中93號中環街市1樓124-125號舖
  • 電話:9141 5863
  • Facebook專頁:ionhongkong

自助餐推介|港島區|銅鑼灣|2. Mr. Steak Buffet a la minute|任食生蠔+海鮮+和牛

銅鑼灣「Mr.Steak Buffet a la minute」一向一位難求,分別有2.5小時午市自助餐和2輪晚市自助餐時段。除了可以任食多款前菜、中西式美食外,還有和牛、日式刺身、海鮮等供應,當中更有日本直送和牛鐵板燒和壽喜燒,值得一試!

Mr. Steak Buffet a la minute 更多詳情
  • 餐廳:Mr. Steak Buffet a la minute
  • 地址:銅鑼灣告士打道280號世貿中心6樓
  • 電話:2881 5757
  • Facebook專頁:mrsteakbuffet

自助餐推介|港島區|灣仔|3. 美盛匯|兩餸飯自助餐 午市1小時任食 即叫即煮熱辣辣粉麵

位於灣仔的「美盛匯」餐廳離灣仔港鐵站只需2分鐘步程,推出中菜任食自助餐,午市可任食1小時,CP值超高!餐廳店內的格局跟飯堂有幾分相似,沒有太多花巧的裝修。中庭設有自助區,放置20多款中菜食物,客人可以排隊輪流夾餸。現場亦有師傅即場烹煮重慶小麵、牛腩河粉等粉麵類,即叫即煮熱辣辣,是打工仔的福音!

美盛匯 更多詳情
  • 餐廳:美盛匯
  • 地址:灣仔告士打道88號其昌中心2樓
  • 電話:5222 3555

回到目錄

九龍區

自助餐推介|九龍區|觀塘|4. 登堂|《百萬同居計劃》餐廳取景地 半自助餐任食時令海鮮

最近Viu TV熱播劇集《百萬同居計劃》,由Mirror@Anson Lo、Jer、簡慕華、魏浚笙以及多位《大叔的愛》班底出演,反應叫好叫座。登堂作為其中一個拍攝餐廳取景地,最近更食住個勢,首次推出半自助餐,一眾劇迷、神徒、柳柳粉們,可以邊歎美食,更可目睹偶像拍攝場地!自助餐分別在午市及晚市供應,午市可從12款套餐中選擇,也可以享用自助沙津吧。晚市是重點推介,即可享用超過30款食物,時令海鮮及刺身會輪流供應,例如雪蟹腳、翡翠螺、海蝦、三文魚、甜蝦等。

登堂 更多詳情
  • 餐廳:登堂 Downtown
  • 地址:觀塘興業街4號The Wave2樓
  • 電話:2110 4103;5542 4301(Whatsapp)
  • Facebook專頁:downtownhk

自助餐推介|九龍區|觀塘|5. Angel & Devil|德國+西班牙主題自助餐 任食生蠔+刺身+海鮮

觀塘Angel & Devil的自助餐一直有捧場客,經常轉換新主題。近期以德國及西班牙做主題,推出西班牙啤梨慢煮牛面肉、西班牙海鮮炒飯、德國咸豬手及西班牙海鮮扁麵配紅蝦汁等菜式,當中德國咸豬手必試,原隻豬手外脆內軟,外皮入口脆卜卜,十分惹味!西班牙海鮮炒飯亦是地道美食,啖啖飯粒吸盡海鮮精華。除了德國及西班牙美食外,自助餐當然也有不少回本菜式,包括即開新鮮生蠔、刺身及冰凍海鮮等,更有多款熱盤及甜品任食,一定吃得滿足!

Angel & Devil 更多詳情
  • 餐廳:Angel & Devil
  • 地址:觀塘駿業街58號Club East洞天4樓
  • 電話:3103 3808

自助餐推介|九龍區|尖沙咀|6. 彌敦左岸|Live Band酒吧 120分鐘無限供應肉眼+薯條沙律

位於赫德道的人氣Live Band酒吧餐廳「彌敦左岸」推出120分鐘任食牛扒優惠,逢星期二或三可以激抵價格任食招牌封門柳扒或美國安格斯肉眼扒,可配以香蒜鹽味醬,吃起來更有風味。另外就連薯條和沙律都無限供應,食肉獸要出動了!

彌敦左岸 更多詳情
  • 餐廳:彌敦左岸 Nathan Left
  • 地址:尖沙咀赫德道5-9號德裕中心地下及1樓
  • 電話:2369 1333/56049108(WhatsApp)
  • Facebook專頁:nathanleftbym1

自助餐推介|九龍區|尖沙咀|7. HENRY|Rosewood酒店扒房任點任食Brunch 生蠔放題+粉嫩牛扒

Rosewood酒店內的餐廳以往均是城中人氣店,當中扒房Henry更是最受食客歡迎的餐廳之一。全店環境充滿經典美式扒房氣氛,馬蹄卡座、皮製餐椅,加上開放式廚房,配合昏黃燈光,氣氛一流!餐廳以往只開晚市,最近推出全新週末brunch午餐(The Weekend Feast),於星期六及星期日供應,包任點前菜(無限量任點任吃)、自選主菜及甜品,相比平日每道菜單點來說非常抵食!

HENRY 更多詳情
  • 餐廳:HENRY
  • 地址:尖沙咀梳士巴利道18號香港瑰麗酒店5樓
  • 電話:3891 8732

自助餐推介|九龍區|佐敦|8. 鮮味道|40分鐘任食餃子 6款鍋貼無限供應 香菇豬肉+韭菜水餃

位於佐敦的鮮味道推出任食多款水餃和鍋貼,40分鐘內可以無限添,食盡韭菜餃、香菇豬肉餃、粟米豬肉餃等,每隻餃子都大大隻而且價錢親民,啱晒一班大胃王去挑戰!餐廳會先每位客人送上一客餛飩,一碗約有13粒,雖然每隻餛飩只有手指公般大,但是份量頗多。之後食客便可以任點水餃、蒸餃和鍋貼,分別供應韭菜豬肉餃、香菇豬肉餃和粟米豬肉餃共3味。水餃製作過程約10分鐘左右即上枱,速度滿意,40分鐘內約可柯打2-3輪,整體性價比合理,是糧尾恩物呢!

鮮味道 更多詳情
  • 餐廳:鮮味道
  • 地址:佐敦上海街107號統一大廈B座地舖
  • 電話:9212 2220

自助餐推介|九龍區|油塘|9. 潘記飯檔|兩餸飯版自助餐任食20款餸:原條蒸魚/龍躉

平民飯堂「潘記飯檔」開在油塘一個隱世位置,海鮮每日新鮮直送,被網民稱為世外桃源!主打午市是日海鮮套餐及自助餐,價錢激抵,有20款餸任夾任食,認真誇張。提提大家,潘記飯堂的自助餐及海鮮餐只於午巿供應,下午茶時段會改做茶餐,四點關門不做晚巿,想幫襯的話記得搵啱時間!

潘記飯檔 更多詳情

自助餐推介|九龍區|油麻地|10. 心裡有素|素食自助餐 任食40款小炒+涼菜+炸物

平民化的素食自助餐「心裡有素」餐廳主打新派素食,任食40款菜式,結合了中式的熱菜小炒、涼伴小菜、日式的炸物、西式的甜品等,不論款式及價錢都十貼地。每個時段的款式會有所不同,掌勺廚師是超過30年經驗的中廚,開業不久已經引來一班老友記挑機試食,幾乎日日坐爆場。有餸菜剩,老闆都堅持每晚派飯,做到不浪費,值得支持!

心裡有素更多詳情

自助餐推介|九龍區|太子|11. Urban Roasted Resort|峇里風Cafe 5小時放題 任食50款主菜+甜品

深水埗Cafe「Urban Roasted Resort」裝潢濃濃度假風,可以Chill住打卡,歎杯靚啡,更歡迎毛孩進入。翻開餐牌,貼地價5小時放題有超過50款菜式及飲品任揀,當中有意粉、甜品、小食、飲品等。主菜方面,有泰式金邊忌廉炒意粉配阿根廷紅蝦、黑松露巴馬臣忌廉芝士帆立貝意粉;小食方面,有水牛城雞搥、芝士薯條,亦有蒜香牛柳粒、邪惡芝士燒帆立貝、開胃青檸汁煎大蝦等。甜品每日款式不同,有Cup Cake、巴斯克蛋糕,鬆軟香甜。

Urban Roasted Resort 更多詳情

回到目錄

新界區

自助餐推介|新界區|將軍澳|12. Running燒|110分鐘即撈即燒大頭蝦+海鮮+燒肉+韓式美食放題

平時食韓燒放題大多數都是食燒肉,很難想像到還可以任食海鮮,而且更是在水缸即撈即燒的活海鮮,睇字都覺得吸引!Running燒最大的特色是設有2個大水缸,入面放滿生猛的大頭蝦,食客可以自己從水缸任意挑選,拿回座位後即刻燒,新鮮度絕對滿分!「110分鐘燒活蝦燒+燒肉放題」可以任燒任撈任食大頭蝦,另外還有多款海鮮,包括蒜蓉芝士生蠔、鮑魚、蟶子及扇貝等;肉類則有韓燒經典醬汁牛五花肉、一口牛脷及羊西冷等。餐廳還供應炸雞、正宗水冷麵及韓式年糕湯等多款韓式美食,非常豐富!

Running燒 更多詳情
  • 餐廳:Running燒(將軍澳分店)
  • 地址:將軍澳唐賢街9號Popcorn商場2樓PopFood 4號舖
  • 電話:2336 1331/9886 1056(WhatsApp)
  • Facebook:RunningBBQ

自助餐推介吃到生蠔嗎?

「I-O-N」、「Mr. Steak Buffet a la minute」、「Angel & Devil」、「HENRY」及「Running燒」有生蠔供應……詳情按此。

哪間自助餐餐廳被用作Viu TV劇集拍攝取景地?

觀塘「登堂」是Viu TV熱播劇集《百萬同居計劃》其中一個拍攝餐廳取景地……詳情按此。

圖片來源:相關機構、新假期編輯部