迪士尼驚見遊客著暴走鞋園內遊玩！網民：撞到細路／老人家點算！｜玩樂熱話

遊客著暴走鞋喺迪士尼踩Rollar

最近有網民入迪士尼玩，見到有大人穿著暴走鞋在園內遊玩，有網民拍片將事主放上網，大鬧事主罔顧其他遊客的安全。有網民在Facebook「CG-ZONE (Anime Comic Game)討論區」發文指，有顧客穿著違禁的「有輪鞋」於園內遊玩，更差點撞到一家人。事主不但不覺有問題，更拍片放上他自己IG story。

有輪轆的康樂裝置不可攜帶入園

根據香港迪士尼網站的規矩，附有輪轆的康樂裝置，包括但不限於滑板、踏板車、滾軸鞋及裝有滑輪的鞋，都不可攜帶進入樂園，事件在網上瘋傳，迪士尼樂園内部正在討論如何處理事件。

網民擔心著暴走鞋容易發生意外

有網民擔心在樂園裏著暴走鞋有機會撞到其他人，容易發生意外，「好離譜啊，平時小朋友着就冇人出聲，撞到大人點算呀」、「佢哋撞到其他細路，老人家點算」、「不過帶碌鞋成日都有小朋友着，小朋友撞小朋友的機會大啲」、「其實以前係一定要拆轆嘅」、「暴走鞋原來有大人版，少見少見」、「就算著了，但都自律啦，唔該」。

網民：大家以後係咪check bag check埋鞋

有網民指之前有遊客入園著暴走基曾發生意外，多次差點被撞傷，「其實一直都講咗好耐，但啲家長永遠都唔理，發生意外就會怪樂園唔同佢哋講，已經試過發生」，有網民建議入園前除了要檢查袋，亦要檢查鞋，「呢啲有碌鞋都好難肉眼察覺，大家以後係咪check bag check埋鞋」、「建議禁埋小朋友穿者鞋入園，唔係就係年齡歧視」、「其實建議可以同cm講有證據嘅話直接踢佢出樂園」。

資料來源：Facebook@我真係好鍾意迪士尼資訊分享群