租屋網驚見末日水浸盤！ 網民恥笑「泊唔泊到船」
近日有網民發現租屋群組驚現「災難級」租盤，驟眼看仿如世界末日！相中可見全屋水浸，傢俬浮來浮去，更曲線指有「連浮動傢俬，拎包即住」。租盤標明「免佣即租」相信都無人想住！ 連網民都看不過眼出現抽水留言：「包唔包船位，泊到17尺？」
500年一遇又來了？！ 住哪區都有機會遇到「末日水世界」？
近日發現有網民於租屋網發出帖文，指「園中海景房 連超大花園及無邊際泳池」，並附上數張相片，圖中見一村屋室內室外全浸，花園單車浸過半格，室內客廳亦變成澤國，雪櫃及吸塵機等電器無一倖免！樓主更熱情介紹：「連浮動傢俬，拎包即住；遇水斷電，保証慳電」甚至「可養懂水性寵物」。
網民見慣水浸淡定 恥笑「泊唔泊到船」
面對這個誇張租盤，網民反應反而淡定，留言恥笑「可養寵物係咪淨係得魚」、「交通洗鬼咁方便咩，游出去啦」、「可養寵物係咪淨係得魚」、「包唔包船位，泊到17尺？」
除了留言恥笑，亦有網民分享相同經驗：「上年粉嶺圍都係咁，千祈唔好租嗰度啲村屋，地下死晒」。可見香港網民近年已見慣「500年一遇」暴雨水浸，對於水浸全屋已經習以為常。
即睇誇張末日盤：＞＞按此
關鍵詞
租屋網驚見末日水浸盤
圖片來源：授權圖片
