筍工
筍工

絕世大筍工!返工只需煲劇瞓覺+在家工作兼年薪25.6萬 只需2個條件就得!網民:即刻轉行|網絡熱話

熱話

廣告

人人都想搵份絕世筍工,又唔係人人都搵到筍工呢!如果可以瞓住賺錢,話唔定就係打工仔嘅夢想。現實中有份筍工,可以在家工作,返工時間煲劇、瞓覺就得,年薪更有25.6萬,究竟呢份筍工要點先做到?

絕世筍工!每日只需床上煲劇瞓覺

一間英國奢侈床具品牌Crafted Beds最近就招募床褥試睡員,每週工時約37.5小時,工作範疇只需測試新床墊即可,在床上小睡、瞓著煲劇、睇書,最後再根據舒適度評分寫報告就可以輕鬆完成任務。工作範疇簡單而且工時又短,相信絕對是大家心目中的筍工。

筍工 床褥試睡員人工絕對唔低!
床褥試睡員人工絕對唔低!(圖片來源:TVB《青年心城之撐起青春》劇照)
筍工 在床上小睡、瞓著煲劇、睇書即可!
在床上小睡、瞓著煲劇、睇書即可!(圖片來源:《當你沉睡時》劇照)

在家工作 穩袋25.6萬年薪

外出上班最怕車程遠,一來一回浪費時間,而這份筍工只需在家工作即可,床具公司會將床褥寄到試睡員家中,讓你足不出戶都可以完成工作,這間公司真是非常貼心呢!

筍工 床具公司會將床褥寄到試睡員家中,讓你足不出戶都可以完成工作。
床具公司會將床褥寄到試睡員家中,讓你足不出戶都可以完成工作。(圖片來源:TVB《青年心城之撐起青春》劇照)

筍工資格超簡單:年滿18歲並居住在英國

想得到見工機會條件超簡單,就是只需年滿18歲並居住在英國的人士即可報名參加,不過這份工作是要撰寫報告,所以書寫及溝通能力都要有一定程度,並且公司要求測試員能在不受干擾的情況下獨自完成測試,所以自問有極佳的書寫能力而且不易分心的在英港人不妨一試吧!消息一出後有不少網民都留言大讚筍工想轉行呢。

筍工
(圖片來源:TVB《青年心城之撐起青春》劇照)

撰文:YY|原文刊於:Sunday MORE

圖片來源:Facebook截圖、TVB《青年心城之撐起青春》劇照、《當你沉睡時》劇照

最新吃喝玩樂資訊