怒摑
怒摑

餵食蛋糕開玩笑突然縮手 新郎怒摑新娘致向後跌

熱話

廣告

結婚係一世人最開心嘅事,大家當然想當日高高興興去慶祝啦!不過近日就有影片見到結婚當日新郎哥怒摑新娘,新娘當場呆晒,咩事要搞到咁啊?

撰文:Evita |圖片:YouTube截圖

餵食蛋糕開玩笑 新郎怒摑新娘

結婚係一件浪漫嘅事,近期就有一條喺烏茲別克拍攝嘅影片被上傳到YouTube。影片中見到新郎拎起蛋糕餵新娘,不過新娘嘴細細,蛋糕都未塞晒入口新郎就趕唔切縮手。

新娘食完就梗係到新郎啦,新娘子拎起蛋糕餵新郎食時,諗住開個玩笑,趁新郎想食時就突然縮手,點知就係激嬲新郎哥!新郎用力掌摑新娘塊臉,力度大到令新娘向後跌。

新郎摑完新娘之後仲要怒睥,身邊親友驚訝之餘即刻拉開新郎,而女方就用手摸住塊臉。

網民就話新郎認真大男人、又有人話新娘終於知道佢係咩人,應該即場悔婚,以免日後發生家暴!不過都有人話新郎似係逼婚多啲,唔講咁多,睇片先!

最新吃喝玩樂資訊