樂園
樂園

樂園售票處截龍 需轉櫃位排隊!一家三口不滿:我要見你管理層!| 網絡熱話

熱話

廣告

樂園因為客人多要求,因此投訴都多不勝數!各行各業都有工作上嘅難處,而做顧客服務嘅人最難搞就一定係對客喇。話說有喺大嶼山一間樂園做兼職嘅網民喺「西客之道 Hispitality Secret」發文,指曾經遇過有一對夫婦因為排隊問題而要求見管理層。

撰文:Evita | 圖片:新傳媒資料庫、香港迪士尼樂園、pexels|資料:FB@西客之道 Hispitality Secret

一家三口不滿樂園售票處截龍

有網民喺Facebook分享一則返工嘅經歷,指樂園門口兩邊售票處會因應當時人流,以及員工人手而決定開放幾多個櫃位。樓主指有日左邊其中四個櫃位收檔,同事提早截龍。

樂園
樂園人流多非常正常。(示意圖,圖片來源:新傳媒資料室)

樓主表示截龍之後有對夫婦走埋黎,然後有同事同佢哋講呢邊櫃位已經收咗,要求佢哋去另一邊排隊,點知對夫婦就開始發脾氣⋯⋯

夫婦:「收咗?即係點呀?」

同事:「唔好意思啊,因為我地呢邊會暫停運作,或者你可以過返對面嗰邊啊唔該你…..」

夫婦:「點解話收咗啊?都未收?」

同事:「唔好意思啊,呢邊會暫停運作,所以我地截咗龍⋯⋯」

夫婦:「即係未收啦!咁點解你唔做埋我哋先啊?我地帶住個小朋友咁辛苦,天氣又熱,都係一張半張飛姐!我哋喺門口停車場嗰度等咗咁耐都無車位,個停車場咁遲開你又唔通知我哋,你叫你哋啲管理層落嚟,我要俾佢地睇到你哋管理得幾咁差啊!」

樂園時有投訴發生。(示意圖,圖片來源:新傳媒資料室)
樂園時有投訴發生。(示意圖,圖片來源:新傳媒資料室)

如是者,同事不斷同呢對夫婦講「唔好意思」,亦再重申因為呢邊要收檔,都只係想叫客人去另一面排隊,點知對夫婦就話班同事淨係識企喺到唔做嘢,更要求見管理層。

帶住小朋友都唔以身作則!(示意圖,圖片來源:pexels)
帶住小朋友都唔以身作則!(示意圖,圖片來源:pexels)

此時樓主就話:「我都好明白你嘅感受。」點知對夫婦就大鬧:「你明咩姐?你明你就而家畀我續埋飛先啦,一張半張都唔做埋佢!你地啲管理層喺邊啊?」

就算有管理層都要排隊!(圖片來源:pexels)
就算有管理層都要排隊!(圖片來源:pexels)

而同事見到夫婦咁堅持,就話如果想投訴,可以去前面櫃位,不過重點都係要排隊。最後樓主嘗試叫夫婦同同事冷靜啲,不過竟然畀夫婦叫「收聲」,又話要投訴,以及要求見管理層。

大家排隊都辛苦。(圖片來源:unsplash)
大家排隊都辛苦。(圖片來源:unsplash)

網民熱烈討論 兩邊都有唔著?

樓主表示,其實對夫婦如果用鬧交時間去排隊,就已經可以排到佢哋喇。雖然樓主就冇講到最後點處理,但依然引起不少網民討論,大指香港人最鍾意就係投訴,有人更話管理層喺美國,應該由佢慢慢等。不過亦都有網民認為做前線切忌叫客人冷靜,因為冷靜嘅人都會畀佢呢一句「冷靜」而撻著團火啊!

香港人其實都好無禮貌同自私!(圖片來源:Facebook)
香港人其實都好無禮貌同自私!(圖片來源:Facebook)
直接搵美國管理層投訴夠晒威。(圖片來源:Facebook)
直接搵美國管理層投訴夠晒威。(圖片來源:Facebook)

撰文:Evita | 圖片:新傳媒資料庫、香港迪士尼樂園|資料來源:西客之道 Hispitality Secret