豪華餅店崩壞生日蛋糕 被翻舊帳！超頹「多啦A夢」造型變晒樣 ｜飲食熱話
廣告
豪華餅店崩壞生日蛋糕被網民舊事重提！戲劇性翻生的九龍城豪華餅店成為久無新鮮的飲食界風頭躉，一眾排隊緬懷過去的粉絲只要耐心等到下年，就有得再吃到豪華的港式麵包及懷舊糕點。人紅自然是非多，有網友在討論區上翻豪華的舊帳，指上年有網民在餅店預訂蛋糕，要求整餅師傅遵照紙上手繪叮噹臨摹，做出「傳統嘅生日蛋糕上面要有核突公仔嘅」的蛋糕，事主當日取蛋糕後超愕然，只見蛋糕上事主友人手繪所畫的「頹版多啦A夢」剪紙，看起來有如叮噹的車頭相，加上肉酸的生日字體，蛋糕崩壞程度教人哭笑不得！
豪華餅店超頹生日蛋糕 被翻舊帳！崩壞「多啦A夢」出現了
近日有網友在Facebook的「Hk、Uk 花生post」討論區上附圖發帖，重貼於2021年在網上掀起過熱話的豪華超頹生日蛋糕的帖文，事件源於有名網民在生日前向女朋友要求「我想要個傳統嘅生日蛋糕上面要有核突公仔嘅（一定要係畫得唔似嘅公仔）」，於是女朋友就請同事在紙上頹畫了一隻多啦A夢，還千叮萬囑不要畫得太似。畫好後便拿著圖片到九龍城豪華餅店預訂蛋糕，店員亦拍晒心口應承「咁簡單，OK 啦無問題！」
等到生日當更天他們滿心期待「頹版多啦A夢蛋糕」最後的成品，料不到取貨當下店員表示「我哋驚畫得唔似，所以剪出嚟擺落去。」事主只見忌廉蛋糕上那張由女友同事所畫的「頹版多啦A夢」紙張被剪成證件相大細，置頂擺放，猶如車頭相！「而多啦A夢旁邊有2個朱古力筆畫上的小心心，前面則有壽星公姓名與『生日快樂』4個字，不過不止字體肉酸，更歪向左邊」眾人只好笑中有淚地接受這個崩壞生日蛋糕的大驚喜。
健吾指豪華執笠有原因：又貴又好Q難食
不止討論區翻舊帳，就專欄作家健吾就曾在Facebook發文指豪華餅店「執笠係有原因㗎啵」，跟討論區貼上同一則崩壞蛋糕的原帖，指「九龍城間餅鋪，執笠係有原因㗎啵。 食完啲咁嘅嘢仲要跑步減肥，真係你食埋我果份。」並於另一帖文批評「如果你好食，我日日去食啦。你就係又貴又好Q難食，剩係有夠長命活得耐，仲有而家d人唔係用條脷食嘢係用ig食嘢，先有人懷念下你咋。」引來不少網友留言：「「超出咗我對生日蛋糕同埋人類包容能力的想像」 、 「嘩！呢個整餅師好大膽創新咁將食得嘅嘢同唔食得嘅嘢擺埋一齊，呢個組合真係無得頂！」
網民為何翻豪華餅店舊帳？
皆因上年有網民在餅店預訂蛋糕，要求師傅遵照紙上手繪「多啦A夢」臨摹，事主當日取蛋糕後超愕然，詳情按此。
豪華餅店的生日蛋糕，還以甚麼聞名？
豪華餅店生日蛋糕上的字體，同樣受網民熱烈討論，詳情按此。
關鍵詞
飲食熱話
圖片來源：Facebook@「Hk、Uk 花生post」、Facebook@健吾、Facebook@Facebook@Fish Lai、Facebook@豪華餅店 hoover cake shop、新假期編輯部
