叫兩間外賣金額調轉畀 食客叫外賣員自行追數 老闆得悉事件決定咁做！｜網絡熱話
廣告
嗌外賣已經成為大家生活日常，食飯要畀錢係理所當然嘅事，但係就有外賣員投稿至Facebook專頁「西客之道 Hispitality Secret」指有同事送外賣到一間公司，客人畀唔齊錢仲話返外賣員轉頭，老細得知情況後做出以下決定，獲得大批網民讚好！
撰文：Evita｜圖片：FB@西客之道、FB@暖心館、《愛回家之開心速遞》
食客叫兩間外賣 金額調轉畀
有網民投稿至Facebook專頁，內容係指有外賣同事送飯盒（$38）去某公司，但係客人A只係畀$36，仲堅持自己已經數清楚。同時客人B就話：「係咪頭先阿姐嗰$36拎錯$38嗰份啊？」外賣員就叫客人A而家畀$38，自己追返$36嗰間拎返$2，點知客人A就：「點解要我畀？又唔係我錯，你自己問佢拎囉！」簡單嚟講就係客人同時叫咗兩間餐廳嘅外賣，亦預備咗$36同$38兩份錢，但係第一間價值$36就畀咗$38，到第二間嚟到價值$38嘅餐就只收到$36。
