金鐘五星級酒店浸浴遇著工人抹玻璃 港女嬲爆投訴：入住前唔講？｜玩樂熱話

5星酒店浸浴遇著工作人員抹玻璃
事主嬲爆：入住前唔講？ 酒店回應被轟不負責任

Book咗靚靚海景房打算浸浴，但外面有工作人員抹玻璃，你哋又會唔會繼續浸？最近有網民在Facebook群組「香港 Staycation 酒店交流谷 」分享，指自己在金鐘某5星級酒店預訂了Studio 70 Harbour View Room慶祝生日，稱主要是「為咗個海景浴缸而book，上網見到好靚。」但沒想到這是不愉快事件的開端。

事主指在Check in後，「入到去浴室見到有幾條吊索，之後仲見到幾個工作人員企喺吊船上，喺正浴室前抹玻璃，即刻嚇了一跳！」表示雖然酒店職員在Room Tour時講過外面的人無法看進房間，「但從沒有諗過咁近距離有人」，直言相信無人會有心情浸浴。

她續指自己打算在翌日的早上再享用浴缸，但點知吊索在翌日仍然在窗外，於是致電前檯詢問工程何時完工，惟職員只保證「出面嘅人係望唔到入面」，如果仍然有憂慮，可以關窗簾。港女於是在Facebook直言「如果關窗廉，我根本唔需要book海景房」，更認為酒店應該「預早通知客人抹窗安排，會影響景觀及浴缸使用，和避免尷尬發生」，而當日職員也沒有提及連續兩日相同位置有抹窗安排，令她大失預算。

網民：職員回應不負責任

不少網民表示認同事主的遭遇非常黑仔，表示該貴價酒店最出名的賣點便是浴缸，更指職員回應不負責任，「有冇人真係可以保證到出面100%睇唔到入面？有咩事邊個負責？」、「就算真係睇唔到，自己除晒衫浸浴望到出面有一堆人，都會好不安唔舒服」，直言「$3,000幾唔係平架喎，俾得呢個價錢唔應該係受咁樣既待遇」。

除以之外，也有曾在外牆工作的網民表示其實在外面是可以望進房內，更有標示寫明室外可以看到房間。不過也有網民批評事主是西客，強調「日日都有人住，咁幾時先抹得？」、「到時塊玻璃唔乾淨又鬧，而家人地抹玻璃又鬧。」

資料來源：按此