港媽巴士上畀BB睇手機遭偷拍公審 網民睇完反應一面倒

樓主偷拍巴士港媽餵「電子奶嘴」放上網狠批

事發於10日，樓主在巴士上目擊一名年輕港媽懷抱女嬰乘車，女嬰雙手捧住手機專注觀看卡通動畫，全程安安靜靜. 樓主隨即偷拍照片上傳至社交平台Threads，語帶譏諷狠批該名母親「害死自己細路」，更將事件上綱上線，聲稱小朋友「由細開始無哂專注力」，感嘆「而家啲教育越嚟越難做」，末段更拋出一句反語：「都多真係多謝你。」帖文明顯意圖發起圍爐批鬥，將矛頭直指這名獨自湊B外出的年輕媽媽。

網民群起反擊轟樓主多管閒事兼雙重標準

帖文曝光後，大批網民湧入留言區，但輿論方向完全出乎樓主預料. 絕大部分網民力撐港媽，狠批樓主多管閒事兼雙重標準。有網民直斥：「小朋友安安靜靜玩電話又鬧，小朋友唔玩電話喺度喊又鬧」，形容家長根本陷入死局。亦有人反問樓主：「唔係你想佢點？有嘢吸引住個BB先唔會搞到其他人，如果唔係個B郁嚟郁去踢到人咪又話唔識教。」不少網民認為家長帶幼兒外出已經非常狼狽，在公眾場合用手機安撫BB屬無奈之舉，紛紛叫樓主「唔好扮晒教育家」，因為「起碼人哋無阻住你無嘈到你」。

樓主偷拍行為遭網民譴責公審行動徹底翻車

除了批評樓主多管閒事外，更多網民將焦點轉向其偷拍行為. 有網民直斥：「你又唔知道個媽媽返屋企之後係咪都係咁樣……所有嘢你都唔知，你睇嘅都係表面嘅嘢，唔應該喺人哋冇騷擾你嘅情況下去影人哋相。」最終這場本意圍爐批鬥港媽的帖文，演變成樓主被反向公審的鬧劇，網民一面倒譴責樓主的偷拍及公審行為，並對該名獨自湊B的年輕母親表示體諒，整場風波以樓主慘食「回力鏢」收場。