00後港男生爆驚人論調：買樓係老餅嘢！網民鬧爆啃老思想

00後父母已上車供完樓毋須為住屋煩惱

該名男生在帖文中分析，00後的父母多為70後，基本上都已「上晒樓」並供完物業，加上00後普遍不打算生育，將來老了可以收回父母層樓，「再做逆按揭都夠食過世」。他更指出，現時不少00後的工作模式已經改變，「又識直播帶貨，又識做KOL」，可以「鍾意做時就做，唔做就唔做」，毋須像上一代般每年工作360日。男生甚至透露「識人40歲都住屋企，生活真係free到爆」，認為有些父母已經「打到開口牌，話層樓遲早係你」。

網民鬧爆啃老思想衰過養兒防老

事件曝光後，大批網民替上一代不值，狠批00後的「啃老」思想。有網民直斥：「層樓係老竇老母嘅資產，其實唔一定要畀仔女，有呢個大安旨意嘅諗法係可笑嘅」、「最後都係啃老要食老竇老母層樓，仲衰過養兒防老，起碼你老竇老母都有付出過心機錢時間，班00後付出咗啲咩？」更有網民質疑其想法過於理想：「點解會預設老竇老母會上咗岸」、「點解咁肯定會送，個X街仔唔生性，父母唔識自己逆按過世咩？」不少人認為中間變數太多，等父母層樓需時20至30年，建議無論如何都應該買層樓在自己名下。

兩極化意見反映世代價值觀分歧

然而，亦有部分網民認同樓主的觀點，表示「90後都唔使買，唔生下1代，兩公婆食到死，使晒啲錢咪拜拜」、「其實唔結婚係無需要買，退休周圍旅居」。支持者認為00後「求其打份part time，貪夠晒自由」，有小康父母已經算贏在起跑線。不過，反對聲音同樣強烈，有網民提醒「好多人後生嗰時都話活在當下瀟灑做人，今朝有酒今朝醉，但年紀大咗或者到要真係面對個困難時就會死晒狗，冇晒當初嗰股傲氣」，認為00後目光短淺，應該長遠考慮未來生活。