大媽迪士尼樂園排隊打尖搞到動粗！網民大鬧：影完相唔會變公主！｜網絡熱話
廣告
經常都聽到迪士尼主題樂園有打尖的問題，最近有網民在迪士尼排隊時，二人疑因為打尖的問題而引起爭執，期間有迪士尼職員嘗試勸架，不過有知情者透露，因為前面的人有空位但不向前行，後面的人「以為你唔係排緊隊」於是走上前。
兩名女遊客疑因打尖的而引起爭執
有網民在Facebook群組「我真係好鍾意迪士尼資訊分享群」發帖，影片可見有兩名女遊客疑因為打尖的問題而引起爭執，期間聽到二人說「放手」、「你郁手先㗎」，期間有兩名迪士尼職員上前了解事件，其中一名職員更表示叫保安過來解決。其後粉紅色衫的女士將對方的袋扔到地上，要表示「癡線嘅，我邊有拎你啲嘢」。樓主更直言「嘩，乜排隊排到咁激，依家個個都社交距離，都差唔多係咁㗎啦」，對於兩位當事人排隊排到鬧晒交表示不解。
知情者透露事情經過
有網民表示不明白為甚麼在後面打尖仲咁惡，有網民立即回覆「唔係打尖，前面有位你唔行，以為你唔係排緊隊」，更表示這類對話經常都聽到，已經見怪不怪。期間有迪士尼職員勸架，有網民覺得白色衫的當事人「好似命令式指住地下個口罩同男職員講，幫我執返個口罩」。
網民認得身穿粉紅色衫的當事人
有網民更認得其中身穿粉紅色衫的當事人，更直指她有病，「撞完人仲要兇人，之前朝頭早遇過一次，認住藍色米奇頭背囊，見到佢唔好排佢後面，亦都盡量避免排佢前面，佢望到人嗰個眼神簡直想打人」。
網民：打交咁款使唔使呀
不少網民紛紛留言，「影個公主姐，唔會影完變公主喎」、「有啲人係越行越近之後霸埋人地個位㗎」、「打交咁款使唔使呀，好恐佈」、「我都試過係小小世界叫個大陸女人唔好癡咁埋，佢勁大聲話返我，係咁㗎啦」。
網民控訴買迪士尼的產品時遊客會企得很近
更有網民控訴去買迪士尼的產品時，反而遊客會企得很近，次次排隊買嘢，後面排隊的人都會企得好貼，「最憎有社交距離都要貼埋企，仲要有時啲人同朋友一齊企仲撞到人，好心就企出面其他位置等啦，排隊位比錢已經係有限空間，仲要咁多人迫」。
圖片來源：Facebook@我真係好鍾意迪士尼資訊分享群
