MIRROR壓軸演出西九音樂節 入場市民轟鏡粉3宗罪：成世人睇過最災難嘅垃圾！

MIRROR壓軸演出西九音樂節
入場市民轟鏡粉3宗罪：成世人睇過最災難嘅垃圾！

1.粉絲出面傾偈唔入場 場內超多空位

該網民形容昨晚的西九音樂節「係我成世人睇過最災難嘅垃圾」，因MIRROR人氣成員姜濤與盧瀚霆壓軸出場，由其他歌手率先表演，但鏡粉見偶像未出場，都走到場外聊天，導致現場出現大量空位，該網民稱「比較早場嘅環節，場地一步之遙嘅海濱長廊嘅人直頭多過場內嘅人，而吊詭的是，呢一班人顯然係有購票嘅觀眾（全部著曬香港新世代偶像嘅衫/拎住公仔）。呢班人寧願喺出面Chit Chat（閒聊）都冇打算過入去睇artist嘅演出。結果成件事淪為新一代神功戲。」

有唱作人拍下前排空凳位置，場面冷清。有網友指「有鏡嘅show，根本唔應該再搵其他歌手，鏡粉搶晒啲飛但完全唔識尊重，真係冇見過外國嘅music festival會係咁肉酸」。

2. 應援物阻塞通道

另外，該網民亦不滿鏡粉將應援物擺在草地上予其他人拍照影相，稱「以為係教主音樂節」，認為鏡粉行為有欠尊重。有網友將帖文轉載到討論區，引起熱烈討論，紛紛斥鏡粉行為失禮，指早前MIRROR與世界級DJ Alan Walker合作演出時已有類似情況「成班fans令人哋成個區空咗」、有網友稱「成日話人盲反， 有冇諗過其他人點解咁憎佢地。表演差只係其一，更多嘅係成班fans行為幾咁失禮」。

3.姜糖見姜濤表演完就拉隊走人

有網民指當是一眾神徙見到自己的偶像表演完畢，便打算離去，但由於人數眾多，行走需時，一度阻住後排觀眾看表演。

網民：粉絲無義務幫主辦單位充撐場面

不過亦有人認為鏡粉無義務幫主辦單位充撐場面，稱「佢哋R到sponsor嘅原因多少係因為請到鏡仔，如果唔係邊可能用到西九個場」，「鍾意就入場睇，唔鍾意但入場睇」、「歌迷整應援比大家玩幫自己歌手應援宣傳又有罪？唔去X bp bts個啲？」、「其實出面海濱好多人都係無買飛」。