試身專用面罩｜日本/外國服裝店提供神秘頭套！好處多獲網友大讚｜玩樂熱話
廣告
試身室專用面罩在外國的服裝店通常都會見到，不過有些人不懂得面罩的用法，亦有人嫌麻煩不用。有網民指責化全妝的女士，試白色衫但不用專用面罩而弄髒衣服，亦有港女指外國一早已經用面罩試衫，狠批香港太過時。
Twitter瘋傳試身室專用面罩
最近Twitter瘋傳試身室專用面罩，讓有化妝的女士試身時可套在頭上，避免化妝品沾到衣物上。不過即使服裝店有面罩提供，亦有不少化全妝的女士，試白色衫時沒有用面罩而弄髒衣服，而導致該新衣服報銷，不能出售或要額外花錢清潔。
網民經歷：有個客死都唔肯用
有網民指曾經遇過一個客人，「佢死都唔肯用，跟住唇膏揩到件衫，換完喺更衣室直接行出來走咗，追都追唔切」、「呢啲人好唔得，明知自己搽晒唇膏化哂妝，整污糟又唔肯賠就跟返人規矩啦」、「大把啦，以前做sales時比晒啲face cover啲女客，解釋埋點用，最終都係冇用到仲要搞到啲衫一係就粉底或唇膏」。
網民：唔用唔比試啦
有網民指如果店裏提供面罩應該要用，「係應該要用，試姐唔代表一定買，整污糟大家都麻煩」、「唔用唔比試啦」、「大家都知，但好多人試衫一啲都唔鏡錫啲未俾錢嘅衫，整污糟就走咗去」，不過亦有很多人不清楚面罩的用法，「好多人未必知，有啲就算知都未必用」。
港女指責香港太outdate
有網民指外國一早已經有試身室專用面罩用，已經不是甚麼新事物，只是香港太過時，很多服裝店都沒有面罩提供，「好多年前韓國已經有」，有網民反駁其實好多年前香港都已經有試衫面罩，「好多試身室內都有條絲巾，但好多人都唔用，因為唔知前面乜人用過條巾，如果轉一次性頭套會好啲」、「香港有啲都有，因為白tee成日比人試到個領出晒事，但班人都唔用，仲要問點用」、「試完見到冇用過放咗喺度」。
圖片來源：[email protected]、[email protected]_、[email protected]_hushimi、淘寶@不織布商貿店、[email protected]
