獨居伯伯為貓主子學上網買自動餵食機！ 山長水遠入元朗交收 賣家超長文分享內有洋蔥！｜網絡熱話

賣家打算出售二手自動餵食機

有網民在IG分享近日賣二手自動餵食機的故事，樓主因疫情打算在網上售賣罷放已久的二手自動餵食機，有伯伯就表示有興趣買，「佢都問咗幾多問題，途中亦都講下價，我後尾都開始嫌佢煩，為咗證明部機正常運作，仲拍咗條片比佢，而買家亦都決定嚟我哋屋企樓下自取。」

獨居伯伯驚強檢冇人餵貓貓

到交收當日，賣家見面先知對方是一個滿頭白髮，已上年紀的伯伯，賣家詳細講述餵食機的電掣及說明書，伯伯即問：「難唔難用㗎？你知啦，近排日日都圍封，又強檢，我驚有咩事，冇人餵屋企隻貓。」

伯伯為主子上網學用自動餵食機

賣家聽到十分驚訝：「去到呢到，我個心好翳，伯伯學上網買個二手自動餵食器，山長水遠入元朗，就係為咗屋企嘅主子，佢問咁多嘅問題，係擔心自己唔識用。」賣家亦得悉伯伯講價是因為資金有限，「電話plan爆晒都唔捨得upgrade，寧願將啲錢放起主子身上。」

伯伯的故事感動港人

其後賣家打算免費送自動餵食機給伯伯，但伯伯堅持要付錢買，「我唯一可以做嘅就只好whatsapp同佢講，部機唔識用嘅時候，又或者真係圍封冇人照顧貓貓嘅時候話我知，我哋會盡量幫忙。」有網友得悉這個故事，為伯伯送上貓咪飲水機同貓糧給伯伯。

不少網民亦被伯伯的行為所感動，「好多老人家到咁上下，擔心嘅都完全唔係自己」、「伯伯好有心，好多舖開唔到舖就棄貓棄狗，佢仲山長水遠入去買自動餵食器俾貓」、「睇到眼濕濕，希望伯伯同貓貓都健康平安。」

資料來源：IG@cats.above.the.sea授權