港女租露營場事後千字文列3大投訴 同場營友＋義工現身反證：你先係西客！
廣告
到付費營地露營Glamping成為近年香港興起活動之一，無論環境保養及設施配套都比免費郊外營地方便。最近有人在露營專頁投訴其中一個付費營地，並分入營時間，場地設施以及場主態度三點狂數，點知同日入營的同埸營友和當日義工都在留言區作證，並講述當晚個人所見所聞，樓主由一開始強硬不滿到後來態度軟化，引來網友熱烈討論。
港女租露營場列入營時間、場地設施、場主態度3大投訴
這位網民日前在「香港人露營分享谷」群組中發文，表示因為想為家人慶祝生日，於是提早4個月包場租用露營場地，點知「玩到一肚氣」。首先場地守則中雖然寫明7點前入營，但樓主付款時確認可延遲到8點，點知當日發覺時間一到7點，場地便會上鎖不准出入，導致不打算過夜的親友都不能參加。
另外樓主本想租用燒烤爐，包場情況下本以為萬無一失，但入營前一個月才收到回覆表示為避免鼠患營地已停止租用燒烤爐服務，最後「連個爐都要勁趕急自己買自己搬去」，再加上營地員工似乎非常吝嗇提供蚊香，令樓主覺得自己好似乞兒。
最後樓主投訴營地員工好似「小學Prefect」，露營期間會不斷被「擇名」，例如有朋友忘記關水喉，「係咁俾佢話」；沖涼去水位淤塞，竟然要客人幫忙一同處理，最誇張的是因為慶祝生日，「我哋玩夜左，又飲咗啲酒」， 員工到場提醒各位安靜噪音問題是雙方便起了爭執，更表示場主「搵咗幾個朋友一齊兇我哋報警，啲態度真係差到癲咗」！
同場營友＋義工現身反證：你先係西客！
本來網民留言有撐有彈，但想不到原來樓主第一晚並沒有包場，同埸營友出現指證，表示與樓主相隔兩邊都聽到對方「嘈到拆天」，所謂「玩夜咗」原來是嘈吵到凌晨四點才靜下來。而被稱作「Prefect」的在場義工亦出面回應，除了感激客人幫忙通渠及致歉外，大爆原來場主回來本想視察通渠情況， 但見在場客人比較嘈吵，本想善意提醒，但卻立即遭到對方粗口謾罵，期間甚至有人動手襲擊場主，場主見情況失控才會提出或需報警處理，並非樓主所指的以報警恐嚇。
資料連結：香港人露營分享谷
發生什麼事？
網民投訴其中一收費營地無論場地出入、設施租用及場主態度都非常不合格…詳情
網民有什麼反應？
意想不到在場營友和員工都出面指證對方的西客行為…詳情
撰文：KW圖片來源： FB@香港人露營分享谷, TVB《愛回家之開心速遞》
