野豬闖墳場食祭品發嘖嘖聲！網民激辯積功德定害死佢哋

野豬墳場開餐發嘖嘖聲網民直擊全過程

從流出的影片可見，墓碑前擺放著一盒燒肉、其他食物祭品及多個紙杯，一隻野豬毫不客氣地叼起食物大快朵頤，更發出清晰的「嘖嘖聲」。發片網民表示：「清明偶然見到野豬食他人留低嘅祭品，食到japjap聲，野豬食燒豬野餐。大家拜祭先人後，都係拿走祭品會好啲。」畫面所見，野豬對人類食物毫不抗拒，甚至表現得相當享受。

網民兩極化激辯積功德定係害死野豬

事件曝光後，大批網民替野豬發聲，認為「係1種功德嚟㗎，食物唔好浪費，留畀啲野生動物都係1件好事」、「益下佢哋唔好咩？已經搶咗佢哋屋企，唔係連食物都唔放過掛！」部分網民更指「可能就係人哋祖先嚟，唔好理咁多嘢」、「佢哋都係太肚餓，所以周圍搵嘢食啫」。不過另一派網民則強烈反對，擔憂「野生動物因為留低嘅食物接近人類，陷佢哋於危險之中，難言功德」、「堆野豬習慣喺到搵嘢食，跟住啲人就會報食環，再人道（毀滅）晒班野豬」。

墳場工人爆料祭品真正去向清潔工必定清走

正當網民爭論不休之際，有自稱曾任職墳場修樹工人的網民爆料真相：「我曾經係墳場嘅修樹工人，我想講，你哋放喺先人墳前嘅祭品，只要你哋離開墳場之後，係會有外判清潔工人確定好冇人之後拎返去，所以有冇野豬其實冇分別。」這個爆料令不少網民恍然大悟，原來祭品最終都會被清潔工人收走，並非真的會長期留在墓前。有網民回應指「擺得喺度都係預咗有人會清，唔通會原地消失」，認為清潔工人履行職責無可厚非。