網購送貨員暴力掟貨到門口鏡頭全錄！網民鬧爆：行多兩步會死咩？

送貨員遠距離拋擲包裹全程曝光網民鬧爆工作態度

事件在facebook群組及Threads廣泛流傳，片段清楚錄下送貨員單手拿著包裹，未走到買家門口就突然將包裹暴力拋擲的過程。有網民批評送貨員工作態度：「有冇搞錯，行多兩步會死咩？出來打工做到咁」、「爭嗰10零步路，都唔知佢做咩要咁做」。亦有網民直指「佢選擇做呢行又對人哋嘅貨物當垃圾咁掉，好有問題」、「會唔會係個人工作態度問題？就算人工唔高，做人自己人格都唔可以低！」

網民群起公審兩派激辯送貨員待遇與責任問題

事件曝光後，大批網民替事主不值，但同時引發兩派激辯。有網民為送貨員抱不平：「你影到只係最後5米，在每個環節，相信嗰班友都係又抛又掟，唔會錫住你件貨」、「上樓派貨3蚊件，掉正你門口都算係咁」、「平台為咗鬥平吸客，極度剝削啲基層派貨」。另一派則堅持專業態度：「並非每個送貨員都是這種工作態度」、「咁我嗰度嗰啲送貨就好啲，真係拎到你門口放低然後影相走」。

住戶門外裝監控涉私隱爭議房署明文禁止公屋安裝

事件同時引起網民關注住戶門外安裝監控鏡頭的合法性問題。房屋署明確表示，並不允許公共屋邨租戶在大門外公共地方安裝攝錄鏡頭，違規者將收到警告信並被勸籲拆除。至於私人屋苑，根據《個人資料（私隱）條例》，假如閉路電視攝錄過量個別影像或有關個人資料，便可能觸犯法例。有網民提醒：「醒目嘅寄office收，絕對唔掟件，直入reception」，亦有人無奈表示「免費送上門真係智商稅，貪平冇好結果」。