旺角街頭驚現戲屎碰瓷黨 VS Tesla無死角拍攝網民笑爆：真人版得得B？

Q: 旺角西洋菜南街發生咩事?

疑似碰瓷黨遇上Tesla電動車，加上路人幫手拍攝... 詳情

Q: 網民有咩反應?

網民都覺得佢演技太差，其實似係精神有問題... 詳情

May 30 2022

有時世事就係咁神奇，一個濕滑嘅得得B，一個粗心大意嘅細路，有心跌唔撞都會跌。前排喺旺角就出現個疑似碰瓷黨，想搵佢下一個受害者，但唔知佢係咪冇經驗，竟然搵咗架前後左右都有鏡頭嘅Tesla電動車，仲咁啱有路過嘅途人舉機拍攝，成個過程冇死角記錄。車主仲出嚟現身說法，大讚香港人好肯幫手好有愛，更有網民表示該位碰瓷朋友喺油尖旺經常出沒，懷疑係有精神問題，呼籲大家小心！

旺角街頭驚現戲屎碰瓷黨 VS Tesla無死角拍攝
網民笑爆：真人版得得B？

該影片上載於「HongKong CarCam」群組，影片本身係路人角度拍攝，由車主補上車cam角度，影片一開始已經有個人喺馬路上行走，當佢發覺有車駛近時立即原位無定向移動，私家車司機當然停車閃燈示意路人避開，郁都唔敢郁啦。呢條友就圍住車頭行嚟行去，突然間喺離車頭三個身位好似癲癇發作咁，5秒之後仲將自己拋向車頭，轉身射個3分波，完美落地再向住架車手指指。

碰瓷黨突然無正向抽搐！ — 突然無定向抽搐！（圖片來源：FB@HongKong CarCam）

碰瓷黨再拋自己落部車，留意架車全程冇郁過。 — 再拋自己落部車，留意架車全程冇郁過。（圖片來源：FB@HongKong CarCam）

碰瓷黨「你咪走啊你撞到我呀！」 — 「你咪走啊你撞到我呀！」（圖片來源：FB@HongKong CarCam）

碰瓷黨其實離遠已經見到佢。 — 其實離遠已經見到佢。（圖片來源：FB@HongKong CarCam）

碰瓷黨我彈出⋯⋯ — 我彈出⋯⋯（圖片來源：FB@HongKong CarCam）

碰瓷黨 ⋯⋯又彈返入。 — ⋯⋯又彈返入。（圖片來源：FB@HongKong CarCam）

碰瓷黨由呢個角度切入！ — 由呢個角度切入！（圖片來源：FB@HongKong CarCam）

碰瓷黨啲戲差咁啲喎。 — 啲戲差咁啲喎。（圖片來源：FB@HongKong CarCam）

由於呢一條片太受歡迎，引起接近2千個留言，車主仲特登上傳咗第一身視角，仲好多謝當時出嚟幫手嘅人，令佢覺得香港仲好有愛！好多網友留意到扮撞呢位仁兄嗰種漂移腳法就好似係平時玩開遊戲入面果啲NPC咁，更加多人留言指佢演技太差，應該係唔夠偷呃拐騙嘅經驗，建議佢買返本「演員的自我修養」進修一下咁話！

碰瓷黨車主現身！ — 車主現身！（圖片來源：FB@HongKong CarCam）

碰瓷黨仲同恩公相認。 — 仲同恩公相認。（圖片來源：FB@HongKong CarCam）

碰瓷黨網民留言。 — 網民留言。（圖片來源：FB@HongKong CarCam）

碰瓷黨下次醒目啲喇。 — 下次醒目啲喇。（圖片來源：FB@HongKong CarCam）

碰瓷黨叫佢會計部出埋今個月啲糧走！ — 叫佢會計部出埋今個月啲糧走！（圖片來源：FB@HongKong CarCam）

但望真啲你見佢一早就飆咗出馬路，提供充足嘅時間比司機準備停車，又唔似係一般碰瓷黨！有網友就留言提醒大家原來呢條友同一日去左尖沙咀搞事，搞到人哋舖頭雞犬不寧，需要報警處理。車主話佢哋都有報警，但等到警察嚟到嘅時候條友就已經逃之夭夭，警察亦都叫佢哋同埋其他自願留低嘅證人走了事。如果佢真係情緒或精神有問題，希望佢身邊會有人去關心同幫佢啦！