K Kwong中招 親身分享隔離營飯盒照片~指某類餐點好食過MK茶記｜飲食熱話

K Kwong中招 分享隔離營飯盒照片 讚清真餐好味過MK茶記

隔離營內膳食質素一向被人詬病，入住者雖然可以用揀素食、清真餐等不同的餐點，但食物水準參差，令人倒胃口到不想進食，故被網民揶揄為入「減肥營」。K Kwong在入住竹篙灣隔離後，每日都會上載營內的膳食圖片，看圖發現他有不少飯盒都食剩一大半，當中他有提及自己好後悔無帶「罐頭」、「腸仔」，對未能吃完的餐深感抱歉：「我知農夫好辛苦，Sorry」，唯獨日前出帖公開稱讚「清真餐」，令他「終於有啲有質素嘢食」，並表示「MK茶記50蚊都食唔到咁好味」。

不少入住過隔離營的網民即表示「印度餐比中餐易入口」，文中不少網民都給予正評：「清真有保証」、「印度餐係全營最好食嘅！不過通常order 10餐，只得3幾餐派到你想要的 ，其餘都係比人轉晒或隨機派 （因為太搶手唔夠派）」，更有網民更指自己「俾個讚依款竹篙晚餐，第四日見一條線，之後幾日都咖喱一番」。當中也有不少網民表示雖然清真餐質素不錯，但始終食不慣，怪不得K Kwong對翌日的清真餐無胃口，只吃了少量就放棄，並就食剩食物而對農夫公開道歉，有網民見狀即指「係煮的廚師點對得住農夫」、「只係食餸，食咁少，一定減到肥」。

二合一刀叉考起K Kwong 擺明用錯方法加熱

隔離營光怪陸離事件常發生，見怪不怪，K Kwong有朝接過飯盒，即被二合一刀叉考起，以為「係乜嘢大陸嘅新產品」，但原來刀叉是用錯了「再加熱方式」，令到刀叉在「高溫下PS膠黐埋一舊」 ，不少住過隔離營的網民都建議自備餐具，食得安心又環保。