西貢停車場暗藏魔鬼收費！寫明全日任泊$150 港人慘被收$1,100！

Feb 10 2023

車主們最怕搵停車場，就算搵到場都唔一定有位泊到入去！近日一名車主在Facebook群組「泊車優惠及收費情報區（香港）」上發帖，指自己在西貢停車場看到大大隻字寫著「$150全日任泊」，於是就入場泊了一日半，最終竟被收費$1,100，原來該停車場暗藏魔鬼細節，他提醒其他車主要小心中招！

西貢停車場寫明全日任泊$150 原來暗藏魔鬼細節

事主在Facebook群組「泊車優惠及收費情報區（香港）」上發帖，表示自己出Post「預左比人話，我都要提下其他師兄」，指自己在「西貢親民街個wilson parking ，我見大大隻寫住150全日任泊就入去泊左日半，出到來$1,100」嚇得事主崩潰到叫咗出來。

西貢停車場事發的「西貢親民街Wilson Parking」 — 事發的「西貢親民街Wilson Parking」（圖片來源：Google Map）

西貢停車場除了車速太快會使人尖叫，停車費太貴同樣都會！ — 除了車速太快會使人尖叫，停車費太貴同樣都會！（圖片來源：電影《Fast & Furious》劇照）

事主仔細睇牌後發現，原來收費牌下有細細隻字寫著「只限星期一至四」，事主應該是在五、六或日泊車，於是只能以時租收費，並無每日收費上限。根據計算，該停車場的每半小時收費是$19元，估計大約泊了29小時，總收費$1,100。事主只好無奈地勸世「講真我哋揸住架車邊可以停向度慢慢望完先入去。。。所以提下各位師兄小心小心。」

西貢停車場放大後可發現其實在0全日任泊下有細字寫著「只限星期一至四」，加上收牌費靠近出口位置，車主未必可看得清楚。 — 放大後可發現其實在$150全日任泊下有細字寫著「只限星期一至四」，加上收牌費靠近出口位置，車主未必可看得清楚。（圖片來源：Google Map）

西貢停車場事主原文 — 事主原文（圖片來源：Facebook群組「泊車優惠及收費情報區（香港）」截圖）

網民大呻搵笨：擺明呃人報《東張西望》啦／消委會搞大佢

帖子廣傳後網民反而安慰事主，叫他「當買個教訓」、「好多都係咁，陌生地方小心泊」、「建議樓主預早上網搵定停車場資料」、「當果區車多位少，但見個場仲有位，你就知背後係有原因」，直指不如泊街算數，「抄牌$320都無咁嬲」。

西貢停車場有網民經驗之談 — 有網民經驗之談（圖片來源：Facebook群組「泊車優惠及收費情報區（香港）」截圖）

西貢停車場有人寧願泊街也不泊「吸血停車場」 — 有人寧願泊街也不泊「吸血停車場」（圖片來源：Facebook群組「泊車優惠及收費情報區（香港）」截圖）

西貢停車場有網民指觀塘區很多停車場都是如此 — 有網民指觀塘區很多停車場都是如此（圖片來源：Facebook群組「泊車優惠及收費情報區（香港）」截圖）

西貢停車場細字半小時 — 細字半小時（圖片來源：Facebook群組「泊車優惠及收費情報區（香港）」截圖）

西貢停車場有網民同樣中過招 — 有網民同樣中過招（圖片來源：Facebook群組「泊車優惠及收費情報區（香港）」截圖）

另外也有網民建議事主報消委會及TVB節目《東張西望》，指停車場手法擺明呃人，「個提示既字應該放大到同價錢差唔多，你渣緊車點睇到咁細隻字呀」、「係唔係應該報海關，好似同買海味，細細隻字寫1兩價錢既陷阱咁」、「D字咁細粒，真係好仆_」、「消費者委員會十年前執過一次全港停車場啲收費牌字細，而家故態復萌。」