二手電視｜港女$500向移民賣家買65吋4K電視！第二日結局悲慘｜玩樂熱話

Q: 女網民在二手買賣執到什麼荀貨？

一名港女在網上討論區分享自己以$500購入高質電視機，但第二日即... 詳情

Sep 30 2022

近年潮流興起「斷捨離」，連帶起二手買賣平台亦如雨後春筍，響應環保之餘亦有機會「執筍貨」。近日有網民於討論區分享她在二手交易平台，以$500購入一部原價3萬元的65吋大電視，正為了可以享受高質畫面興奮之時卻被疏忽外傭一晚後「屈爛」了電視，正盤算應否扣除外傭人工作賠償，郤被其他網民極力勸阻！

港女$500購入二手電視外傭一夜整爛以原價扣人工？

該名女網民日前於親子王國討論區發文，指自己以超低價買到一部原價3萬元以上，半年前購入的二手大電視，全因賣家翌日早上九時便要趕飛機離開香港，所以如果買家願意接載對方到機場，便可以「超筍價」$500交易，樓主仲指出對方「好好人，落車仲畀咗200元我」，實行半賣半送，電視機實際交易價錢為港幣$300。

第二日即被工人姐姐整壞！

以原價不及2%購入65吋OLED電視，樓主表現相當興奮，大讚「4K畫面超靚」之際，突然第二日對事件作出更新，表示外傭不小心把電視機弄壞了「畀個工人屈爛咗，『啪』一聲，咁就鎅咗個角出來」的噩耗，簡直是「一夜之間，來回天堂又折返地獄」，並表示「唔知可不可喺佢人工扣，佢唔知500買返來」，工人姐姐亦嚇得「喊咁口話賠返一個月人工畀我，佢知道㗎電視好貴」。

網民：佢唔續約仲貴！

其他網民得知壞消息後除了表示惋惜，但亦理性表示二手電視只用$500購入，無需太過肉赤，同時亦對工人姐姐感到同情，表示「你何必嚇佢！」，更有網民提醒樓主，僱傭條例列明若雇主對傭工要求為損毁作出賠償，每次只可以$300為限，更何況若果為今次事件而嚇得外傭拒絕續約，需要重新聘用另一位工人姐姐，機票加上代理費用一定更加昂貴，無需因為一時意氣用事而付上沉重代價！