連登仔列4點狂轟香港演唱會編排好戇X！港式假Encore、請嘉賓好呃鐘？

連登仔列4點狂轟香港演唱會編排好戇X！
港式假Encore＋最不滿係請嘉賓呃鐘？

第1宗罪. 演講環節太多

樓主提到自己觀看演唱會無非都是想沉浸在整場表演的氣氛當中，但是現時演唱會的鋪排中「總有幾段俾歌手講吓嘢」，甚至在講話時就開啟全場燈光，令他直言「你咁樣搞到好出戲，唔係唔畀你講，你完嗰陣慢慢講得唔得？」

第2宗罪. 謝幕詞極冗長

樓主提到對香港演唱會不滿的第2個原因是「謝幕詞極長」，批評部份歌手的謝幕詞「一定要多謝曬台前幕後連清潔阿姐都要多謝」、「試過多謝成10分鐘，仆你個X，我入黎係睇你，唔想知其他嘢。其他工作人員係咪無出糧，要讀佢個名出嚟多謝佢，我返工完左個project會唔會逐個同事多謝？」、「多謝都多謝10分鐘，點解唔唱多2首歌」。

第3宗罪. 一定要有嘉賓

香港的演唱會有嘉賓已是常態，不過樓主就坦言不解為何演唱會一定要請嘉賓，甚至將珍貴的表演時間分配給嘉賓，表示「有人會話可以畀個歌手換衫休息，但大前提係我唔想聽個嘉賓嘅歌呀，我想聽你呀，你搵個樂手出嚟cover你d音樂一段都好呀」。

第4宗罪. 港式假Encore

不是每個地方的演唱會都有”Encore”的文化，但是香港的”假Encore”文化確是一直存在，樓主稱演唱會「都預咗你Encore」，為何還要假裝不Encore落台離去，但最後還是會上台Encore，這樣的話何不一開始便直接唱到底呢？

網民出聲反駁

對於樓主的立場網民就展開了激烈的討論，其中最多人爭論的是第2點和第4點，有網民認為第2點的謝幕詞是必須的，表示「多謝幕後我覺得好好喎，又唔係嘥你幾多時間」、「佢地付出既努力同汗水唔會比主唱少，用少少時間拍下手，俾返credit人地我覺得好合理」、「雖則大家睇Show都係睇個主角唱歌，但背後有幾多人做幾多嘢先可以準備到個show出來」。不過也有網民認同謝幕詞太長講得太仔細令人反感，甚至在演唱會的中後期讀出，有一種「臨完場又讀吓逐個名感謝晒全世界，再迫你拍爛手先播埋個結局出嚟」的感覺。

至於「港式假Encore」有網民則認為只是一個搞氣氛的傳統，在臨完場前一同大嗌以支持歌手，而歌手再次現身回應觀眾，唱畢歌曲後再正式宣布演唱會結束，就像是一種「儀式」大於實質意義。

另外第3點的「嘉賓文化」網民就普遍有共識，坦言認同請嘉賓係戇X，表示「雖則外國都有，但唔太清楚佢哋係咪同香港一樣，已經變咗做必定有嘅環節，實在冇乜興趣聽主角以外阿豬阿狗唱成首自己歌」、「最onX係觀眾俾嘉賓嘅歡呼聲仲大過主角任何一首歌，然後每次都係用咩嘉賓嚟做賣點」，甚至有些嘉賓「仲以為自己係主角，出嚟講勁長一段嘢」，有喧賓奪主的感覺。但也有網民平反是提攜樂壇後輩的一種方法，應支持而非苛責。