天后日泊停車場全港最貴 停半日竟要價$3,000？！網民拆解真相：佢無印錯！

全港最貴日泊停車場 停一日竟要價$3,000？！
網民解釋真相：佢無印錯 係你理解錯

車主們除了等錶位、泊街以外，私人停車場說是另一選擇，不過香港停車場往往收費差價大，仲隨時有惡魔條款，一個不留神仲要俾昂貴的停車費添；駕駛新手如果出車前無做好Research，仲有機會誤入地獄停車場，整花愛車就得不償失！

近日網民在Facebook@「泊車優惠及收費情報區（香港）」上分享一張圖片，圖中為位於天后的「維多利中心停車場」，在停車場收費牌上寫著時租$27、月租（非固定車位）$4,400、月租（固定車位）$5,100，而日泊收費卻是高達$3,000。網民看後便表示「佢應該印錯…日泊$3,000，如果真係，我泊街算」。

對於網民疑惑停車場時租才$27元，就算泊足24小時，都只是$648元，$3,000的日泊收費到底如何計算出來？其後有網民就回應事主並解釋真相，指停車場的收費版上並沒有印錯，而是日泊月租（即是齋日泊的月租收費），不過認同收費牌排版設計差，容易導致車主的誤會。另外也有網民提醒，該停車場非常狹窄，不屬於好泊的停車場，非常之難轉彎，建議新手們不要挑戰。