NETFLIX
NETFLIX

Netflix 7部好睇聖誕電影:奇幻笑片、合家歡、愛情輕鬆小品!Vanessa Anne Hudgens一人分飾三角扮公主|好生活百科

熱話

廣告

聖誕長假即將嚟到,睇Netflix或者係一家大細、同朋友聚會或者自己一個嘅時候會做嘅環節。喺芸芸幾千套Netflix電影中要揀一套聖誕啱睇或者好浪費時間,仲睇《Home Alone》呢類經典舊戲?精選7套最新Netflix必看聖誕電影,跟住清單揀一定夠應節!

撰文:熙燈喱|圖片:Netflix

Netflix必看7套聖誕電影

1. 《聖誕大件事2》

最新上架!一套聖誕必睇合家歡奇幻喜劇Netflix電影,由動畫同真人共同演出,講述聖誕老人點樣同小朋友一齊去拯救要被壞人破壞嘅聖誕節,當中有唔少可愛聖誕小精靈出現,《聖誕大件事》系列仲係由《Home Alone》嘅導演執導,今個聖誕全家大細就最啱睇!

Netflix 由動畫同真人結合,所有情景都非常精彩!
由動畫同真人結合,所有情景都非常精彩!(圖片來源:Netflix《聖誕大件事2》預告)
Netflix 小精靈佔嘅戲份都唔少!
小精靈佔嘅戲份都唔少!(圖片來源:Netflix《聖誕大件事2》預告)

即睇:聖誕大件事 2

2.《聖誕男孩》

《聖誕男孩》呢套戲,為大家重新塑造了聖誕節出現嘅原因!故事係講述未有聖誕節嘅時代,小男孩尼古拉斯同佢嘅小同伴老鼠點樣搵到精靈王國,而當中又將精靈嘅世界同人類世界連結,刺激嘅冒險情節為呢套戲加添不一樣嘅緊張感!

Netflix 原來聖誕節係因為 Nikolas 而出現?
原來聖誕節係因為 Nikolas 而出現?(圖片來源:Netflix《聖誕男孩》預告)

即睇:聖誕男孩

3. 《節日限定之戀》

情侶佳節喜劇電影!個個人都唔想女主角絲隆一個人過聖誕,所以佢就搵咗傑克森做佢嘅節日限定情人,以免繼續被屋企人因為無拍拖而煩擾!佢哋一樣不屑過節,又確定自己唔會愛上對方,當中發生咗一系列爆笑又窩心嘅小故事,最終兩個人又會唔會由節日情人變真情人呢?

Netflix 反而女主角阿媽每年都有一個節日情人!
反而女主角阿媽每年都有一個節日情人!(圖片來源:Netflix《節日限定之戀》預告)
Netflix 男主角一樣受到屋企人不停壓迫!
男主角一樣受到屋企人不停壓迫!(圖片來源:Netflix《節日限定之戀》預告)

即睇:節日限定之戀

4. 《兜亂公主闖情關3:浪漫星辰》

呢套Netflix電影已經出到第三集,雖然話係一套聖誕電影,但去到第3集,變到更似一套喜劇動作片,皆因今集就講佢哋要搵返被人偷咗嘅寶物,。由Vanessa Anne Hudgens 一人分飾三角,角色大兜亂但形象非常鮮明,個個公主性格唔同,值得大家聖誕一睇!

Netflix 一人分飾三角絕對唔簡單!
一人分飾三角絕對唔簡單!(圖片來源:Netflix《兜亂公主闖情關3:浪漫星辰》預告)

即睇:兜亂公主闖情關3:浪漫星辰

5.《克勞斯:聖誕節的秘密》

由西班牙動畫公司製作,初初喺 Netflix 上映已經有 3,000 萬播放率,動畫做得精緻細膩,故事唔只小朋友啱睇,大人都會深深被打動!故事係講郵差 Jesper 被流放去一間無人寄信嘅小鎮,但被罰要一年派 6,000 封信,恩緣際會下識咗木匠克勞斯,為成個小鎮帶嚟不一樣改變!

Netflix 全套動畫做到非常細緻!
全套動畫做到非常細緻!(圖片來源:Netflix《克勞斯:聖誕節的秘密》劇照)

即睇:克勞斯:聖誕節的秘密

6.《聖誕王子》

聖誕王子已經去到第三季,今次就講皇家 BB 即將要出世!安柏及理查招待嚟自遠方嘅皇室成員,延續平安夜前簽署古老停戰協定,但係文物不翼而飛,和平局勢危在旦夕,同時一個詛咒都威脅著即將出世嘅皇家 BB 。

Netflix 即將出世嘅 BB 唔知會遇到咩詛咒?
即將出世嘅 BB 唔知會遇到咩詛咒?(圖片來源:Netflix《聖誕王子》劇照)
Netflix 皇宮場景非常華麗!
皇宮場景非常華麗!(圖片來源:Netflix《聖誕王子》劇照)

即睇:聖誕王子

7. 《大衛的魔法聖誕》

Netflix波蘭電影大衛的魔法聖誕重新講起聖誕時互助互愛嘅精神,由小精靈遇上11歲男孩艾伯特嘅故事開始,非常溫暖,又充滿聖誕氣氛!

Netflix 同樣係小精靈嘅故事!
同樣係小精靈嘅故事!(圖片來源:《大衛的魔法聖誕》劇照)

即睇:大衛的魔法聖誕

經典聖誕電影Home Alone(寶貝智多星),好可惜今年無得在Netflix上睇!

Netflix
(圖片來源:《Home Alone》劇照)

最新吃喝玩樂資訊