單車
單車

單車踩中線 私家車響咹反遭中指問候!CAM主發帖取暖再被怒轟:你隨時犯法

熱話

廣告

香港車多路窄,一個唔小心好容易擦槍走火,所以話無論邊個唔啱都好,路上互相忍讓一下就可以避免好多意外,始終無論邊個受傷大家都唔想。近日網上流傳一條影片,單車手喺馬路中線行走,車cam片主響咹提醒,單車手唔領情之外更兩度中指問候。此片引起網民對路權嘅討論,本以為會一面倒支持私家車,但有一大部份聲音反而係批評私家車司機冇風度,究竟點解呢?

彌敦道踩中線 司機響咹提醒反遭單車手中指問候

片入面離遠可以見到單車手原本係喺左線行,但彌敦道左線大部份都係巴士線,而當時都有好多巴士埋站上落客,單車手於是轉入中線繼續踩,而由於速度嘅差距私家車好快就追上架單車,一個路口都未到嘅距離之後只見單車手回頭望後向片主兩度舉中指。由於影片冇聲,但喺描述內容片主形容「輕輕呠你兩下話你知後面好多車」,應該係單車手聽到司機響咹之後回頭回應。

單車 彌敦道
(圖片來源:YouTube@車CAM特警)
彌敦道 單車手由左線轉入中線。
單車手由左線轉入中線。(圖片來源:YouTube@車CAM特警)
單車 彌敦道 巴士線一直有巴士埋站。
巴士線一直有巴士埋站。(圖片來源:YouTube@車CAM特警)
單車 彌敦道
(圖片來源:YouTube@車CAM特警)
單車 彌敦道
(圖片來源:YouTube@車CAM特警)

網民反應超極端:多此一舉+危險駕駛!

有眼利嘅網民就睇到單車手由左線入中線嘅時候無俾手勢,表示單車踩上路面都應該要考牌,而伸出中指呢個行為亦都有錯,但除此之外更多聲音係支持單車手,大鬧私家車司機冇品。片中可以見到巴士線有多部巴士埋站,單車手有權切入中線爬頭,如果每經過一部巴士都要左中交替其實會更加危險,影片入邊亦都未見任何危急情況,「提示」本身並非響咹嘅其中一個用處,咁做已經有機會犯無故響號罪。

單車 彌敦道 網民留言。
網民留言。(圖片來源:YouTube@車CAM特警)
彌敦道 網民撐單車踩中線。
網民撐單車踩中線。(圖片來源:YouTube@車CAM特警)
單車 彌敦道 狠批cam主響安係多次一舉!
狠批cam主響安係多次一舉!(圖片來源:YouTube@車CAM特警)

更何況係呢個情況之下司機的確跟得太貼,無緣無故下響咹更容易嚇親單車手,本身係繁忙路面就唔應該揸得太快,但係如果趕時間其實可以用快線,冇需要為咗爭啖氣而「呠」其他道路使用者,所以有好多同樣係駕駛者嘅網友都覺得cam主行為好冇品之餘,其實已經涉嫌危險駕駛,如果發生意外,私家車嘅殺傷力比單車實在差距太大。

單車 彌敦道
(圖片來源:LIHKG)
單車 彌敦道
(圖片來源:YouTube@車CAM特警)
單車 彌敦道
(圖片來源:YouTube@車CAM特警)
單車 彌敦道
(圖片來源:YouTube@車CAM特警)

旺角彌敦道發生什麼事?

日前一位司機在旺角彌敦道遇到單車手騎在中線上,於是響咹提醒,誰料反遭中指問候,司機便發帖指….詳情

CAM主為何被網民狠批?

網民認為CAM主欠缺風度,加上…詳情

圖片來源:YouTube@車CAM特警, LIHKG