大網仔
大網仔

大網仔生態營!$120 住豪宅複式Camp Site!

熱話

廣告

以前中學的時候去Camp Site,雖然話同同學仔一起住三幾晚好開心,不過通常營地又簡陋又污糟,一入房不只成陣霉味,仲好鬼唔乾淨。不過這個位於西貢大網仔的香港青年協會賽馬 會西貢戶外訓練營就一洗小記我對宿營的負面印象。這個擴充後新建的營地宿舍對住無敵大海景,靚景已經無得輸,宿舍的舒適整潔度簡直是畫龍點睛!新建的宿舍 都以純白為主調,再擺放草綠色的傢俬作點綴!不但房間升級晒,營地亦新增多項綠色元素,如屋後花園打造成小農田、新增廚餘實驗室、教學廚房,還引入全港首 個設於營地的大型的魚菜共生系統!唔好講咁多,立即來個示範單位搶先睇!

Camp Site變身成複式度假屋!

擴建後的新營除了開放予學校或團體申請,營舍也歡迎家庭入住,約埋三幾個家庭一齊入住3房 1廳的28人複式單位,每人每晚只要百幾蚊就住得。新建的這6座營舍設有16間房,其中2間為28人複式客房,14間為12人特選客房,並分為複式或單層,全部均設落地大玻璃,面向西貢內海,一起身就可以見到個無敵大海景。睡房內全是碌架床設計,房間分別可容納8人及12人,不設2人睡房。

 

記者點評:

Good

・客廳位置寬闊,面對無敵海景
・複式單位上、下層均設浴室、廁所
・客房內可接收Wifi

Bad
・睡房最少有8張床位,全是碌架床設計,床與床之間較狹窄
・房內不可煮食,不設水煲或餐具
・需自備牙刷、毛巾、風筒等

還記得以前每逢學校宿營,都總是玩完攀石、玩Check Points,然後趕忙沖個涼再去聽Talk,簡直攰過上堂。唔通一家幾口扶老攜幼,都要咁奔波?綠化後的訓練營,也擺脫了傳統訓練營的概念,除繼續提供歷奇訓練,還提倡「賞綠生活」,,擴建項目之一便是將綜合大樓改建成教學廚房,提供多項低碳工作坊,如跟導師手造意大利粉、薄餅、曲奇及蛋糕等,當中部分食材會取自自家耕作的小農圃,而舊 Canteen 亦改裝成活動室及瑜伽室,提供更多休閒活動。

另外,為配合家庭用餐,亦新開Café提供個人套餐,不但有All day breakfast,還有意粉、蛋糕及咖啡等供應,縱然房內不可煮食,也不需外出用餐。

係咪好吸引?其實營內仲有更多有關低碳活動!想知道更多,就要留意第813期新假期啦!

或可訂閱電子版新假期,慳得仲多!

IOS: https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2

香港青年協會賽馬會西貢戶外訓練營

地址:西貢大網仔路 DD256地段
查詢:2792 2727

網址:otc.hkfyg.org.hk
交通:於西貢乘坐94號巴士、7號或9號小巴可直達

延伸閱讀:

賞櫻不如嚐櫻!4間特色香港櫻花食店

春天野餐去!最健康美味野餐手冊

最新吃喝玩樂資訊