港媽狂轟迪士尼樂園被偷BB車賊 官方懶理處理超差！網民教買1樣嘢保平安

港媽怒指入迪士尼樂園一物品經常被偷竊
狂轟官方懶理！

日前一位港媽在Facebook群組「我真係好鍾意迪士尼資訊分享群」上發帖，指自己近日帶同兩位小朋友入園遊玩，在7:00pm時將兩架BB車停泊在遊樂設施 「魔法書房」外的專泊區域，即近入口的位置。但是當7:30pm時，卻發現兩架BB車當中有一架不翼而飛，而她早已於兩架BB車以「專用連接器」連接在一起，換言之發生以上的情況，必定是「嗰個人要分別unlock兩個連接器先做到」，因此不存在認錯車而推走的情況，即使職員要移動兩架BB車，也絕對無需拆開兩架BB車。

港媽在BB車被偷後，先前往樂園報失，樂園方安排保安協助尋找，表示「搵到就搵到，搵唔到就要尋求警方協助」，雖然樂園內有閉路電視，但是卻「無權調動」，因此不能以CCTV翻查偷竊的元凶。港媽提到自己總共損失杏色玫瑰金BB車一架、孖車接駁器兩個、杏色BB車專用袋一個、黑色尿袋連充電線連一件綠色外套和Linabell Stellalou爆谷桶一個，可說是損失慘重。她表示已在昨日（5/2）於網上報警，希望有同樣經歷的大家不要姑息小偷，也提醒大家要帶鎖，保護好個人財物。

網民：內地開關前從未遇過

不少網民看帖後產生共鳴，表示以往也曾經在樂園內遇到同樣的事件，紛紛留言「迪士尼完全放任啲人偷嘅，我11月先被人偷左部yoyo+，就算報警都無曬下文」、「啲cam無權調動，都唔知裝嚟做乜」。然而有網民將情況歸咎於香港與內地通關所致，表示「過去一年入咗園幾十次，周圍泊都無問題」、「開咗關，呢啲被人偷車嘅情況又出現返」、「我無歧視任何人，但我開關前一年入咗~30次，唔算多都唔算少，但未遇過咁嘅情況」。但其實過往在未通關時，也有類似的偷BB車、偷衫新聞傳出，因此不應跟車太貼，將責任歸咎於內地遊客，帶多個鎖保護財物更實際！

原帖連結：按此