過時過節
過時過節

過時過節|優先場上映半小時售罄 劇情4大必睇理由+預告率先睇

熱話

廣告

過時過節|由老牌演員毛舜筠、謝君豪及人氣偶像組合mirror兩位成員Edan、Anson Lo出演的新片《過時·過節》 優先場近千張門票半小時内即售罄!而呢部電影將於11月24日正式上映,即睇睇《過時·過節》 咁受香港市民歡迎嘅秘密啦!

過時過節|優先場上映半小時售罄 劇情4大必睇理由+預告率先睇

新片《過時·過節》由新銳導演曾慶宏執導,內容以親情為主軸,講述八年前一場「混亂冬至飯局」發生後,串連出事件之中各個家庭成員,從不同的角度引發出的矛盾,而眾人為一頓齊齊整整嘅冬至飯傷盡腦筋。

  1. 四大必睇原因!
  2. 演員吐露心聲!
  3. 正場加送電影海報
  4. 《過時·過節》預告線上看

過時過節|4大必睇原因!

過時過節|1. 衝出香港 成功獲得獲國際認可

本電影除了獲選為第27屆釜山國際電影節「亞洲電影之窗」參展電影,並於10月初於當地舉行世界首映外,亦都被獲選為第59屆金馬國際影展「華語映像」之參展電影。電影質素可見一斑係近年來難得可以衝出國際嘅港產片之一!

過時過節
(圖片來源:Facebook @ 過時·過節 Hong Kong Family)

過時過節|2. 劇情貼地寫實 引起共鳴

導演曾慶宏表示,《過時‧過節》是香港人的寫照,道盡每一種耐人尋味的家庭關係,他表示:「每個人都會喺電影入面,喺一眾角色身上,搵到自己嘅影子,或者對屋企人嘅投射。」

過時過節
(圖片來源::安樂影片)

過時過節|3.新舊世代演員互相切磋 帶來不一樣的演繹

《過時·過節》除咗有獲獎無數嘅重量級人馬「金馬影帝」謝君豪及、「金像獎影后」毛舜筠加持外,本電影也采用了不少新生代演員包括有:呂爵安、盧瀚霆、談善言、袁澧林等…不禁令人期待稚嫩的新演員將與老戲骨們擦出點樣嘅火花!

過時過節
(圖片來源::安樂影片)

過時過節|4.呂爵安 @ Mirror 首隻個人電影主題曲《攀上天梯的螞蟻》

呂爵安化身鋼琴王子唱出《過時·過節》一家人心聲,而且MV由導演曾慶宏親自操刀,呈現三個時空中Edan不同面貌,歌詞中亦藏住電影入面嘅蛛絲馬跡,令到觀眾睇完電影返屋企後可以有更多嘅想像空間!

過時過節|MV拍攝現場相片

回到目錄

過時過節|演員吐露心聲

毛舜筠:「我真係好鍾意呢部戲

毛姐在早前與導演連線的IG Live難得開口透露《過時·過節》是她愛不釋手的一個劇本:「起初收到劇本時候,已經好喜歡裡面所講嘅嘢,家人之間嘅關係,都好似同我哋每一個人有關。呢部電影入面,爸爸媽媽同仔女之間係好真實,好似發生喺我哋身邊好真實嘅事咁。我相信大家睇完會好有共鳴。

過時過節
(圖片來源:安樂影片)

過時過節|謝君豪哥大讚談善言、袁澧林專業

君豪哥表示談善言和袁澧林在拍攝過程中非常專注,具備盡善盡美嘅精神:「阿談同Angela會專登返嚟睇我哋拍戲,吸收多啲唔同嘅經驗,或者佢哋睇到一啲好同唔好嘅野,都可以去吸收。好似我同阿談兩父女喺車上面嘅對戲,佢會想加插一啲細節,我覺得係相當之好,係一個好有睇法嘅演員。

過時過節
(圖片來源:安樂影片)

過時過節|呂爵安直言角色非常具挑戰性

眾人大談拍攝心路歷程時,Edan坦言:「今次個角色唔係大家熟悉嘅Edan,唔係《男排女將》入面嘅阿臣,唔係《大叔的愛》入面嘅阿田,阿陽呢個角色係一個好深入內在,好多層嘅角色係從影以嚟遇過最困難嘅角色,非常真實,需要很深入去表現內心嘅多重感受。好彩劇組上下,仲有前輩毛姐嘅循循善誘,鼓勵我喺演出上作出不同嘗試,所以能夠參與呢部電影,對自己係一個好大磨練,令我非常期待電影上映。

過時過節
(圖片來源:安樂影片)

過時過節|正場加送電影海報

電影公司為感謝香港人早前於香港亞洲電影節及優先場的鼎力支持,宣佈由11月24日起凡購買《過時.過節》正場戲飛一張嘅觀眾,可獲贈電影海報一張!數量有限,送完即止。鍾意收藏嘅電影迷們記得要把握機會,快快手撲飛啦!

過時過節
(圖片來源:Facebook @ 過時·過節 Hong Kong Family)

回到目錄

《過時·過節》預告線上看:

《過時·過節》/ Hong Kong Family
上映日期 2022年11月24日
主演 毛舜筠、謝君豪、呂爵安、談善言、袁澧林、Anson Lo、馮素波

新片《過時·過節》幾時正式上映?

《過時·過節》將於2022年11月…更多詳情

《過時·過節》劇情講咩?

內容以親情為主軸,講述…更多詳情

撰文:Yuki Lee圖片來源:Facebook @ 過時·過節 Hong Kong Family、安樂影片資料或影片來源:Edko Films Ltd.