杏花邨中年男女亂過馬路！司機急煞讓路竟遭當街指罵

司機急煞讓路避撞仍遭中年男子當街指罵

事發於上周六（4月11日）下午約1時30分，現場為杏花邨杏花新城對出馬路。車cam片段顯示，片主正準備切線跟隨大貨車離開，突然一對中年男女從右邊行人路衝出馬路，企圖橫過至對面行人路。男子初時曾舉起左手示意，片主見狀馬上煞停避撞並讓路。當女子見車輛急煞時隨即快步跑上行人路，但同行男子卻站在馬路中央，神情動作盡顯不滿，更兩度出手指罵司機。男子返回行人路離開時，仍不忘回望司機，片主因此無奈稱「點呀？X你老X」。

網民群起公審斥責男子惡人先告狀行為

事件曝光後，大批網民替片主不值，紛紛在facebook群組「車cam L 2.0」留言批評男子態度。網民怒轟「見住有車咁近嚟緊都仲要過」、「都停低畀你過啦，你自己亂過馬路呀X你老X！鬧人都認清道理企邊邊先呀！」、「片主又dup（揼）停又無響咹（讓）畀你過，咁都有錯？使唔使鋪張蓆畀你」、「呢條路唔係畀人行，老奉要讓畀你行？」。另有網民揶揄男子「命大」，「暫時仲有命鬧人」、「煞車都X，下次唔煞囉」、「成日當自己（係）ironman」、「咁X嘅人下次無咁好彩」。

事發地點附近設有行人過路處違例可罰款2000元

根據Google地圖顯示，事發地點前方不遠處其實已有行人過路處。而香港法例《道路交通(交通管制)規例第374章》第39條「行人的責任」列明，行人不得攀越或穿過任何路邊圍欄或中央分道帶而進入車路，違者即屬犯罪，可被處以罰款2,000元。網民指出「呢個位好多人都係咁行，通常熟嘅司機都收慢，行人見有車嚟緊或就嚟到嗰下都會跑快啲，但咁寸嘅真係第一次見」，認為男子行為極不合理。