網傳BABY MIRROR限定店職員後台擅開卡套 MOOV IG急澄清｜網絡熱話
廣告
最近BABY MIRROR在時代廣場開設POP-UP STORE，售賣迷你版的MIRROR成員周邊產品。不過近日網上瘋傳一條影片，片中見到有職員在後台不停拆開卡套包裝，有粉絲不滿職員做法，覺得職員揀卡仔行為有欠公平。
官方聲稱卡套是隨機贈送
BABY MIRROR POP-UP STORE其中售賣一款卡套連小卡，官方聲稱卡套是隨機贈送，不過網上流傳影片，拍到一名職員不停拆開卡套包裝，其間該名職員一邊拆卡，一邊與其他職員聊天，有粉絲不滿，覺得職員想私下取得心水鏡仔的卡套。
職員後台擅開卡套
影片在網上瘋傳，有網民在MOOV的IG留言，指責職員的行為對其他粉絲不公平，MOOV亦在IG澄清，表示明白大家對事件的緊張及不滿，經查證後職員是因收到一名粉絲查詢，指打開卡套後經發現裡面只有卡套沒有小卡，並希望可以取回小卡。職員其後才會在已經隨機混裝的大箱內卡套中找出同一套的小卡換給粉絲。
MOOV強調本店職員不可購買貨品
MOOV再次強調，所有BABY MIRRO卡套都是隨機派發，「本店職員離場前必須讓店舖主管檢查所有隨身行裝方可離場，同時所有本店職員均不可購買本店貨品，所以不存在本店職員可自行揀選或保留貨品作個人購買用途之用」。
網民：你哋作故仔都作個好啲啦
不過大量粉絲不滿職員做法，亦有網民覺得一張卡仔都做唔到公平，「個故仔真係好假，即係拆幾十張先搵到，再派開晒口的卡套俾人？當時個主管有無望住呀」、「你哋作故仔都作個好啲啦！唔該」、「如果有fans包嘢小咗張卡，你換過一包新嘅比佢咪得，洗唔洗每包都開下佢呀？ 你地係咪老作」。
MIRROR成員特地夜遊時代廣場
MIRROR昨晚擔任「香港電影金像獎」表演嘉賓後，見到有部份MIRROR成員特地過海夜遊時代廣場，片中見到商場已經沒人，相信他們等到商場關門再由職員陪同下參觀。
圖片來源：IG@moov_music、IG@ansonlht、IG@keung_show、Facebook@我老婆嫁左比Mirror導致婚姻破裂關注組
