孕婦搭港鐵被推入車廂｜大叔一句話令全車震驚 網民狠斥無品
孕婦太子站被推入車廂 大叔回應令人震驚
該名準媽媽在threads發帖詳述事發經過，指當日下班搭乘港鐵到達太子站時，被一對中年情侶「一嘢喺背脊推入嚟」。她當時立刻護住孕肚，大叫「唔好推大肚婆」提醒對方注意。詎料涉事男子竟然語出驚人，表示「搭地鐵預咗俾人撞，大肚婆咁巴閉坐私家車」，同行女子亦附和指責孕婦為何不行入車廂內，更稱「你自己攞嚟」。當時車廂其實已經沒有空位，孕婦當場反擊兩人「點解大肚婆唔可以搭地鐵，問題係你撞到我」。
大叔故意揈袋挑釁 孕婦委屈落淚無人發聲
孕婦在帖文中透露，該名男子疑似不滿上車受阻，之後故意轉身揈袋，更指「個背囊點睇到你係大肚」。面對對方橫不講理的態度，孕婦不懂應對，覺得對方無賴，但令她更感委屈的是全車沒有乘客為她發聲。兩人搭乘2個站後下車，孕婦則無助地落淚，憶述事件時表示「諗起都想喊」，對整個經歷感到非常委屈和無助。
網民狠斥情侶無品 質疑撞人不道歉邏輯
事件曝光後，許多網民紛紛斥責涉事情侶無品，「好多大肚婆都要返工㗎，唔通日日搭私家車、的士咩」、「撞到人關大肚坐唔坐得地鐵咩事」。有網民更直指重點，「都唔講係咪大肚婆，你上車撞到人Sorry都唔識講，係咪個腦踩住喺腳底」，質疑對方連基本禮貌都沒有。另有網民表示「點解大肚一定要搭的士？唔係我搭唔起，係我都有選擇乘搭咩交通工具（權利）」，認為孕婦有權選擇任何交通工具，不應受到歧視。
網民教孕婦自保貼士 疑同車乘客現身解釋
不少網民在同情孕婦遭遇的同時，亦提供實用的自保建議。有人建議「有時可以出聲，例如拍下隔籬左右問下可唔可以同你換個位企，出到聲應該都會肯幫你」，亦有過來人分享經驗「我大肚嗰陣每次都大動作摸肚，就算無人讓座至少啲人唔會撞埋嚟」。有疑似當時同車的乘客現身解釋當時車廂情況，表示「當時樓主應該（企）喺門口位附近，我企喺隔住成村人的下一個門口，其實我嗰邊啲人都有望過去睇發生咩事，但因為人太多，我連樓主同阿叔都睇唔到」，認為在看不清楚情況下難以介入，希望孕婦能夠釋懷。
