公屋裝修師傅踢爆3大隱形收費陷阱　報價單1句必刪否則變水魚

裝修師傅踢爆3大隱形收費陷阱　細單位公屋居屋最高危

該名資深師傅於帖文中詳細拆解3類最常見的「隱形收費」手法。首先是「拆牆/清拆偷面積收費」，師傅指如果報價單寫上「清拆全屋」，實際只是拆除表面，牆身批盪、地腳線、舊瓷磚底的水泥層等隨時要額外加錢，「細單位拆到見紅磚，分分鐘加你$3,000-$4,800」。第二類是「泥水找平/補縫二次加價」，師傅會在貼磚前訛稱「地面不平」、「牆身空鼓」需要額外找平，每尺加$70-$110。第三類是「水電走線繞路+加位瘋狂抽水」，報價單的「全屋水電改造」實際只走明線短距離，增加插頭、移動燈位等要額外計價，「1個插蘇/燈位加$500-$700，全屋加10個位直接多咗$5,000-$7,000」。

網民鬧爆裝修界亂象　分享離譜被呃經歷引共鳴

事件曝光後，大批網民替事主不值，紛紛分享自己的離譜裝修經歷。有網民大呻：「以前裝修個studio，開頭講好晒價錢，最後又話呢樣又話嗰樣，要多收多2萬左右」。另有網民指「識得人俾裝修師傅裝修咗間屋半年，唔係豪宅，完全係普通到唔普通，係咁拖時間」。不少網民感嘆「香港裝修貴到死，但就冇一套標準做出來畀人參考或跟下」，對裝修界亂象表示極度不滿。網民群起聲討裝修師傅的「抽水」行為，認為手法過分離譜。

業界回應指收費合理　公屋還原費用數以萬元計算

不過亦有自稱裝修師傅的網民反駁，認為收費並非不合理，「裝修都係手工嘢，工藝真係好難用價錢做標準」，又質疑「插蘇位$500-$700叫黐線操作？唔好亂講」。該名踢爆師傅最後強調，報價單愈詳細愈好，模糊字眼如「含基礎工程」必須全部劃走，「香港裝修水真係深到冇底，好多平價師傅根本唔靠手工賺錢，淨係靠隱形收費呃人」。值得注意的是，根據房署資料，公屋租戶如曾進行裝修，退回單位時必須自費還原，當中還原實心廚房門叫價逾$4,200，更換廁所面板連洗水面盆及配件要逾$6,200，費用隨時數以萬元計算。