街坊實測長沙灣港鐵站氣溫 最高達31.8°C！網民：差啲焗暈｜網絡熱話

長沙灣站最高溫有31.8°C

最近有網民在Facebook「長沙灣街坊」發文，事主上載了在長沙灣站不同的月台、出口測量溫度的照片，溫度介乎26至31度，最高溫有31.8°C，車廂內亦見到26.4°C。事主更表示會影多一星期相，之後再找地鐵代表，希望地鐵站太焗的問題可以得以改善。

街坊覺得長沙灣站內溫度不止31度

有長沙灣街坊覺得上下班時間人流勁多，相信地鐵站內的溫度不止31度，「30幾度都冇先風焗到嘔」、「上年都有開大啲風機，今年好似開得好細」、「唔係開細咗係直頭冇風」、「日日返工行條走廊熱到出汗」、「早上企月台等車會係咁出汗」。

術坊表示：一講到長沙灣地鐵站都難呼吸！

有網民覺得長沙灣地鐵站多個出口都好焗，「嗰條A出口走廊，堅焗」、「係真，得長沙灣站咁焗，又冇人理」、「剩係條往C2出口嘅通道，啲風機開咁細已經係有問題啦」、「真係好鬼熱，一講到地鐵站都難呼吸」、「我一直都同我女朋友講，長沙灣係全港最熱嘅地鐵站」。

網民：人多同人少爭好遠

有議員表示已經與港鐵負責人聯絡中，商討有何改善措施可以做，有網民表示希望《東張西望》可以代為報道事件，盡快解決地鐵太焗的問題。不過有網民覺得「其實唔係睇温度，當車廂内太多人，體溫都會上升，人逼人呼吸空氣都好似很困難，點解啲人成日要睇溫度呢，人多同人少爭好遠」。

網民：呢個站先係全港最熱！

另外亦有網民於香港討論區開post討論「地鐵最熱係邊個站？」，有網民就指是露天範圍的地鐵站，如觀塘、牛頭角、九龍灣、九龍塘東鐵部分、旺角東月台、柴灣等，其他人表示深水埗站、荔景轉迪士尼綫部分等亦同樣都熱和焗。

資料來源：Facebook@長沙灣街坊