零碳天地
零碳天地

5大親子活動玩足成個11月!市集 +工作坊 +積木樂園 探索綠色低碳生活

香港好去處
11月秋高氣爽,啱哂一家大細或者約埋三五知己近近地去市區綠洲玩吓啦!嚟緊建造業零碳天地就準備咗一系列既環保又可以響應低碳生活嘅精彩節目畀大家免費參加。唔止有「築動低碳樂園」畀小朋友喺高高低低嘅平衡木穿梭放電,仲有「樂在零碳」綠色市集,大家可以物易物嘅方式交換心儀物品,從唔同角度探索低碳生活嘅好處!有得玩,又有嘢學,快啲睇吓有咩活動啱你啦!

「築月2021」玩足成個11月!

環保、低碳、可持續發展呢啲議題聽落好嚴肅,但原來都可以好貼近生活!由建造業議會舉辦嘅「築月2021」就以「0碳 · 建」為主題,喺建造業零碳天地舉辦一連串動靜兼備嘅活動,更結合業界、社區同大家一齊探索、認識、實踐低碳旅程!

11月親子活動 1) 「築動低碳樂園」帶小朋友放電!

講到「築月2021」最正嘅活動非「築動低碳樂園」莫屬!香港建造學院嘅林師傅帶領學生團隊用回收返嚟嘅廢木轉廢為材,從原條木頭開切打磨,喺建造業零碳天地嘅大草地打造兒童積木樂園,小朋友可以喺高高低低嘅平衡木穿梭,既係佢地嘅放電天堂,又可以加強佢哋環保意識,一舉兩得!10月31日至11月30日你都可以帶埋小朋友嚟玩,千祈唔好錯過!

親子活動玩,11月,市集,工作坊,積木樂園,低碳生活,築月2021,零碳天地
香港建造學院嘅林師傅帶領學生團隊製作出多件巨型小積木,相當醒目!亦特別鳴謝團隊從原條木頭開切打磨,展現木工嘅細緻用心,同對木材嘅珍惜愛護。

今次「築動低碳樂園」所用嘅材料都係由香港建造學院及環保組織「綠惜再生計劃」攜手合作打造。利用本地嘅園林廢料,包括草碎、枯枝、木頭等「升級再造」,再利用木工嘅匠心獨運,重新賦予新生命,大家喺休閒玩樂嘅同時,亦可以體驗到建造業同城市嘅可持續發展。

11月親子活動 2) 「零碳小勇士」學校計劃 建立減碳意識

除咗可以去「築動低碳樂園」放電外,建造業零碳天地亦啟動咗「零碳小勇士」學校計劃,佈置咗一系列嘅互動話劇、導賞團、故事坊、綠色工作坊等減碳活動畀中小學士挑戰。希望每位零碳小勇士可以以身作則,帶動屋企人同朋友仔一齊減少碳足跡!

立即報名成為「零碳小勇士」:https://bit.ly/3ASisjE

親子活動玩,11月,市集,工作坊,積木樂園,低碳生活,築月2021,零碳天地

挑戰成功嘅學生們更可獲計劃証書及獎勵襟章,成為零碳小勇士!

11月親子活動 3) 建「築」故事坊 同CEO互動交流

講得動靜兼備,除咗放電嘅活動,當然仲有坐定定學習嘅環節。建「築」故事坊就最啱文靜嘅小朋友!多位建築界嘅CEO會小朋友分享有關建築嘅小故事,同推薦唔同種類嘅書籍以互動交流,令閱讀變得更有趣活潑。

立即報名參加:https://bit.ly/2Z6qmsn

親子活動玩,11月,市集,工作坊,積木樂園,低碳生活,築月2021,零碳天地

建「築」故事坊以輕鬆同開心嘅方式將建築同環保訊息傳遞畀小朋友。

11月親子活動 4) 「樂在零碳」綠色市集 以物易物唔浪費

「築月2021」唔止有畀小朋友參加嘅活動,大人們一樣可以參與。11月27同28號將會喺建造業零碳天地舉行「樂在零碳」綠色市集,大家可用以物易物嘅方式,交換乾淨嘅舊衫、舊玩具等可再用嘅物品,既唔需要浪費,又可以換取想要嘅物品,一舉兩得!

親子活動玩,11月,市集,工作坊,積木樂園,低碳生活,築月2021,零碳天地

綠色市集畀機會大家斷捨離之餘,更可藉此機會反省平日嘅消費模式,鼓勵大家喺生活中實踐環保減廢、重用、回收文化。
親子活動玩,11月,市集,工作坊,積木樂園,低碳生活,築月2021,零碳天地

此外,11月19日至21日將舉辦Pinkoi Design Fest實體市集,搜羅超過100個精選品牌的特色設計產品,為大家帶無現金交易嘅環保購物體驗。

11月親子活動 5) 建造綠色工作坊 大人細路都啱玩!

要從生活開始改變,除咗以物易物代替購買,不妨試吓用日常生活嘅廢料改造成有用嘅小物。而家就有一系列嘅建造綠色工作坊開始網上報名。不但可以用咖啡渣製作咖啡渣晴天娃娃,作除臭劑、吸濕劑之用,又可以用水管自製升級建造水管燈。過吓手癮之餘仲將成品可帶返屋企或者送畀親友㖭!

立即報名參加:https://bit.ly/2XMI0RO

親子活動玩,11月,市集,工作坊,積木樂園,低碳生活,築月2021,零碳天地

提起咖啡渣,除咗用嚟施肥仲可以造成晴天娃娃,掛起有放晴祝福之外,又可以作除臭劑、吸濕劑之用!
親子活動玩,11月,市集,工作坊,積木樂園,低碳生活,築月2021,零碳天地

除咗坐定定做手作,仲有排毒淨化瑜珈同徒手健身入門,幫你個身體排排毒!

年尾又係時候換走枱上嘅月曆!今年嘅「築動力量」慈善月曆就由建造業業界嘅型男索女做模特兒,望住佢哋健美嘅身形做嘢一定特別醒神!月曆每本定價 HK$68,所有收益扣除印刷成本將全數用以支持「建造業魯班飯行動」,派「魯班飯」比弱勢社群。快啲買返本看門口啦!月曆預訂連結:https://bit.ly/3kqvEpQ

​​更多「築月2021」精彩活動詳情可到http://cic.hk/chi/main/construction_month2021瀏覽!

(Presented by 零碳天地)