港男大呻買衫選擇少：「唔係UNIQLO就係GU！」網民唔撐：明明好多牌子揀！

港男生存香港被逼成為毒L？網民斥：買件衫都係地獄mode！

近日有網民以「香港男人連想買件衫都係地獄mode…」為題在連登討論區上開post，他提及自己去完泰國以及韓國旅行，發現商場以及街邊的市場都不會只是清一色賣女裝，而大多數都是男女裝比例各佔半，又指當地的服務「又靚又平」，絕對擁有十分高的性價比。

香港商場清一色女裝?

事主提到香港唔少商場都係「清一色得女裝」，而男裝的售賣點因為太少的原因，被逼淨係可以購入GU或者是UNIQLO的「公廁衫」，他直言「迫人做毒L」。除了GU及UNIQLO，他就指港男另一個買衫途徑就是IG Shop，不過其服飾多數價格較高，並且冇得試穿。而且因為Oversize的關係，很多衣服係恰身高較矮的男性。

有得買但太「MK」！？

有網民都認同事主的講法，認為香港唔少大牌子的buyer入款都係以女裝為主，直言「男裝少得嚟又少款少色」，又指就連GU同UNIQLO這類大型連鎖店由以往的男女裝佔一半，變到女裝比男裝更多。亦有人直言「香港買靚男裝又要有得試會比人當水魚」，認為女裝可以又平又靚，但男裝要買得靚同質素高，價錢要高出不少。網民提及其實有不少男裝可以選擇，只是款式太過「MK」，所以根本就不入流，港男要買到一件啱自己心水的衣服，的確唔係太易。

網民反駁：有市場又點會冇人做

不過都有網民認為「有市場又點會冇人做」，直言香港唔少男性對比港女更少行街買衫，所以市場上通常都會較多女裝。有網民就話事主「淨係識U記GU」，見識太淺窄。不少網民認為基於事主的見識淺窄，所以先唔識得搵男裝買，又數出幾間知名的大型Buyer Shop以及運動品牌，直插事主係個「毒L」。

Bossini、Baleno呢幾間仲好！

一眾網民都反對事主的意見，認為是他自己沒有細心留意過其他品牌，網民更同時舉出多個男裝品牌，包括Baleno、Bossini、H&M、ZARA，指出其實市面上都有好多男裝選擇，只是事主自己懶！網民更力推Baleno打底衫超好著，更指保暖程度好過UNIQLOheattech。

原文刊於：新Monday