公屋裝修師傅爆3大隱形收費陷阱！報價單1句必刪否則變水魚

裝修師傅爆料三大隱形收費陷阱　公屋住戶最高危

該名師傅在帖文中詳細列出三大「最得人驚的隱形收費」，包括「拆牆/清拆『偷面積』收費」、「泥水『找平/補縫』二次加價」及「水電『走線繞路+加位』瘋狂抽水」。他指出，報價單寫「清拆全屋」實際只拆表面，牆身批盪、地腳線、舊瓷磚底水泥層等隨時要額外加錢，「細單位拆到見紅磚，分分鐘加你$3,000-$8,000」。至於泥水工程，師傅會在貼磚前訛稱「地面不平」、「牆身空鼓」需要「額外找平」，每尺加$30-$50。水電方面，報價單的「全屋水電改造」可能只走明線短距離，增加插頭、移動燈位就「1個插蘇/燈位加$500-$700，全屋加10個位，直接多咗$5,000-$7,000」。

網民群起公審分享慘痛經歷　裝修界亂象盡現

事件曝光後，大批網民替事主不值，紛紛在留言區分享自身離譜裝修經歷。有網民大呻：「以前裝修個studio，開頭講好晒價錢，最後又話呢樣又話嗰樣，要多收多2萬左右」，另有人指「識得人俾裝修師傅裝修咗間屋半年，唔係豪宅，完全係普通到唔普通，係咁拖時間」。不少網民感嘆「香港裝修貴到死，但就冇一套標準做出來畀人參考或跟下」，對裝修界缺乏監管表示無奈。群組內更有人分享被「坑殺」數萬元的慘痛經歷，令其他準備裝修的網民心驚膽跳。

師傅提醒報價單必刪模糊字眼　業界人士反駁收費合理

該名師傅強調，報價單愈詳細愈好，模糊字眼如「含基礎工程」必須全部劃走，建議寫明「清拆至結構層、包清走所有垃圾」、「泥水含找平、掛網、空鼓修復」及「所有點位、明/暗線、開槽全包」等具體條款。他警告「香港裝修水真係深到冇底，好多『平價師傅』根本唔靠手工賺錢，淨係靠隱形收費呃人」。不過亦有自稱裝修師傅反駁，認為收費並非不合理，「插蘇位$500-$700叫黐線操作？唔好亂講」，強調裝修屬手工藝，難以用價錢做標準。