麵包控必學 前五星級酒店師傅限定開班！3堂學整6款人氣麵包
今次同大家推介由仁愛堂YES廚藝教室舉辦嘅兩個麵包製作課程，只需短短三堂，就可以一口氣學整六款人氣麵包，超級實用！課程特別請嚟擁有超過40年烘焙經驗、曾擔任多間知名餅店同五星級酒店餅房主管嘅邱勇靈師傅（Yau Sir）親自教路。Yau Sir仲係「包大人」麵包店嘅創辦人，由基本手揉麵團技巧到專業心得，佢都會毫無保留一次過傳授，保證新手都可以輕鬆上手，由淺入深掌握各款麵包嘅精髓！
環球麵包製作課程︰歐式、日式及港式
歐式、日式同港式全部都想要？想一次過體驗唔同國家嘅風味，呢個「環球麵包製作課程」就啱晒你！課程會帶你展開一場滋味麵包之旅，有歐式主打天然健康、日式極致鬆軟仲有創意流心餡，港式就保留懷舊經典味，加埋陣陣濃郁奶香，包你滿載而歸！
第一堂：亞麻籽脆皮歐包、黑小麥核桃酸種包
第二堂：咖啡包、紅豆牛奶小圓包
第三堂：炸咖喱鮮牛油炸包、提子麥包
環球麵包製作課程︰歐式、日式及港式
- 修讀時數：3堂，每堂3小時
- 上課日期︰2026-09-02 至 2026-09-16 (逢星期三)
- 上課時間︰14:00-17:00
特式風味麵包課程
食慣基本麵包款，想再上一層樓，開拓新口味同新食感？「特式風味麵包課程」帶你深入探索各種麵團嘅獨特個性，教你制作多款麵包造型同創意口味！循序漸進，手把手帶領你學識專業手搓竅門，學完即刻用得著。無論係自家下午茶聚會，定係為家人準備愛心早餐，都一樣好睇又好味，保證屋企人食過都讚不絕口，仲會追住問你幾時再整添！
第一堂：原味骰仔牛角酥、蘑菇芝士雜菜包
第二堂：牛奶藍莓吐司、奶油千層麵包
第三堂：杏仁朱古力包、松子蘋果提子包
特式風味麵包課程
- 修讀時數：3堂，每堂3小時
- 上課日期︰2026-09-07 至 2026-09-21（逢星期一）
- 上堂時間：14:00-17:00
課程特點及報名詳情
仁愛堂YES廚藝教室麵包課程，三堂教你整六款唔同風味嘅麵包，節奏明快、內容紮實，等你喺不知不覺間養成烘焙好習慣！課程由烘焙逾40年經驗嘅導師Yau Sir親自教授，無論喺經營餐廳同餅店，定擔任技術顧問都有實戰經驗。有佢喺身邊指導，就算係零經驗嘅新手都唔使驚，絕對可以安心享受烘焙樂趣。無論你想學多門手藝，定係想為屋企人整健康美食，呢兩個課程都非常值得一試。名額有限，記得要早啲報名呀！想了解更多課程詳情，請瀏覽YES廚藝教室官方網站！
上課地點：荔枝角長沙灣道833號長沙灣廣場2座8樓805室
*圖片僅供參考
(Presented by 仁愛堂YES廚藝教室)
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
