HEATTECH毛毯全城瘋搶！Uniqlo再度補貨＋限定3日優惠 話題保暖毛毯敗筆竟然係⋯⋯｜網絡熱話

撰文：GW ｜來源：UNIQLO、IG、Twitter、ROCKET NEWS24

UNIQLOHeattech毛毯
上架不久即被瘋搶

Heattech系列向來都是UNIQLO的王牌產品，當中的保暖T恤、保暖緊身褲更深受大眾的喜愛，而除了服飾外，去年UNIQLO還新推出Heattech毛毯，與Heattech系列一樣，由高科技極細纖維製成，能將身體釋出的濕氣轉化為熱能，有效鎖住溫暖的空氣，達到極佳的保暖成效。

毛毯有單人和雙人版，採用毛絨布料，觸感舒適柔軟，摸上去非常舒服，而且材質輕巧，方便攜帶。不少網民更表示因為毛毯太舒服、太溫暖，導致第二天完全不想起床，無法離開被窩！毛毯一推出便引起大家熱烈討論，上年上市不久更已搶購一空。

11/12-13/12 3天限定優惠
HEATTECH 毛毯減價！

早前香港Uniqlo買Heattech毛毯一直企硬原價唔肯減，但 Uniqlo 終於要在 12月11-13日推出限定3日的網購優惠，原價$399的單人毛毯將減到$299，而大熱的雙人毛毯更由$499減到$399，一共有三色可選，有灰色、淺啡和深啡色，全港門市及網店都有減價，心思思想買的話嚟緊3日入手準備暖笠笠過冬！

更多詳情可到Uniqlo官網查看

部份日本用家
於商品留言區留下1星評價

雖然不少人大讚好保暖，但同時亦有為數不少的日本網民投訴，而原因都同出一轍，就是「毛玉大量發生」的問題，即是起毛粒，搞到成屋都係，超麻煩！

仲有其他用家嬲爆表示，毛毯除了起毛粒仲會「甩毛」，起初用落無問題，但後來甩到成屋都係毛，睡衣、寢具等全部都係毛，日日都要清潔屋企，仲超難清理！想買嘅朋友可以參考吓再決定買唔買！

（點擊上圖向右滑，即睇更多圖片！）即睇更多：冬天9招保暖急救大法：正確著衫＋貼暖包＋蓋被方法/ 揀羽絨＋保暖內衣貼士｜好生活百科