明日生效！身上有呢樣嘢隨時監禁半年兼罰$5萬！遊客帶入境都犯法！

Apr 29 2026

全港市民注意！明日（4月30日）起，一項超嚴厲新法例正式生效！以後就算無食，只要喺公眾地方袋住「呢樣嘢」，一經發現隨時被重罰$50,000兼監禁6個月，堪稱天價罰款！唔少人日日袋出街，今次連遊客都唔例外，隨時誤墮法網！想知點樣自保？即刻睇內文拆解！

明日起隨身帶電子煙即犯法最高罰款5萬蚊兼監禁半年

港府出重招打擊另類吸煙產品，由2026年4月30日起，任何人喺公眾地方管有電子煙、加熱煙等產品即屬違法，就算只係袋住無食都一樣中招！違例者最高可被判罰款$50,000及監禁長達6個月。條例中嘅「公眾地方」定義極廣，除咗街頭巷尾，連寫字樓嘅共用部分如廁所都包括在內。雖然衛生署承認喺辦公室等地方執法有難度，但煙民們絕對唔可以博懵！

遊客帶入境同樣犯法機場過境先有豁免要睇真

新法例影響深遠，不單止本地煙民，連遊客都隨時中招！根據現行條例，任何人不得進口另類吸煙產品，包括以個人行李方式攜帶入境。換言之，遊客想帶電子煙嚟香港旅行，一過關就已經犯法！唯一豁免嘅情況，係喺香港國際機場過境而無經過出入境檢查嘅旅客。為方便執法，當局更會改用附有二維碼嘅電子告票，遊客可用轉數快、支付寶等方式即時交罰款，睇嚟今次政府係鐵了心要嚴打。